مشكلة في دورة تبريد المياة لسيارة ابيزا ارجو الإفادة ضروري جدا

السلام عليكم اخواني
حصلت عندي مشكلة كبيرة في سيارتي ابيزا 1998 1000 سيسي وهي ارتفاع مفاجيء في درجة الحرارة في حالة سفري اليوم للإسكندرية فتوقفت مباشرة وفتحت الكبوت لقيت جزء بلاستيك في جنب الرادياتير وهو الجزء اللي متركب فيه الخراطيم الداخلة والخارجة من الرادياتير وراكب فيه كمان ساعة الحرارة اللي بتشغل المروحة . لقيت الجزء ده مشروخ ووقع كل مياه التبريد ف الأرض فحاولت اني الحمه بأمير او اي ماده لصقه قوية فربنا اكرمني وقفلته لكن لسه بيرشح مياه بسيطة
ارجو الإفادة في حل الموضوع ده لأني كلمت ميكانيكي قلي انه الراياتير كده خلاص محتاج يتغير وقلي انه غالي او ممكن يصنع جزء تاني غيره نحاس ياريت تفيدوني ولو امكن حد يعطيني رقم موبايل استاذ محمد ابيزا لأني اعرف انه ممكن يدلني علي الحل بسرعه ويعرفني بميكانيكي مضمون في الموضوع ده .........
اسف علي الإطالة وجزاكم الله خيرا

سلام عليكم,

الجديد سعره في التوكيل 450 جنيه غير الضريبة (10% تقريبا), و دة انتاج محلي.
الجديد سعره عند "فتح الباب" 320 جنيه و دة انتاج صيني.

ممكن كمان تشوفه استيراد مستعمل في الوكالة أو الحرفيين أو عزبة شلبي, و هيكون الأصلي طبعا و ممكن سعره يبقي في حدود نفس المبلغ.

أنا رأي اشتري واحد تاني بدل التصليح , و أعتقد أنه مش غالي قوي خصوصا انك مش هتغيره كل شوية.

متشكر جدا اخ احمد علي الرد
لكن انا غيرت الجزء المكسور ده يعني صلحته لكن ظهر عيب تاني وهو تبخر جزء كبير من مياة التبريد باستمرار يعني في مشوار اسكندرية رايح جاي تبخر حوالي لتر ونصف مياة وكمان بيدخل التبخر عندي من فتحات التكييف علي شكل بخار مياة رغم ان الرادياتير ما بينقطش نهائيا يا تري ده جاي منين وحله ايه ؟؟؟؟؟؟؟؟؟؟؟؟؟؟؟؟
ارجو الرد وجزاكم الله خيرا

علي فكرة انا روحت لميكانيكي عشان يقلي ايه السبب قلي الموتور زي الفل مافيش مشاكل وده بخر عادي لكن انا شايف انه مش عادي

دة معناة ان مازال هناك مشكلة تواجهك في دورة التبريد، وان هناك

تسريب بمكان ما بالدورة يتسبب في نقص المياة.

شكرا اخ نادر لكن ممكن يكون فين التسريب ده انا فقط غيرت الجزء المكسور ومش بيسرب مياة والعربية واقفه ولا وهيا ماشيه لكن بيظهر البخار ده بس ونقص المياة ولما افتح الكبوت لا اجد بخار يبقي منيييييين التسريب ؟؟؟؟؟؟؟؟؟؟

متنساش ان في عندك تسريب بيوصل لصالون العربية، الدورة

عندك محتاجة لمراجعة دقيقة مع العلم أن خطر جاً انك تمشي بالعربية

وفي نقص في مياة التبريد..

شكرا يا نادر علي الرد طيب اروح لميكانيكي ولا لمين يشوف المشكلة دي ويقدر يحلها مع العلم اني من عين شمس بيني وبين جسر السويس 5 دقايق

ايه يا جماعه فين الرد اروح لمين كويس في دورة التبريد ؟؟؟؟؟؟؟؟

روح لواحد متخصص في لحام وتصليح الريدياير مش ميكانيكي.

الميه دى بتنقص من السربنتينه الداخليه للتكيف و دى مكنها داخل التابلوه

أستاذ احمد
انا مافيش عندي تكييف في السيارة ولو فيها ايه علاقة التكييف بدورة التبريد في السيارة فهمني ارجوك لأني فعلا مش لاقي حل
وجزاك الله خيرا

طيب هيه العربيه مجهزه للتكييف
لو الاجابه بنعم يبقى السربنتينه دى موجوده و هيه السبب

لو الاجابه بلا يبقى تبص على الاتى بالترتيب

1- الجزء اللى انت غيرته فى الريتادير اكبسه و شوف بيجيب ميه و لا لا
2- جميع و صلات المياه بالعربيه
3- و العربيه سخنه اقف عند الشكمان و خلى حد يدوس بنزين جامد و شوف فى ميه طالعه من الشكمان ولا لا و الميه اللى بتكلم عليها تكون ميه جامده
4- بص على زيت الفتيس ممكن الميه تكون بتدخل على الفتيس ( احتمال ضعيف )
5- غطاء الريتادير

اقتباس:

---

المشاركة الأصلية كتبت بواسطة AHMEDCAR

الميه دى بتنقص من السربنتينه الداخليه للتكيف و دى مكنها داخل التابلوه

---

الاحتمال دة انا فكرت فية فعلا

و عشان تتاكد منة, لازم تروح لحد بتاع ردياتيرات كويس او ميكانيكى فولكس يكبس دورة المياة عشان يشوف هتسرب منين.

