انا عامل 25000
والعربيه الحمد لله ممتازه ودي تالت صيانه ليا ومفيش اي مشاكل الحمد لله
العربيه ممتازه ف الثبات و المناوره و التسارع والفرامل
الفتيس المفروض تمشي بيه سبورت جوا البلد عشان تريحه
انا عن نفسي بمشي d معظم الوقت ومش بحط ف دماغي
العربيه موفره جدا ف البنزين
لو ف اي سوال انا معاك
تسلم يا كبير وربنا يباركلك يارب ومعلش ممكن اعرف اماكن وارقام فروع الصيانه ولو امكن اسعار الصيانات اللى عملتها اكون شاكر جدا وكل سنه وانت طيب :E_braces[1]:
اول صيانتين كنت عملهم ب 550
فحص للعربيه ةتعيير زيوت ةفلاتر ونظافه داخليه
الصيانه التالته هعملها الاسبوع الجاي ان شالله
رقم التوكيل موحد 19178
انا بروح فرع العبور
معرض ومركز الخدمه
هوا و فولكس
مركز الخدمه معمول لسيات و اودي
هل عند سعدتك علم عن فروع تانيه واماكنها وهل بالامكان تركيب سينسور خارج التوكيل ومش هياثر ع الضمان ؟ وشكرا جدا ومعلش تعبتك معايا
ف ابو رواش
ولو كلمتهم هيقولولك ع كل الفروع
المهنس هناك قال ركبه عادي
انا مركب ليدات زياده وعاملها توصيله من البطاريه ومفيش مشكله
تمام شكرا لسعدتك جدا
السلام عليكم
ايه اخبار سعدتك يا ريس واخبار العربيه معاك ايه لحد دلوقتى ؟ ومعلش هسالك كام سؤال كده
اولا ايه هو الضغط المناسب للكاوتش لانى فتحت التانك لاقيت مكتوب 33 امامى و 30 و 32 مش فاهم الخلفى يبقى كام ولو فيه حموله 38 تقريبا بس من غير حموله اظبطه ع 30 ولا 32 ؟ انا حاليا عملته 33 امامى 30 خلفى والدب فى الحفر قل وبقت انعم من الاول وقت ما جت من المعرض ... ثانيا لما ببقى ماشى واشيل رجلى من ع البنزين بحس ان العربيه بتكلبش كده كانها بتهدى او بتفرمل فهل ده فرمله ماتور ولا مشكله ؟ وموضوع الصيانه ده فعلا بعد 500 كيلو ولا اروح على الف عادى وهل ينفع احط كاسترول واخده معايا بدل زيت التوكيل ؟
بالنسبه للكاوتش انا عامل كله ع تلاتين غشان الطريق عندي وحش
لما انت استلمتها بتبفي ع اربعين ف هتلاقيها ناشفه
بالنسبه للفتيس الموضوع ده مبيحصلش غير وانت ع السبورت مود ودا شي عادي ف الفتيس لما بينزل بالغيار .. متقلقش منها
ثالثا الصيانه بعد خمس الاف كيلو وليس خمسميه
للاسف مش هينفع تجيب زيت من برا..توتال مش وحش كويس.. بس الكاسترول ممتاز جدا
ربنا يباركلك فيها
هو فعلا بحس بيها اكتر فى السبورت بس برده بحسها فى ال d وبالذات لو ع سرعه قليله اقل من 60 تقريبا وبالنسبه للصيانه يعنى اول صيانه على 5 الالاف ؟ وهل فيه مشكله لو شغلت التكييف من اول ما استلمتها على مروحه 1 او 2 هى حاليا ماشيه 300 كيلو وكله تكييف وسرعه اقل من90 عشان التليين فهل ده فيه مشكله ولا عادى ؟
ومعلش تعبتك معايا يا ريس وربنا يباركلك
التكييف شغله عادي جدا مفيش مشكله
انا مشغله اول م استلمتها
اصوات التكتكه ف الفتيس دي عاديه خصوصا لو فاتح الشباك
متقلقش نفسك مع الاصوات
تمام جدا الف شكر
ربنا يديك خيرها ويكفيك شرها ، ولا تنسى دائما ذكر الله.
ماشاء الله ربنا يبارك لحضرتك فيها تقرير جميل جدا.. هي تقريبا عليها عرض دلوقتى..
