يا جماعة اية عيوب ومميزات نوبيرا 2008 من وجهة نظر المستخدمين
ياريت اى حد يمتلكها يكتب راية الشخصى
انا عن نفسى العربية مريحانى جدا بس الفرامل مش قد كدة على السرعات العالية يعنى العربية ممكن تعوم
عرض للطباعة
يا جماعة اية عيوب ومميزات نوبيرا 2008 من وجهة نظر المستخدمين
ياريت اى حد يمتلكها يكتب راية الشخصى
انا عن نفسى العربية مريحانى جدا بس الفرامل مش قد كدة على السرعات العالية يعنى العربية ممكن تعوم
بص ياباشا
احنا معانا نوبيرا 2006 والعربية بصراحة زى الفل مافهاش حاجة غلط والفرامل كويسة يعنى العربية مش بتعوم ولا حاجة بس العيب الوحيد اللى مضايقنى من النوبيرا انها واطية زيادة عن اللزوم وبتحك فى كل المطبات واه لو كنت محمل العربية بتوطى اكتر والمشكلة ان مشيك بالعربية مش هيكون فى صلاح سالم بس مثلا او اى شارع تانى نضيف لازم هتمشى فى شوارع جانبية او شوارع مش ممهدة
يعنى لوقارنتها بعلو الكورولا مثلا الكورولا تكتسح طبعا وكذلك الياريس
معاك حق يا باشا
بس لعلمك انا مشتكتش من موضوع الارتفاع دة مش عارف لية مع انى حملت كتير وكدة وعمرى محكيت فى مطب
ياباشا امال لو كان معاك سيفيك بقا هتعمل اية ؟
على العموم النوبيرا عربية كويسة جدا
الفرامل ضعيفة والعفشة ناعمة زيادة شوية
الموتور أسد والثبات كويس لحد 120 ، وبعد تغيير الكاوتش ل 205 ثابتة لحد 160
الإرتفاع معقول مش واطى
نفس اللشكوة الى بتشتكى منها فى الفرامل سرعات عالية والعادية تحس انها مش بتسعفك وايضا المطبات ودى بتبان وانت مسافر على طريق بة مطبات صناعية فلازم تاخد المطب بى زاوية بالاضافة الى موضوع استهلاك البنزين الى بدور لسة ليه على حل
ده مش معناه ان العربية وحشة يابش مهندس احمد ولكن الواحد دائما بيحب الحاجة تكون 100 100
ده مش معناه ان العربية مش وحشة يابش مهندس احمد ولكن الواحد دائما بيحب الحاجة تكون 100 100
هههههههههه حضرتك كتبتها مرتين
انا سمعت المرة الاولى ان الواحد دائما بيحب الحاجة تكون 100 100
المهم يا جماعة ان العربية ثابتة جدا معايا لحد 160 مش بشتكى منها خالص يعنى مش بتتنطط او بتروح يمين وشمال العربية ثابتة جدا ما شاء الله
ازاى لحد 120 فقط؟
صراحة والدى معاة نوبيرا2001 و انا بسافر بيها على طول و ابقى محمل كتير اوى و بامشى 160 و العربية ثابتة جدا و كمان مافيش حاكة فى المطبات بس هو اللى مضياقنى منها صوت الموتر العالى بس هية عربية 10 على 10
الصراحه انا معايا نوبيرا 2006
عمرها ما زعلتنى
ثبات رائع بكاوتش 195
موتور قوى جدا
نعومه فى الاداء
ممكن الصوت عالى شويه بس عاجبنى
مش الصوت اللى يضايق لاء دة صوت جميل فى السحب
بتمشى لحد سرعه 200 بدون خوف
ودلوقتى كمان انا ماشى ببنزين 80 ومفيش اى مشاكل
هو بس موضوع الفرامل بس هى برده احسن من اللانوس ومن عربيات كتير جدا
بس هى عامه ممتازه