بن - كاكاو - اسبرسو - كابتشينو - نسكافيه ,, ما الفروق وأفضل الأنواع وطرق العمل ؟

**Mahmoud Naguib** · 10-02-2015 10:15 PM

طبعا أنا كتير بسمع عن الاسبرسو والقهوة والحاجات دي !

بس أنا معرفش الفروق بين المشروبات دي خالص
ولما بروح مثلا أي هايبر كبير بلاقي منتجات كتييييييييييييييييييييير جدا وبتوه بينهم وانا معرفش أجيب اي وإي أفضل !

حتى بشوف ماكينات بتعملها وغالية جدا وحاجات غريبة كدة وكل ماكينة بتعمل نوع معين !

أنا بشرب بن العميد بس بحسه عادي كدة مش اللي هو يعني !!

نفسي أشرب حاجة زي اللي بشربها ف الكافيهات أو اللي بشوفها ف الأفلام دي !

المطلوب دلوقت اني عايز حد إبن حلال كدة يعرفني إي الفروق بين أنواع المكيفات دي وأحسن نوع وأشتريهم منين وطرق عملهم وأسعارهم بالتقريب حتى !!
مش عايز حاجات معقدة زي اني أجيب 5 أو 6 حاجات وأحط ده على ده وأستنى ده يسخن واحط ده وابرد ده وأحطهم ف الخلاط والكلام ده !

يعني نخلي النقطة دي شوية لحد ما نشرب حاجة مقاربة للطعم ويعجبنا ساعتها بقى نستقر على حاجة !

ويحاول يقولي تجربته وذوقه يعني

بس كدة

**Karim_Monir** · 10-02-2015 10:58 PM

ايوه ايه اللي بتشربه في الكافيهات عشان انت كاتب حاجات مالهاش علاقه ببعض عشان اعرف افيدك

**monamize4** · 10-02-2015 11:06 PM

الحكاية ازواق ,,

في ناس تحب ال fresh coffee و ناس تحب ال instant coffee

**MTAK** · 10-02-2015 11:11 PM

ايوه يا كريم يا خبره فى الكافيينات

اضم صوتى لصاحب الموضوع

نفسى اشرب قهوه اللى هى بتشربها من هنا و تفضل صاحى 4 ايام بعدها

جربت النساكافيه العادى , بحس انه حاجه محروقه

جربت النسكافيه الجولد , طعمه افضل حالا و لكن برضه مش اوى

الكابتشينو بتاع نستله , حلو بس دا مشروب مش قهوه

البن بتحويجه الكيكو , جامده اخر حاجه بس كنت بشربها و انام على طوول , ريحتها تحفه و طعمها حلو مش مره بس الظاهر انا مكنتش عارف اعملها كويس

الاسبرسو جربتها من كذا مكان , طعم مر على الفاضى

فى اماكن بشرب فيها قهوه تلاقى كده الفنجان و هو داخل عليك بتفوق و تبقى مصحح اخر حاجه

**mastr_n** · 10-02-2015 11:36 PM

الموضوع دة جامد جدى
وبيمس قطاع عريض من الناس وانا واحد منهم خصوصا انى بطلت سجاير وبقست مدمن كافيين

انا عن نفسى ممكن افيدك بحاجة صغيرة كدة
انا عندى فى المنطقة محل مشهور بيعمل جميع انواع القهوة امريكان وتركى
بحب اشرب قهوة بالبندق من عندة بس لقيت الموضوع اسهل واوفر لما اشتريت بن شاهين بنكهة البندق وعملتة فى البيت بنفس طريقة القهوة العادية وفعلا القهوة البندق جميلة جدااا

انا حاليا عايز اشترى مكنة بتعمل القهوة بس خبرتى بالموضوع بالظبط زى خبرتى باللغة الاسبانية فمستنى الرجالة تدلو بدلوها وتفيدنا بالخلاصة

**Mahmoud Naguib** · 11-02-2015 12:08 AM

وأنا بدعبس كدة لقيت شوية كلام حلوين عن الفروق وكدة بس معرفش مدى صحتها يعني !

كل انواع القهوه اساسها شي واحد وهو بن الاسبريسو بس الفرق بين الموكا والاسبريسو ولاتيه والميكاتو

الموكا اللي هو حليب بالشوكلت عباره عن مثلا الكاس المتوسط 50 ملم قهوة اسبريسو داكنه بعدين حليب بالشوكلاته يعني حليب مثلا ندى او اي نوع ويحط معاه الشوكلاته وبعدين اخيرا رغوة الحليب (الفوم)
اما طريقة عملها الأصلية هي أن تضع في قعر الفنجان مكعب من الشيكولاته السوداء (الخالية من الحليب) والتي تكون في درجة حرارة الغرفة ثم تضيف عليها الاسبرسو ثم الحليب والرغوة وتقلبها

الاسبريسو هو قهوة لحالها مامعاها لا حليب ولا شي عشان كذا تنحط في اكواب صغيره زي مايقولوا بعض الناس حق مسك خط

لاتيه هذه اسم للقهوة بالفرنسي بس القهوة موفرنسية القهوة امريكية وهي مثل الكابتشينوا بس اقل رغوة و هو عباره عن اسبريسو الكاس المتوسط 50 ملم اسبريسو والباقي حليب

الميكاتو يجي في كاسات صغيره نفس الاسبريسو لكنه اسبريسو مع حليب لكن عكس لاتيه يعني لاتيه الحليب كثير الميكاتو لا القهوه تطغى على الحليب

**MRBEBO** · 11-02-2015 04:50 AM

ده الموضوع كله

وفعلا اساس كل الانواع بن الاسبرسو وده بنجيبه من اي سوبر ماركت كبير او كافيه مشهور او مطحنه بن نضيفه

بيتعمل اما بماكينه كهرباء او بيتم شراء غلايه مخصوصه ليه لانه المفروض يتعمل عن طريق تبخير الميه وضخها علشان تاخد احسن نكهه

وعلى فكره فيه بودره اسبرسو بتتباع وبتتعمل زي النسكافيه في اي سوبر ماركت عادي

-

الموضوع: بن - كاكاو - اسبرسو - كابتشينو - نسكافيه ,, ما الفروق وأفضل الأنواع وطرق العمل ؟

LinkBack

أدوات الموضوع

عرض

-

-

-

-

المواضيع المتشابهه

هل فيه حد اتعامل مع نفسك اون ﻻين ؟؟ عن شراء ماكينة اسبريسو و كابتشينو

العمل ثم العمل ثم العمل - منقول للافاده..

لخبراء الزراعة .. عايزة شجر كاكاو وكاكا

كابتشينو المحافظ مره اخرى

الكلمات الدلالية لهذا الموضوع

المفضلات

المفضلات

ضوابط المشاركة