مساعدة فى إيجار بالشيخ زايد ... جزاكم الله خيرا

فيه واحد صاحبى شغله فى الشيخ زايد وسكنه بعيد جدا (العبور) وعاوز يعرف لو حب يأجر شقة صغيرة على قده بس يعنى غرفة أو غرفتين يا ترى تعمل إيجار شهرى كام ؟
وإيه هى المناطق اللى يبحث فيها ويأجر فيها وتكون جنب شغله فى الشيخ زايد ؟
يعنى الإيجار ممكن يكلفه كام شهريا ؟ (هو ممكن يدفع لغاية 400 جنيه شهريا)
وكمان لو فرضنا إنه أجر فى حتة بعيدة شوية عن الشيخ زايد يعنى بتكون المسافة قد إيه والمواصلات عاملة إزاى ؟ وهل فيه فرق فى أسعار الإيجارات ؟
معلش أنا آسف لكثرة الأسئلة بس والله صاحبى ويعز عليا وعاوز أفيده بأى معلومة .
ولكم ألف شكر على مساعداتكم

كان في واحد صاحبي مأجر ب 400 جنية في الحي ال 13 اسكان شباب .. و في مواصلات كتير هناك لحد هايبر و منها ممكن يركب لأي حته في القاهره .. و المنطقة هادية و ظريفة و كلها خدمات .. بس الشقة كانت 65 متر تقريبا.

فى واحد صاحبى عنده شقه مفروشه بالمواصفات ال حضرتك بتقولها بس معرفش بكام بالظبط كفلوس بس اهم حاجه الراجل دا كويس ولا ( انت فاهمنى ) علشان حسب ال فهمته انه هيقعد لوحده يا باشا :C_laugh[1]:

أولا أكرر الشكر على الردود
الراجل زى الفل ومحترم ومتزوج وعنده اولاد ولكن نظرا لبعد المسافة بين عمله وبيته ونظرا لظروفه الصحية (قلب وسكر) فهو فضل إنه يوفر على نفسه المشوار ده كل يوم وييجى على نفسه شوية فى المصاريف .

طيب كمان أتقل عليكو فى حاجة يعنى لو فيه نمرة سمسار ولا مكتب عقارى يقدر يتواصل معاه .

لكم جزيل الشكر