الله ينور عليك يا باشا
اتفق معاك تماماً مش اى حد عنده قابلية للتغير
فى ناس مش ممكن تغير عربياتها وتقعد معاها أكثر من 30 سنة ومبسوطة بيها ومش بتفكر تغيرها لاى سبب
وفى ناس تسنى على اى حاجة جديدة اربع خمس سنين لغاية اما يتأكدوا من كل المعارف والأصدقاء والجيران والحابيب ان كلوا تمام وممكن يغير
وفى ناس لسة بتقول عربيات زمان مفيش احسن منها و العربيات الجديدة ديه ورق والكرابيترار أحسن من الانجيكشن ومتجبش فتيس اتومانيك هات مانيوال لان الاتوماتيك بيبوظ بسرعة ومفيش حد بيعرف يصلحة وغالى جداً ومش عملى
وفى ناس عندها الجرأة انها تجيب تكنولوجيا جديدة خاصة من صانع سيارات ذو أسم كبير وسمعة محترمة زى بى ام ومرسيدس وأكيد تويوتا ... وغيرهم كثير
تحياتى
مبلغ 150 الف جنيه مبلغ عادة اللى بيوفره بيكون عايز يحطه فى حاجة تسعده، مش يدفعه لشركة بتجرب فيه ، حتى لو كان اسمها تويوتا او مرسيدس، ولا علاقة لهذا بفكرة سيارة العمر التى تتوارثها الأجيال، اما اللى معاهم 150 ألف جنيه لا تمثل لهم شئ لدرجة انه ممكن يجرب بيهم تجربة يا صابت يا خابت فاللهم لا حسد وربنا يبارك لهم فيما اعطاهم لكن معتقدش انهم كتير فى بلدنا
أولاً تويوتا منزلة الفتيس ديه فى أوروبا من سنة 2002 وأول مرة تنزله مصر فى الكورولا 2008 يعنى مش بتجرب فينا ولا حاجة الفتيس بقاله 6 سنين برة
تويوتا مش بالغباء ده انها تجرب فى سوق زى السوق المصرى
لا يا سبعاوى انا مقصدش كدة انك ترمى فلوسك أكيد
انا اقصد شركات زى مرسيدس او تويوتا عندها استعداد تلم موديل كامل من كل دول العالم لو ظهر فيها اى عيب تصنيع علشان تحافظ على سمعتها وحصلت قبل كدة من كذا شركة
انا بس عايز اعرف انت قولت رأيك ده بناء على اية ؟ انت جربت العربية والفتيس بنفسك ؟ ولا بناء على اراء الناس؟
ما شاء الله ان ملاحظ الناس اللى موافقة على تغير الفتيس أكثر من اللى موافقين على عدم تغيره
والله انا سألت نفسى يمكن المشكلة فيا سألت أكثر من شخص ومش أعضاء فى المنتدى معاهم العربية لقيتهم مفيش مشكلة عندهم والموضوع انهم مكنوش متعودين على العربية فى الاول بس بعد وقت كلوا تمام ومفيش مشكلة عندهم زادت حيرتى
بصيت على الاستطلاع تانى واقولت اشوف الناس اللى موافقين على تغير الفتيس
http://img19.imageshack.us/img19/6784/61384745.jpg
حوالى 5 % هما اللى كاتبين انه العربية معاهم والباقى خليط من مالكى عربيات مختلفة واعتقد قليل اوى منهم اللى ساق العربية والا كان قالنا اية اللى مش عاجباه فى الفتيس واية المشاكل اللى قابلته معاه
مع كامل الاحترام ليهم بس هما مش واخدين بالهم ان الاستطلاع ده لمالكى العربية فقط
لا واية مش موافقين على الفتيس وعايزينه يتغير :w6266d
و على فكرة نفس القصة فى إللى مش موافقين على تغييره
حتلاقى برده فيهم إللى معندوش السيارة !
ويا ترى بعد ما تويوتا نزلته 6 سنوات فى اوروبا كان ايه رأى المستهلك الاوروبى الذواق؟
بالاضافى الى العديد من الرابط اللى ارفقها زملاء هنا لقصائد الهجاء اللى قيلت عن ال MMT فى اوروبا اسمح لى اضيف ال 3 روابط دى ، يمكن حضرتك تلاحظ منهم ان الجير بوكس ال MMT وبعد 6 سنوات فى اوربا برضه لازالت مشاكله هيا هيا، يعنى مش ميزة ولا حاجة ان الجيربوكس اشتغل فى اوروبا 6 سنوات
http://www.toyotaownersclub.com/foru...hp/t58404.html
http://www.toyotaownersclub.com/foru...hp/t87111.html
http://uk.answers.yahoo.com/question...1123810AATg8ZX
