يا شباب بالله عليكم ردو عليا بسرعة وضرورى

**محمود صلاح 89** · 09-02-2015 11:54 AM

يا شباب بالله عليكم ردو عليا بسرعة وضرورى علشان رايح اخلص فى عربية من التلاتة دول النهاردة
هوندا سيفك موديل 84 كراسى طيارة وحالتها زى الفل ومحتاجة مكبس بس علشان التكييف يشتغل ومش رشة دواخل وسعرها 18 الف
اسكودا فيففورين موديل 94 حالتها كويسة ومش رشه دواخل وسعرها 18 الف
دايهتسو شاريد 100 سىسى مش رشة دواخل ومافيهاش تكييف وسعرها 21 الف
اجيب ايه فيهم وليه

**خالد دياب** · 09-02-2015 01:08 PM

العربيه بحالتها وكل ما تكون احدث في الموديل يكون افضل وانت اللي شايف اكتر وتجيب ميكانيكي معاك وبالتوفيق

**محمود صلاح 89** · 09-02-2015 01:30 PM

المشاركة الأصلية كتبت بواسطة خالد دياب

العربيه بحالتها وكل ما تكون احدث في الموديل يكون افضل وانت اللي شايف اكتر وتجيب ميكانيكي معاك وبالتوفيق

مشكووووور على الرد لو التلت عربيات حالتهم كويسة يبقى الافضل ايه
وكيد فى ماركات افضل من مركات او موديلات افضل من موديلات

**pepo2011** · 09-02-2015 01:32 PM

بص ياباشا افضلهم طبعا الهوندا لكنها قطع غيارها غالية شوية

**محمود صلاح 89** · 09-02-2015 01:44 PM

المشاركة الأصلية كتبت بواسطة pepo2011

بص ياباشا افضلهم طبعا الهوندا لكنها قطع غيارها غالية شوية

مشكور على الرد يا باشا
وبالنسبة كلام حضرتك بخصوص ان قطع غيار الهوندا غالية ليا استفسار هى غالية زيادة عن اللزوم ولا عادى وهل من من المؤكد انها هتعييش اكتر وبالتالى هيبقى الحكاية واحدة تقريبا يعنى مثلا قطعة غيار فى الهوندا ب 100 جنية بتتغير مرة فى السنة وقطع غيار ب 50ج جنية فى اى عربية تانية بس بتتغير مرتين فى السنة فهتبقى المتكلفة واحدة كدة فياترى انا كدة فاهم صح ولا راى حضرتك ايه