الحقوني يا ولاد الحلال

**nourseen** · 09-02-2015 11:11 PM

عربيتي فورد اسكورت 1300\98 المشكله ان العربيه بدأت تتطلع دخان بشكل غبي في يوم راجع من القاهره سمعت صوت حاجه فرقعت و خربطه في الماكينه زي ما يكون حاجات بتتكسر المهم ركنت و نزلت اشوف فيه ايه لقيت البوجيه الاول من ناحية اليمين مش في مكانه و الزيت مغرق المكينه و الحوض معرفتش اعمل ايه المهم لقيت معايا بوجيه و ركبته و دورت العربيه الكلام ده بعد نفق العاشر و قبل العلوي الجديد في اتجاه اسماعيليه المهم لقيت لمبه الزيت عماله تنور و مش عايزة تطفي كملت عليها و طلعت الكوبري و عديت الكارته لحد لما وصلت لبنزينة التعاون ملقتش و لا نقطة زيت في العربيه المهم حطيت زيت و مشيت دلوقتي بقي يا حضرات الدخان اللي طالع م العربيه بيفكرني بعربية الناموس بتاعة زمان و كنت بقاوح و امشي بالعربيه دلوقتي وقفت خالص ناس بتقولي عايزه طقم شنبر و ناس بتقولي عايزه شورت بلوك ايه رايكم يا حضرات اعمل ايه

**nourseen** · 09-02-2015 11:30 PM

متابع

**ahmedamgad18** · 10-02-2015 12:53 AM

طول ما الدخان بدء يطلع ابيض معناه ان الشنبر بدء يعدى الزيت داخل غرفة الاحتراق .. اى ان الزيت بدء يحترق
وبالتالى انت دخلت فى طقم شنبر يعنى عمرة كاملة وكمان تبص على الشنابر لتكون اتسلخت .

**mido51eg** · 10-02-2015 09:44 AM

معرفش اذا كان فيه مواتير استيراد 1300 ولا لأ ، لأن الـ 1300 دي مكنتش بتنزل غير في مصر ، بره مايعرفوش غير الـ 1600 والـ 1800 بس
شوف الميكانيكي هيقولك ايه وقولنا واحنا معاك.

**nourseen** · 11-02-2015 11:43 AM

المشاركة الأصلية كتبت بواسطة ahmedamgad18

طول ما الدخان بدء يطلع ابيض معناه ان الشنبر بدء يعدى الزيت داخل غرفة الاحتراق .. اى ان الزيت بدء يحترق
وبالتالى انت دخلت فى طقم شنبر يعنى عمرة كاملة وكمان تبص على الشنابر لتكون اتسلخت .

أولا اشكرك علي اهتمامك بالرد mido51eg بس انا كنت عايز اسأل لو الموضوع طقم شنبر هيتكلف كام كله علي بعضه بالمصنعيه و حكاية عمره كامله تتكلف ايه برضو و طقم الشنبر عامل كام عشان واحد عارض عليا شورت بلوك و قاللي انه هيحتاج شنبر و شكرا ليك يا برنس

**nourseen** · 11-02-2015 11:46 AM

المشاركة الأصلية كتبت بواسطة mido51eg

معرفش اذا كان فيه مواتير استيراد 1300 ولا لأ ، لأن الـ 1300 دي مكنتش بتنزل غير في مصر ، بره مايعرفوش غير الـ 1600 والـ 1800 بس
شوف الميكانيكي هيقولك ايه وقولنا واحنا معاك.

المواتير 1300 موجوده عندنا في اسماعيليه في ناس بتقول 3500 و ناس بتقول 4000 بس انا كنت عايز اعرف لو في الحرفيين بكام و بورسعيد بكام و شاكر افضالك

**nourseen** · 11-02-2015 12:13 PM

إللي عارض عليا الشورت بلوك كان مطلعه من عربيته و قال لي انه هيحاسبني عليه ب 900 جنيه و انه هيحتاج طقم شنبر ب 700 جنيه مع المصاريف و المصنعيه العمليه يعني توصل 2300 تقريبا ايه رأيكم هو مستني مني رد و انا مستني ردكم بسرعه لان العربيه عامله زي القتيل قدام البيت

**nourseen** · 11-02-2015 05:49 PM

أين انتم يا فورداويه دا انا حتي قلت ألحقوني يا ولاد الحلال حد يرد يا حضرات طيب مين ميكانيكي فورد كويس في اسماعيليه

**Abo_Mazen** · 11-02-2015 09:12 PM

المشاركة الأصلية كتبت بواسطة nourseen

إللي عارض عليا الشورت بلوك كان مطلعه من عربيته و قال لي انه هيحاسبني عليه ب 900 جنيه و انه هيحتاج طقم شنبر ب 700 جنيه مع المصاريف و المصنعيه العمليه يعني توصل 2300 تقريبا ايه رأيكم هو مستني مني رد و انا مستني ردكم بسرعه لان العربيه عامله زي القتيل قدام البيت

هو مش رقم الموتور موجود على الشورت بلوك؟؟...الله ..طيب هتثبت الرقم الجديد ازاي في المرور والشورت بلوك ده خليع ..يعني طالع من عربيه وملوش ورق...حد يوضحها دي

**nourseen** · 13-02-2015 07:34 PM

السلام عليكم انا سألته ع الموضوع بتاع اثباته ع الرخصه و ان لازم يكون فيه افراج جمركي قاللي عادي الورق (جواب الافراج )ده بيتعمل ب 50 جنيه هل الكلام ده صحيح ؟؟