سؤال لمالكى الافيو فقط ( فقط تانى ) عن السرعة
الحمد لله معايا افيو 2014 وكنت على طريق اسكندرية مطروح والحمد الله الطريق كان فاضى قولت اجرب اجيب اخرها وتفاجات عند 160 والعربية مش بتزيد خالص مهما اعمل وحاولت احرق بزرار الهولد بردة مفيش وحاولت احرق بكيك داون بردة مفيش ...... فدة ممكن يكون تحديد سرعة ولا انا اللى كنت بحرق غلط ولا هيا اخرها كدة بس شوفت مواضيع تانية موديلات اقدم وعدت 160 وجابت 180 و فى 200.
والسؤال التانى .... الكيك داون ولا الهولد احسن فى الجرى لو قدامك حتة عاوز تعديها بسرعة قبل ما تقفل مثلا علشان فى الصيانة المهندس قالى ان الهولد غلط فى الجرى وعيش حياتك مع الكيك داون مهما كان كتير دة لو مسافر يعنى ( مش غلط على العربية بس الهولد غلط لانة يبقفل الموتور مش بيفتحة ) بس انا بحب الهولد الصراحة عن الكيك داون.
وسؤال ثالث الصبح بدرى لما باجى اطلع بالعربية اول ما ادور وادوس فرامل واجيب D ونتوكل على الله واشيل رجلى علشان اتحرك بسمع صوت (سق سق سق ) خفيييييييييف خالص ميبانش الا للسواق اللى حافظ العربية وبجرد ما امشى متر بالظيط يختفى نهائيييييييييا والمهندس كان شك فى التيل بس كشف علية قالى لسة يتمشى علية عادى وبصراحة نسيت اسئلة عن الصوت دة تانى.
وعن السرعة الحمد لله انا مش متهور.. وفى الطرق الفاضية بس اللى ممكن اعمل كدة فيها ودى نصيحه علشان الناس اللى هتقرا الموضوع فيما بعد ومعندهومش خبرة كويسة ممكن يحبوا يسرعوا ويقولك اجرب احب اقولة Take Care you are in egypt ولو الطريق نظيييييف وفاضى جرب بعقل ولو انتا واثق فى نفسك وعندك خبرة قديمة فى السواقة غير كدة ربنا يحفظنا جميعا ويسترها معانا
وعن الناس اللى هتدخل تكتب comments عن العربية وتسيبها من الاسئلة احب اقولة ( خليك فى حالك بعد اذنك )