اما حكاية انو تويوتا مش بالغباء ده انها تجرب فى سوق زى السوق المصرى فانا مش عارف ليه حاسس انك مدى السوق المصرى اكبر من حجمه، لو كل العربيات اللى بتتباع فى مصر سنويا هى من ماركة تويوتا فبرضه مش هتكون قد مبيعات تويوتا فى اصغر دولة خليجة او اوروبية(مش هقول السعودية ولا استراليا ولا امريكا ولا اليابان)،ده غير ان الشعب المصرى تويوتا لو باعت له تكاتك هيشتريها ويركبها وهو فى منتهى الرضا عن نجاحه فى الحياه وتفوقه على اقرانه لمجرد ان التوكتوك يحمل علامة تويوتا، فبالتالى اين تجد تويوتا سوقا يمكن بيع كم لا بأس به من انتاجها بسعر مبالغ فيه لكى يتم تجربته فى ظروف قاسية دون ادنى التزام منها بسحب المنتجات المعيبة واصلاحها كما تفعل فى دول العالم المحترمة ومهما كان المنتج رديئا دون ان تقوم تويوتا باتخاذ اللازم لاصلاحه فان سمعه تويوتا ستظل لدى هذا السوق كما هى لأنه سوق لا يغير اراءه بسهولة،(30 سنة جنرال موتورز وفورد، 30 سنة مرسيدس وفيات وبيجو، 15 سنة كورى ويابانى، يعنى لسة قدام الكوريين واليابانيين 15 سنة كمان على ما السوق المصرى يفكر يغير رأيه ايا كانت جودة ما يبيعه لنا الكوريون واليابانيون )
فبالتالى تويوتا فى منتهى الذكاء انها تبيع لنا ما رفضه الآخرون وباسعار يدفعها الأخرون فى مرسيدس وبى ام دبليو لاننا مش هنبطل نشترى من عندها مهما غلت ومهما لبستنا مقالب، يبقى ليه متجربش فينا
بالمناسبة، انا لا اكره تويوتا ولست متحاملا ضدها وما دفعنى للقراءة حول الكورولا انى كنت افكر فيها كأحد البدائل المطروحة للنقلة القادمة ان شاء الله، مما دفعنى للقراءة -وتجربة القيادة(معايا حضرتك؟-تجربة قياده) والتصويت لصالح تغيير الجيربوكس بعد تجربة القيادة لأنه لو اتغير بفتيس اوتوا عادى انا مستفيد انى هفكر فيها اوتوماتيك كأحد البدائل المطروحة ،يعنى مش داخل منتدى تويوتا اغتت على ملاكها وامشى
والتويوتا والمرسيدس وحتى البنتلى والرولزرويس هى فى النهاية علب صفيح، لا تستحق ابدا ان تضايق نفسك بسببها او انك تحجر على اراء الأخرين وتحدد من له حق التصويت فى الموضوعات ومن ليس له الحق فيها ، انت قلت رأيك وشايف انها بتصميمها الحالى ابدع ما انتج العقل البشرى، وغيرك قال رأيه وشايف ان شراء MMT مغامرة الاحتمال الأكبر فيها هو الفشل حتى لو كانت تحمل علامة تويوتا التى يعتبرها الكثير من المصريون اعلانا عن نجاحه فى الحياه يحمله معه فى الشارع اينما ذهب ،
هى فى النهاية قطعة صاج وليست قضية او مبدأ فهون عليك
بما اني بقيت من ملاك الكرولا الجنوب أفريقي ومعايا الفتيس الايزو ترونيك
بداية العربية جميلة جدا....
والفتيس في الاول مكنتش متعود عليه بس دلوقت مريحني خالص بقدر اشتغل مانيوال اوتوماتيك براحتي
امكانية نقل الفتيس في اي وقت مريحاني
العربية واسعة والاوبشن فيها جميلة
ودا بشهادة الجميع
طبعا الفتيس بعيد عن انه بيجربوه في مصر بس اي حاجة
في الاخر دا نظام اللي عايزة يجيبه وللي مش عايزة يريح دماغه
نقطة تانية....انا معايا مرسيدس 2008 اي 230
استلمتها من توكيل مرسيدس بتاع اسكندرية...خدو بالكم انا بتكلم على ايه
العربية ب 528
بعد ما مشيت بيها حوالي 700 كيلو لقيتها بتطلع دخان..........دخان
الربية راحت التوكيل وبعد مباحثات ونقاشات قالولي انها كانت بتهرب زيت بس...!!!!
وخدت العربية ولمبة الشيك بتاعت المحرك ايده
ودتها تاني العربية المرة دي قعدت 4 شهور كاملة عشان حضراتهم قالوا محتاجين قطعة غيار من
ألمانيا
العربية رجعت فتحة السقف بتعلق
مش نضيفة خالص
العتب الداخلي اللي معمول بفرش أبيض متوسخ
التوكيل كل اللي قاله اننا بنعتذر والعيب مش فينا
انا دافع 12000 الف ضريبة سنوية
الخلاصة تويوتا او لانسر او اي بتنجان برقبتهم
نصيحة والعربية معايا وبيبيعها واللي عايز ييجي يشوف التجربة بنفسه يتفضل اوريه واوريه ازاي توكيل مرسيدس لا يقارن بتوكيل تويوتا
والله العظيم بعد تجربتي انا فعلا بحمد ربنا اني مجبتش السي 180
انا متغاظ ومضايق يمكن اللي صبرني انها ربية والدي هو مسؤول عنها وبحمد ربنا على عربيتي
يا جماعة العربية جميلة جدا واللي عايز يشتريها ممكن ييجي ويجرب
ذمختلفه عن الاوتوماتيك اكيد
بس مش معنى كده انها حاجة تانية بل بالعكس لناس كتيرة
هتحب النظام دا ودي شهادة لله
وخصوصا للي ساكنين في الأقاليم توكيل تويوتا كتير ومراكزة كتيرة وقريب
اما امثال العربيات كالمرسيدس هتروح تتعامل مع عالم أقل وصف تقدر تقوله حرامية
ووبكررها حرامية واتحدى اي واحد مهندس او عميل او صاحب مرسيدس يثبت عكس كده وبكرررها ابعدوا عن المرسيدس حرام ترمي فلوسك على ناس توكيل سيء زي المرسيدس