مفاجأة...سنسور الباركينج سكودا a7 1400

**أبو_مصطفى** · 10-02-2015 10:14 PM

السلام عليكم

من يوم ما ستلمت العربية سكودا a7 1400 وانا متضايق ان مافيهاش سنسور باركينج مع اني كنت قريت ان فيها الاوبشن ده بس ملقيتوش وحتى الاوبشن مقفول فى شاشة العربية

النهاردة كنت بعمل صيانة ١٥ الف ورحت سألت على سنسور الباركينج فى قسم قطع الغيار، على اساس اني اركبه على حسابي، المهم قالي مش هينفع لان سكودا بترفض اي تعديل فى العربية علشان نظام الكهربا وكده غير ان تركيبه هيتكلف ٧٠٠٠ واكتر ده لو سكودا وافقت اصلا

المهم، بعد ما خلصت وواخد العربية وبجرب، ابص الاقى المارشدير فيه حاجة مختلفة، وابص الاقي سنسور البااركينج شغال...حالة من الذهول، ايه اللي حصل يا جماعة والا العربية دي مش بتاعتي لدرجة اني نزلت اتاكد من نمر العربية ولاقيتها بتاعتي

قعدت اجرب السنسور، حاجة جميلة مغطي المنطقة الخلفية بالكامل من العربية حتى من الزوايا، مرة واتنين تلاتة...روعة روعة.

المهم دخلت تاني للمهندس اسأل فيه ايه، قاللي العربيات لما بتيجي مو برة سنسور الباركينج بيكون مقفول واحا هنا بنفتحه بجهاز عندنا...سعادة غامرة وحبيت اشاركها معاكم يمكن حد ميكونش عارف الموضوع ده.

**طارق _عبد السلام** · 10-02-2015 10:38 PM

ربنا يديم فرحتك بالعربيه

وايه اخبار المفتى اللى قالك مينفعش وب7 الاف....... هو مش عارف ان عربيتك فيها سينسور

**Mohamed.Ramah** · 10-02-2015 11:57 PM

اولاً ربنا يسعدك بعربيتك والسنسور بارك ماشاء الله جميل .. ثانياً الموظف القالك ان التركيب ب 7000 جنية وواضح انة كمان بيجود من عندة المفروض يتفصل لأنة جاهل بعربيات التوكيل الشغال فية ! وواضح انة مسؤل قطع الغيار كمان ! ..

**طارق _عبد السلام** · 11-02-2015 05:07 PM

تمام يبقى احنا ظلمنا الراجل.......... بس بينى وبينى فى التوكيل بتتجنن من كميه الجهل فى المعلومات بالنسبه لعربيه او ماركه المفروض هى ملعبهم.. يعنى لازم يكونوا محترفين

وللعلم انا افضل السنسور بارك عن الكاميرا

اوبشن اكثر من رائع وبالذات مع الكاسيت وتحديد مكان العائق

كنت بدخل عربيتى الجراج.. وباب الجراج يادوب عشره سم يمين وشمال من غير ما ابص ورايا وكله مرايات فقط وصوت الصفاره مش اكتر