صوت تزييء ناحية اليمين عند لف الدريكسيون عند الركن

**saradar77** · 10-02-2015 11:20 AM

بعد تحياتي للجروب المحترم وكل من فيه
في صوت تزيييء عند لف الدريكسيون يمين او شمال في حالة الركن "ناحية اليمين" ،(العربية لسه جديدة عامله ٢٦ الف ) ..التوكيل كشف وقال مافيش حاجة ده صوت اجزاء نظام الباور
حد عنده فكره ممكن ده يكون مؤشر لحاجة ولا عادي
الف الف شكر

**فتح الباب** · 10-02-2015 12:03 PM

ده صوت بيضه فاضيه من الشحم نتيجة تلف الكاوتشه المحيطه بها فلو البيضه ليه كويسه اغسلها وجيب كاوتشة بيضه وركبها بعد التشحيم اما لو فيها شك ١ فى الميه بلاش تركبها

**speed_magnum** · 10-02-2015 12:13 PM

طب انا عندي برضو نفس المشكله دي ولما بغسل العربيه بتروح
وساعات معاها بحس بطقه في الدريكسون وساعات لا
حد يعرف دا ايه ؟

**saradar77** · 10-02-2015 02:02 PM

استاذ فتح الباب...شكرا للرد....
طيب لو الكاوتشه سليمه ..مافيش اي قطع ولا تسريب ولا اي حاجة...العربية تكاد تكون زيرو
الصوت بيظهر عند التحويد ناحية اليمين فقط (صوت بسيط ما بيبانش الا في هدوء والزجاج مغلق)
بالظبط شبه تزييق الكاوتش علي ارض ملساء
في التوكيل كشفوا علي العفشة وقالوا مافيش اي شيء
مش غارف اروح لهم تاني؟

**houseiny** · 10-02-2015 03:21 PM

انا عندي نفس المشكلة في كيا كارينز 2014 والعربية لسه جديدة وظهر معايا عاى 15 الف كيلو وكشفت على العفشة 4 مرات وكل ام اغسل العربية يروح تعايش معاها يا باشا عشان ملهاش حل

**saradar77** · 10-02-2015 06:45 PM

الف شكر (husseiny) ...ماشي نتعايش ....بس ايه السبب ...؟بتزيد ولا بتثبت ؟

**فتح الباب** · 10-02-2015 07:14 PM

من خلال شرحك يتم استنتاج العيب فى البيضه لكن ممكن حضرتك تكون مش عارف تشرح المعلومه صح اسف طبعا ده مش عيب لكن التزييق ده صوته ناعم مثلا او خشن يعنى صرير ولا صرخه ولا ايه بالضبط اكيد لو صنايعى فاهم هيقدر يشخص من خلال تجاربه الكتير وبعدين وارد جدا ان البيضه تكون فاضيه شحم فيها ايه لما واحد بتاع عفشه يفور كاوتش البيض ويشوف لو تمام يزود شحم نظيف وبدون ان يغسل فى حالة الكاوتش سليم فعلا وبكده تكون تاكدت من هذه الناحيه وعملتلها صيانتها بالمره فحاول تشوف جميع مصادر لف الركسيون يمين وشمال اكيد هتوصل للعيب فين ان حتى لو تستعين بحد يكون ملم اكتر

**saradar77** · 10-02-2015 07:52 PM

شكرا مره تانية استاذ قتح الباب
تحياتي

**houseiny** · 12-02-2015 10:19 PM

المشاركة الأصلية كتبت بواسطة saradar77

الف شكر (husseiny) ...ماشي نتعايش ....بس ايه السبب ...؟بتزيد ولا بتثبت ؟

صوت ثابت ياباشا ، وكل ما هتغسل العربية من تحت هتروح في يومها وهترجع تاني يوم ، مع اني شحمت العفشة حتة حتة ، وبرضة الصوت موجود بس مش دايما ، على حسب الارض اللي انت واقف عليها ، ساعات بسمعه وساعات لا ، ومعظم تاناس اللي عندهم باور كهربا بيحصل معاهم الموضوع ده سواء نيسان او كيا وحضرتك بتقول ظهرت معاك في الاودي ، الظاهر ان ده حاجة موجودة في الباور الكهرباء مش في الكل بس المعظم

-

الموضوع: صوت تزييء ناحية اليمين عند لف الدريكسيون عند الركن

LinkBack

أدوات الموضوع

عرض

-

-

-

-

-

المواضيع المتشابهه

الفردة اليمين فاتحة لبره والعربية بتحدف ناحية اليمين ؟؟؟

طقطقه في الدريكسيون تسقيفه في دوسة البنزين وطقه ناحية اليمين مع الفرامله

الدريكسيون بيلف لوحده ناحية اليمين او اليسار

صوت ناحية اليمين

صوت طقة لما بنحود ناحية اليمين من العجلة اليمين؟

الكلمات الدلالية لهذا الموضوع

المفضلات

المفضلات

ضوابط المشاركة