الموضوع: سؤال عن حركة الافيو بدون الضغط على دواسة البنزين . مهم

المشاركة الأصلية كتبت بواسطة moury

ياجماعة ليا سؤال معلش فى حاجة محيرانى

انا لما بكون ماشى فى شارع مش مرصوف مثلا وفيه حتت عالية وواطية بعاني لما بكون ماشى ع الاول او التانى ودايس بنزين مع دبرياج العربية بتقعد تقطع غالبا لان رجلى اكيد عشان المطبات مش بتبقى ثابتة ع الدواسة

المهم عرفت حاجة انه اصلا انا لما برفع رجلى من الدبرياج خالص والبنزين خالص على اى غيار العربية بتمشى بسرعة السلانسيه بتاعها ومش بتقف

سؤالى بقى

هل فيه مشكلة لو رفعت رجلى من على الدبرياج خالص والبنزين واسيب العربية تمشى لوحدها واتحكم انا فيها عن طريق الفرامل والدبرياج بس من غير البنزين سواء ع الغيار الاول او التانى ( التانى بتكون السرعة اعلى شوية ) ...
هل ده ممكن يكون بيضر الموتور ولا ده حاجة طبيعية فى العربيات اصلا لانى زمان كان معايا فيات ولما كنت بشيل رجلى من الدبرياج من غير ما ادوس بنزين العربية بتفصل

حاليا انا معايا شيفروليه افيو 2009 مانيوال

رجاء الرد وارجو اكون وضحت فكرتى

انا رائى مفيش مشكله, انا فالزحمه والاشارات بطلع من غير مدوس بنزين
للاسباب الاتيه:
1 مش ناوى اجرى يدوب بحرك العربيه نص متر وقف تانى
2 توفيرا للبنزين, مش مستهله اعلى صوت الموتور عشان امشى العربيه نص متر

, مدام المحرك قادر يحرك العربيه من غير متديله بنزين يبقا تمام, لكن لو المحرك وقف يبقا مش قادر يحرك العربيه ومحتاج بنزين

بس هو لما بدى التانى وارفع دبرياج من غير بنزين بتحصل دردرة او كركرة بسيطة كده بعدين العربية بتروح ظابطة وتمشى لوحدها على سرعة اعلى مما كنت عليه ف الغيار الاول وحتى اسرع مما لو انا ضاغط سنه بنزين كمان وسنه دبرياج
ده برضه عادي مفيهوش مشكلة ؟ وللا الكركرة اللى للحظات دى تضر الموتور ؟

؟؟؟؟