اشتريت البيجو 301 من اسبوع ومش عارف ارخص

انا يا جماعة شارى العربية من توكيل بيجو الرئيسى شركة القاهرة للتنمية وصناعة السيارات اللى فى صلاح سالم وبقالى اسبوع مش عارف ارخصها كل ورقها جاهز وسليم لكن المرور بيقولى فى منشور جالهم (معاى نسخة منة ) انة لازم يكون ختم ضريبة المبيعات على الفاتورة اللى طالعة من التوكيل غير كدا مش هيعتمد الفاتورة ولما رجعت للتوكيل قالى مفيش حاجة بالكلام دا وصلت لينا ولا فى مرور القاهرة مع ان المنشور طالع لكل ادارات مرور مصر وبيقولى مفيش حاجة اسمها ختم ضرايب وانا مش عارف اعمل اية مع التوكل ولا مع المرور !!!!!!!!!!!!

نزلت مشكلتك مع الملاك ولو حد هيعرف هيقولك

https://www.facebook.com/photo.php?f...3510070&type=1

فلازم الفاتورة الضريبية تكون مختومة بختم من الضرايب يفيد انه تم سداد ضريبة السيارة

ايوة ماهو نص المنشور بيقول كدا ان الفاتورة المختومة بختم التوكيل او المعرض غير معتمدة الا لو كان عليها ختم الضرايب لضمان تحصل الدولة ضريبة المبيعات دى .. بس المشكلة ان التوكيل نفسة بيقول انة موصلوش اى حاجة من الكلام دا وان ناس استلمت عربيات بعدى ورخصت عادى !!!!!! ودا اللى مجننى ومش عارف هى هتفرق معاة اية انة يبعت الفاتورة تتختم من مصلحة الضرائب طالما هو كدا كدا بيسدد المبالغ دى

لازم التوكيل يبعت الفاتورة تتختم من الضرايب روح صلاح سالم واطلب انك تقابل المدير التنفيذى لشركة بيجو او مديرة مكتبها واعملهم مشكلة وطلب بحقك مش هاتيجى غير كده

بدام شاييفين الورق مظبوط خليهم يطلعوا معاك مندوب للمرور يرخصهالك و يورينا شظارنه و انت راضيه

اولا الموضوع ده من فترة حوالي 5 اشهر او اقل شوية
لازم اي شركة او توكيل يبقى عنده ختم او اكلاشية مكتوب فيه رقم التسجيل بضريبة المبيعات ده لو شركة محترمة ولازم يختم بيه كل فواتيره الموضوع سهل و مش محتاج تعقيد لكن مصلحة ضرائب المبيعات مش هتديك ختم بكده لانه مش عندها
اما لو الختم ورقم التسجيل للشركة مصدرة الفاتورة موجود على الفاتورة اصلا يبقى الظابط مبيفهمش حاجة و هو مش عارف هو عاوز ايه معلش سامحة 50% واول مرة يشوف الكلام ده
لو الفاتورة مش عليها ختم من الشركة مكتوب فيه رقم التسجيل بضريبة المبيعات في الحالة دي روح مباشرة للمدير المسئول عن الشركة او التوكيل مصدر الفاتورة ولازم يكون عنده الاكلاشيه ده مع المحاسب او المدير المالي او مسئول المبيعات ولو ما رضيوش بحجة انهم ما يعرفوش الكلام ده اعمل فورا محضر اثبات حاله وحوله للنيابة او اشتكيهم في جهاز حماية المستهلك
الموضوع ابسط من كل الهري ده والله

المشكله دي كاتبين عليها امبارح في ملحق الاهرام بتاع السيارات
...المشكله معروضه بالتفصيل الممل اول صفحه .

كنت بستلم عربيه مع واحد صحبي و الراجل ورانا منشور بتأجيل القرار ده 3 شهور

استاذ ahmednaif79 مفيش داعى لغلط حضرتك فى الظباط مع العلم ان فى منهم كتير جايبين مجاميع طب وهندسة ودخلوا شرطة بالاختيار وبالنسبة لموضوع العربية الحمدلله التوكيل اتصل عليا وتابع معاى الموضوع يوم بيوم لحد ما بعت مندوب لمكتب الضرائب وختم الفاتورة والموضوع اخد كام يوم بس دا كان لان المنشور بتاع المرور متبعتش اصلا للتوكيلات بتاعت السيارات وانا كنت اول واحد يحصل معاة كدا عندهم حظى السئ للاسف . عاما انا رخصت الحمدلله وبالنسبة للقرار ملوش علاقة بالمرور وكان طالع من وزارة المالية ومصلحة الضرائب وكان مكتوب فى المنشور ان اى فاتورة مختومة بختم التوكيل او المعرض بدون ختم ضريبة المبيعات لا يعتد بها يعنى ظابط المرور فى التراخيص مغلطش ولا فهم الكلام خطأ .. عاما الحمدلله الموضوع انتهى وكل الشكر للناس المحترمة فى توكيل بيجو صلاح سالم وليكو هنا فى المنتدى