فتيس ليون 2015 dsg عملها معايا

**noor eldin** · 10-02-2015 06:32 PM

انا اشتريت ليون 2015 من اقل من شهر مشيت بيها اقل من 1500 كيلو العربيه من الاخر مفيهاش اي غلطه ف اي حاجه نهائيا
جيت انهارده الصبح مسافر القاهره و انا رايح زي الفل مفيش حاجه.. و الثبات و الراحه طبعا مفيش كلام فيهم..
بس و انا راجع لاطريق كان تراب شديد جدا... ماشي 40 طول الطريق. مشيين صف ورا بعض مش شايفين اي حاجه و كله مشغل الفوجات و انتظار لاحظت عند الكارته برعشه جمده في العربيه بس كملت عادي.
وصلت و ركنت جيت بعد ربع ساعه بدور تطلع من الجراج العربيه مبتمشيش.. جايب ال D ادوس بنزين مبتمشيش بترجع لورا بس.. و الشاشه بتقولي في خطأ في الفتيس )error gearbox ( والعربيه بتترج رجه شديده جدا اول مجيب الD اتصلت بمساعدات طريق سيات قالي تعالى على فرع العبور مش مقتنع ان العربيه مبتمشيش.. في الاخر مهندس قالي سيب العربيه تبرد ساعه و بعدين جرب
المهم عملت اللي قال عليه و العربيه ظبطت الحمد لله بس كفايه الخضه..
مش عارف دا ممكن يحصل معايا تاني ولا لا و انا طبعا هروح الصيانه بكره ان شاء الله
بس للامانه انا للما فتحت الكبوت في طبقه رمله مغطيه كل حاجه جوه تقدر تقول سمكها 3 سم مفيش
ان شاء الله لما اروح التوكيل هقولكوا ايه اللي تم و ربنا يستر
ادعوولييي

**mif** · 10-02-2015 07:00 PM

حمد لله على السلامة
و خير باذن الله

بس 3 سم من التراب دي كتير جدا جدا !

**أحمد كمال** · 10-02-2015 07:02 PM

التراب مش هيخش الفتيس يعني :) ...... ده فتيس مش خلاط عصير

**Hany Saad** · 10-02-2015 07:21 PM

طول السكة ماشى 40.....دى اكتر حاجة بتأذى الفتيس ال dsg ....الفتيس ده عايز طريق مفتوح.....و الناس بتنصح فى الظروف دى انك تقلب الفتيس مانيوال علشان تريح الكارته
كده كارتة الميكاترونيكس سخنت و ابتدت تهيس.....و لما بردت رجعت تشتغل تانى
ان شاء الله خير

تحياتى

**noor eldin** · 10-02-2015 08:52 PM

المشاركة الأصلية كتبت بواسطة أحمد كمال

التراب مش هيخش الفتيس يعني :) ...... ده فتيس مش خلاط عصير

انا مقولتش تراب دخل الفتيس.. يمكن عدا من فلتر الهوا تراب كتير اثر على العربيه بالشكل داا.. بس برضو معرفش

**noor eldin** · 10-02-2015 08:54 PM

المشاركة الأصلية كتبت بواسطة Hany Saad

طول السكة ماشى 40.....دى اكتر حاجة بتأذى الفتيس ال dsg ....الفتيس ده عايز طريق مفتوح.....و الناس بتنصح فى الظروف دى انك تقلب الفتيس مانيوال علشان تريح الكارته
كده كارتة الميكاترونيكس سخنت و ابتدت تهيس.....و لما بردت رجعت تشتغل تانى
ان شاء الله خير

تحياتى

معلش مش فاهم ايه العلاقه بين طول السكه ماشي اربعين و انها تاذي الفتيس.. انا اللي اعرفو ان ال dsg عيبو انو بينقل كتير و بسرعه بس ماشي على سرعه معينه تبوظه ؟؟؟

**noor eldin** · 10-02-2015 08:57 PM

المشاركة الأصلية كتبت بواسطة Yoyo.yasso

ربنا يستر احنا لسه مشتريينها اول امبارح
ياريت حضرتك لما تروح التوكيل تقولنا عملتوا ايه
وعايزة رقم مساعدات طريق سيات اللى حضرتك كلمتهم

Seat mobile service لاعطال الطريق المفاجاه :01227822850
الونش : 01272111509

**abou-yahia** · 10-02-2015 09:03 PM

مهو عشان بيكون فيه اسطوانه في وضع الاستعداد اثناء تعشيق الاخري
ده بيخليها تلم تراب اولا

ثانيا : وحد الكنترول المسئوله عن ضبط الغيارات ( مشيها كده ) نتيجه انها مش مجهزه بتبريد زيت كافي
فبتسخن و بتبدا تهنج