سؤال بقى.. تانكها كام لتر و بيعمل كام كيلو تقريبا بالمتوسط.. وهل فيها كمبيوتر يحسب الاستهلاك و كدا؟
التانك 45 لتراقتباس:
المشاركة الأصلية كتبت بواسطة m7nsh
لو رجلك خفيفه الاستهلاك بيبقي 5 لتر لكل 100 كيلو
التفويله تعمل معاك من 700 لحد 900 كيلو بالتكييف
الكومبيوتر بيحسبلك استهلاك لحظي ع حسب دوستك و بيجيب كمان متوسط الاستهلاك للرحله كلها و متوسط سرعتك ومده الرحله
السلم عليكم
حضرتك كنت بتقول ان عندك صيانة 25000 كيلو مظبوت ؟
ايه الاخبار عملت ايه وكانت بكام و كدة :]
المفروض دي بيبقي فيها شويه تغييرات واغلي شويه بتخش ف الف ونصاقتباس:
المشاركة الأصلية كتبت بواسطة machete
تغيير زيت
تغيير فلتر زيت
تغيير بوجيهات
تغيير فلتر بنزين
تغيير فلتر هواء
تغيير فلتر تكييف
مكانش عندهم فلتر هواء ولا البوجيهات وانا رفضت اغير فلتر التكييف
دفعت 900 جنيه
وكشف ع العربيه بالكومبيوتر
اقتباس:
المشاركة الأصلية كتبت بواسطة ahmed.elashy
هو عادي يكون مافيش فالتوكبل قطع غيار عادية زي دي !!!! لو مش فالتوكبل تبقى فين ؟
حاجة تخوف من شراء العربية :(
تقريبا عشان رمضان
قاللي هيا موجوده ف المخزن ف المقطم وهتيجي
بس انا اجلتها للصيانه اللي بعديها
ربنا يباركلك فيها ..
اولا انت راجل محترم وبترد على كل الناس حتى لو اسئله مكرره وحبيت احييك على ادبك العالى
ثانيا ياريت تفيدنى فى اسئلتى من فضلك
انا معايا جولف 5 هاى لاين .. وكل مشكلتى فى الحياه انى عاوز اركب زيرو لكن فى نفس الوقت مش بقدر على سعر الالمانى زيرو لأنه فوق الـ 200 الف !! وباقى العربيات مش بعرف اسوقها لأنى متعود اسوق المانى فقط حتى من قبل الجولف 5
ولما شوفت تقرير حضرتك عن العربيه وعرفت سعرها حسيت انى عاوز اجيبها دلوقتى حالا
الاسئله
1- هل هحس بفرق انى نزلت من جولف ؟؟
2- على موقع للعربيه مكتوب 1.6 a/t ref سعرها 136000 وفى كمان 1.6 a/t h/b
سعرها 146000 .. ايه الفرق ماهو كلهم هاتش باك؟؟
3- ارتفاع العربيه عن الارض حلو ولا بتحك فى المطبات زى الجولف والجيتا ؟
4- المساحه بين الكنبه والكراسى حلوه للراكب الخلفى ولا ضيقه ؟
بجد شكرا ليك ويا رب تتحمل اسئلتى
وهل الفتيس هو نفس فتيس الجولف 5 موديل 2005؟؟
نصيحه بلاش تجيب الابيزا لان الجولف اعلي بكتير .. ياتجيب الليون ياما خاليك ف الجولفاقتباس:
المشاركة الأصلية كتبت بواسطة ahmed azaizy
ولو جبت الليون متجبش غير الهاي لاين العربيه دي هتعجبك جدا جدا
سعرها تقريبا 190000
اشكرك على ردك السريع ونصائحك الموضوعيه المحترمه
للأسف انا مضطر ابيع الجولف عشان الموديل بقى قديم وبدأت تفتح بؤقها وانا مش حمل 15 ولا 20 الف للتوكيل او حتى برا .. انا جايب طرمبه بنزين بـ 2000 جنيه وسلك بوجيهات بـ 150 جنيه !!
انا مش جديد على الامانى وعارف اسعاره لكن لما تبدأ كل حاجه عاوزه تتغير يبقى انت محتاج ع الاقل 20 الف وفى الاخر هتبقى العربيه موديل قديم 10 سنين وكمان كل سنه سعرها هينزل .. تبقى خساره من كل ناحيه !!
انا جيبت اكسنت rb زيرو لمده شهر واحد وبعتها عشان كنت بخاف امشى بيها .. الصاج بتاع الباب كان بيترعش وانا بقفل الباب!!
