المشاركة الأصلية كتبت بواسطة aboelsoud
معلش اسف على التأخير
بص يا سيدي
بعد ما اختارونا من ضمن الـ 10 % ادونا ميعاد بعد شهر نيجي فيه تاني للهايكستب
رحنا الهايكستب قعدونا ييجي ساعتين عشان ينادوا علينا واحد واحد و اللي يسمع اسمه ياخد ورقه فيها ميعاد مرواحه للحلميه و الساعه كام و هيكشف ايه
انا طلعت عشان اقصر من 160 ســــم
و كنت تحديدا 159
و كنت تبع لجنه العظام
اللي حصل في الحلميه كان كالاتي
دخلنا و قعدوا ينقولنا من مظله للتانيه و كل شويه ينادوا على الاسامي
لحد اما هتلاقي هينادوا على اسامي الـ 10 % مع بعض
هيدخلوكوا للاستشاريين في طابور كده كل واحد مش بياخد في ايد الدكتور اكتر من دقيقه
انا ساعتها وقفني جنب الحيطه و كان فيها علامه بالعرض كده
لاقاني تحت العلامه قام قايلي اعفاء يلا امشي
و قام كاتب كده في ورقه فيها اسمي
و رحت استلمت شهاده الاعفاء من الهايكستب بعدها بييجي شهرين تلاته مش فاكر الصراحه
و عرفت الميعاد من عسكري في الحلميه و انا خارج كنت سألته
ربنا يوفقك و اعفاء ان شاء الله
المفضلات