عرض للطباعة
السلام عليكم كنت عملت مقارنه كبيره هنا و دول احسن عربيات فيهم
ياريت كل واحد يقول رايه
انا احتياجاتى كالاتى :
١- ثبات و اتزان على الطريق على سرعة 120 كم فقط (علشان مش بزود السرعه اكتر من كده )
٢-الوسع الداخلى
٣ قوة الموتور
٤-الراحه
٥- جودة الخامات
مع العلم ان ميفرقش معايا التوكيل و الصيانات
و ياريت لو حد يعرف اسعارهم مستعمل فى حدود كام ياريت يقول
بسم الله الرحمن الرحيماقتباس:
المشاركة الأصلية كتبت بواسطة elenawy
الاخ الفاضل
1 - الثبات و الاتزان حتى 120 كم تحققه لك السيارات التى ذكرتها و بعد 120 كم تفوز السوبارو
2 - الراحه ( من وجهة نظرى تنقسم الى شعور بالامان و احساس بالرفاهيه)
الشعور بالامان و الاطئمنان تكون الفائزه السوبارو
الاحساس بالرفاهيه يكون مناصفة بين السوزوكى و الهيونداى
3 - جودة الخامات كلهم متساويين (من وجهة نظرى)
4 - انصحك لا تفكر فى المستعمل
هداك الله لارشد امرك واقومه
السلام عليكم و رحمة الله و بركاته
انا بتكلم على الهيونداى من غير esp فهل هى من غير esp ثابته على ١٢٠ كم او ١٣٠ كم ؟؟اقتباس:
المشاركة الأصلية كتبت بواسطة scientist9508
انا اقتنعت بالسوبارو الصراحه انت اللى اقنعتنى بيها بس كل لما اشوف الهيونداى ماشيه احس ان تصميمها ضخم و واسعه و فى نفس الوقت مفيش فيها عيوب جوهريه فارجع تانى اميل للهيونداى بعدين لما الاقى الهيونداى بكل السعر ده مفيهاش الا اتنين ايرباج ارجع تانى اميل للسوبارو و لما اشوف كماليات السوزوكى و كمان يابانى و اشوف سعرها اميل للسوزوكى
انا زهقت انا هشترى ١٢٨ احسن !!
كل ميزه فى عربيه قصادها ميزه من العربيه التانيه
و بالنسبه للمستعمل مثلا انا هاشترى اوبترا جديده ب١١٧٠٠٠ اقول لنفسى طيب بدل ماشترى اوبترا جديده بالسعر ده اشترى احسن سكودا اوكتافيا a5 مستعمله و برضه هتبقى حالتها كويسه و هكذا
انا رايي ان الهيونداي مستواها اقل في التقفيل وفي جودة الخامات .... روح اتفرج علي السوزوكي وشوف جودة الخامات واسمع صوت قفلة الباب . هتحس انه تقيل ومحكم
الياباني ياباني برضه..... كان عندنا زمان عربية اسمها سوزوكي بالينو موديل ٩٩ ... فء اللانسر كده ... كانت عربية ممتازة .... خمس سنين بدون مشاكل ... ماسكة نفسها ... متحسش ان العفشة بتقع بعد كام سنة زي للهيوانداي اكسيل او الليجانزا اللي كانوا معانا قبلها .... كان سحبها حلو جدا وكانت مانيوال .... عربية كده من النوع اللي انت ممكن متعملهاش صيانة اصلا ... وتمشي زي الفل.... ده اللي مخليني معجب جدا ب ال sx4
السوبارو تحفة طبعا .... لكن بالنسبالي ناقصة شوية كماليات .... يعني هي شكلها وحش من غير الروف الراك ... فتركبوا ف التوكيل ب ٤ الاف جنيه تقريبا ... ومفيهاش زينون .... وشنطتها صغيرة جداااا .... لازم اغير الجنط الاسود السخيف ده اللي عامل زي مايكون جنط حديد والطاسة متشالة من عليه ( اذواق طبعا ) ... يعني هتدفعلك ١٠ الاف جنيه تظبيط للعربية ..... يعني فرق ٥٠ الف بينها وبين السوزوكي
جرب السوزوكى ممتازة جداً
انتو مصممين تحيرونى
طيب ايه عيوب الهيونداى ؟
و ايه عيوب السوزوكى ؟
و ايه عيوب السوبارو ؟
السوزوكى عيبها بالنسبالى ان تصميمها قديم شويه
انا راي تبص علي الاسبورتاج
ممكن تسال سؤالك علي الجروب ده علي ال facebook و احنا ان شاء الله هنفيدك
subaru egyptian's club
ازاي اعمل request علي الجروب ده بتاع السوبارو
رأي تخرج السوزوكى من المقارنة