انا ممكن اتنازل شويه لو الابيزا قريبه منها لأن بصراحه مش معايا اكتر من 140000
لا يبقي توكل ع الله وهتعجبك انشالله
بس لازم ضروري تعمل تست درايف ف التوكيل وتعاينها كويس
وتعرف الفتيس بتاعها والمشاكل بتاعته والسمعه اللي طالعه عليه
المنتدي مليان مواضيع بالحاجات دي
و مبروك مقدما
جزاك الله كل خير
بس معلش انا اسف بجد اخر سؤال
انا قريت كتير عن الفتيس الجديد ده لكن انا مش بفهم كويس فى الميكانيكا ونظام تشغيل الفتيس والكلام ده
لكن السؤال : انا عربيتى جولف 5 موديل 2005 دى فتيس dsg عدد السرعات 6
والعربيات من اول 2010 تقريبا اصبحت dsg عدد السرعات 7
هو الفرق فى عدد النقلات فقط ولا طريقه القياده كمان مختلفه ؟
انا عارف ان فى مواضيع كتير عن الفتيس ده لكن للأسف بتخاطب الناس اللى فاهمه اصلا
انا مش فاهم لكن بعرف اسوق الفتيس القديم ومعنديش مشاكل معاه الحمد لله لأنى محافظ على تغيير الزيت فى مواعيده عشان عقل الفتيس
هوا الفتيس الجديد المفروض ف تحسينات
ب المشكله انه بينقل بسرعه واحنا عنذنا فمصر مطبات كتير
الفتيس حلة جدا وتسارع عالي وسلس ف النقلات وموفر جدا ف البنزين
هوا سبع سرعات
عامه التوكيل عامله ضمان ف اي وقت ينغير
شكرا ليك يا استاذ احمد على الموضوع انا بجد استفدت وربنا يبارلك فيها.. انا كنت عايز اخذ رأى حضرتك اشترى ابيزا زيرو ولا جولف 6 2012 مستعمل؟ انا بجد محتار لان مفيش عربيه بسعر ما بين 120 الى 130 الف فى نفس امكانيات الجولف 6 مستعمل.. وشكرا ليك مقدما :)
الجولف طبعا احلي من الابيزا بكتيير
بس انا بفضل الجديد
وخصوصا فتيس دي اس جي
اتاكد ان فتيس الجولف كويس
لو عجباك اتوكل ع الله
هو حضرتك بتتكلم عن توكيل سيات اللي في العبور ؟؟؟؟؟
اه بالظبطاقتباس:
المشاركة الأصلية كتبت بواسطة engasabagh
السلام عليكم
ايه الاخبار يا ريس واخبار العربيه معاك ايه عامل بيها كام دلوقتى والفتيس تمام ؟
وكل سنه وانت طيب :d
وانت طيب يا باشا
العربيه الحمد لله تمام
انا عامل 32000 لحد دلوقتي
بدون مشاكل حتي الان الحمد لله
لو عندك اي استفسار انا موجود
ياريت توضح طريقة سواقتك واستخدامك للفتيس .. وايه اكثر معلومه صحيحه عرفتها بالنسبة للقيادة السليمة للفتيس .. وربنا يباركلك فى العربيهاقتباس:
المشاركة الأصلية كتبت بواسطة ahmed.elashy
المفروض ف الزحمه بتبقي ماشي ع السبورت مود ... بس انا غالبا مش بلتزم بالموضوع ده
بمشي ع ال d معظم الوقت
الفتيس ده بيحب الطرق المفتوحه اكتر من الزحمه
الف شكر يا باشا على تقريرك ده، فادني جدا الحقيقة، بس انا عندي كام سؤال كده، انا مليش في السيات الصراحة ف عايز اعرف اخبار الريسيل ايه ؟ و بالمقارنة بين الابيزا و البيجو 208, تفتكر مين افضل و مين يحافظ على سعره اكتر، العربيتين دول عاجبني و محتار اجيب مين فيهم، و هل عندك فكرة عن مواصفات الابيزا 2016 ؟ و سعرها ؟
بالنسبه للاسعار مش هقدر افيدك لان الاسعار بتزيد كل شويه
مين الافضل ف اكيد الابيزا من كل حاجه .. امكانيات اداء قوه اسعار قطع غيار
الريسيل ..السيات وحشه جدا.. لو هتفكر تبيع قبل م تشتري يبقي ابعد عنها و خاليك ف الكيا ريو
الف شكر على ردك و اهتمامك يا محترم :)اقتباس:
المشاركة الأصلية كتبت بواسطة ahmed.elashy
السلام عليكم
اخبار حضرتك ايه واخبار العربيه ايه معاك عامل بيها كام دلوقتى وتقييمك الحالى ليها هى والفتيس ايه ؟
انا عامل بيها 36000 لحد دلوقتي وكنت ف التوكيل من يومين عشان الصيانه بتاعتها
والحمد لله مفيش مشاكل منها او اي تعليقات
تمام شكرا جدا وربنا يباركلك ومعلش هتقل عليك هل ينفع اركب سينسور بارك بره من غير لعب فى كهربا العربيه عشان فى التوكيل غالى جدا
اه ينفع عادي جدا ومبياخدش وقت بس ضروري جدا تعرف اللي هيعملك الشغلانه
ان عندك لمبه المارش ناحيه واحده بس عشان ياخد منها
عشان ممكن يركبهالك غلط ف لمبه الشبوره