اقتباس:

---

المشاركة الأصلية كتبت بواسطة ehab_mansour

أستاذ احمد
انا مافيش عندي تكييف في السيارة ولو فيها ايه علاقة التكييف بدورة التبريد في السيارة فهمني ارجوك لأني فعلا مش لاقي حل
وجزاك الله خيرا

---

مش لازم يبقى فية تكييف, اغلب العربيات دية جاية من اوروبا فا فيها حاجة اسمها علبة الهواء و دية عشان الدنيا عندهم غالبا برد فا دية بتقى للتدفئة.

بتشتغل ازاى ؟؟
بتاخد وصلة من دورة المياة و توصلها جوة التابلوه على سربنتينة صغيرة (حاجة عاملة زى الرادياتير) و لما انت بتشغل الهواء السخن اللى بيحصل ان المروحة بتزق هواء عادى بيعدى على المواسير اللى فيها مياة سخنة فا بالتالى الهواء يسخن.

تعرف زاى انها واصلة عندك ؟؟

1. تدور العربية شوية لحد ما تسخن, و بعدين تجيب المروحة على السخن و تشغلها. لو جابت هواء سخن يبقى كدة الدايرة واصلة.
2. تبص ورا الموتور هتلاقى خرطومين مياة سود داخلين ناحية دهر التابلوة.

لو فعلا جربت كل حاجة و مش باقى غير دية, سهل اوى الميكانيكى يفصلك الجزء الداخلى من الدورة (يعمل Bypass) بانة يوصل الخرطومين دول على بعض علاطول.

انا حصلى الموضوع دة فى البيجو قبل كدة, درجة الحرارة عليت اوى فى الموتور فا جزء من سربنتينة علبة الهواء اللى جوة التابلوة ساح فا بقى بينقط مياة جوة الصالون و طبعا المياة بقت بتنقص من دورة المياة.

اقتباس:

---

المشاركة الأصلية كتبت بواسطة iBiZa

الاحتمال دة انا فكرت فية فعلا

و عشان تتاكد منة, لازم تروح لحد بتاع ردياتيرات كويس او ميكانيكى فولكس يكبس دورة المياة عشان يشوف هتسرب منين.



مش لازم يبقى فية تكييف, اغلب العربيات دية جاية من اوروبا فا فيها حاجة اسمها علبة الهواء و دية عشان الدنيا عندهم غالبا برد فا دية بتقى للتدفئة.

بتشتغل ازاى ؟؟
بتاخد وصلة من دورة المياة و توصلها جوة التابلوه على سربنتينة صغيرة (حاجة عاملة زى الرادياتير) و لما انت بتشغل الهواء السخن اللى بيحصل ان المروحة بتزق هواء عادى بيعدى على المواسير اللى فيها مياة سخنة فا بالتالى الهواء يسخن.

تعرف زاى انها واصلة عندك ؟؟

1. تدور العربية شوية لحد ما تسخن, و بعدين تجيب المروحة على السخن و تشغلها. لو جابت هواء سخن يبقى كدة الدايرة واصلة.
2. تبص ورا الموتور هتلاقى خرطومين مياة سود داخلين ناحية دهر التابلوة.

لو فعلا جربت كل حاجة و مش باقى غير دية, سهل اوى الميكانيكى يفصلك الجزء الداخلى من الدورة (يعمل Bypass) بانة يوصل الخرطومين دول على بعض علاطول.

انا حصلى الموضوع دة فى البيجو قبل كدة, درجة الحرارة عليت اوى فى الموتور فا جزء من سربنتينة علبة الهواء اللى جوة التابلوة ساح فا بقى بينقط مياة جوة الصالون و طبعا المياة بقت بتنقص من دورة المياة.

---

الله ينور يا باشا
مشكلة حضرتك فى الكلمتين دول

متشكر جدا اجدا يا رجالة احمد كار باشا وابيزا باشا واحمد فؤاد باشا هو فعلا كلامكم كده صح ان شاء الله هروح لواحد كويس بتاع رادياتيرات يشوف القصة دي وربنا يجزيكم خيرا وهعرفكم اخر الأخبار عشان الكل يستفيد من منتدانا الرائع ده وربنا ما يوقع حد في مشكلة يااااااااارب

القصة سهلة زى ما ردينا عليك فى موضوع مية الصالون، المية بتنزل من كويل الصالون(الموجود فى كل العربيات حتى الغير مكيفة) ، فانت حاليا محتاج انك تلغى الخراطيم الواصلة له حتىلا تقفد مياه تبريد المحرك، لأن مياه تدفئة الصالون هى نفسها مياه تبريد المحرك، خلى اى ميكانيكى يعمل كوبرى بين الخرطوم الداخل والخارج الى كويل بحيث الكويل متدخللوش مية وبكدة المكشلة هتتحل

هات ريداتير مستعمل من الحرفيين وروح لحد بتاع ريداتيرات يشيك على دورة التبريد كلها

السلام عليكم
اشكركم يا جماعه علي ردكم وانا حاليا فعلا عملت Bypass علي كويل التدفئة الموجود في الصالون وحاليا انتهي نقص المياة .
بعد حوالي 700 كيلو او اكثر بالسيارة سفر والحمد لله لا يوجد نقص نهائيا في مياة التبريد بالمحرك لكن عندي سؤال اخر اغير مياة التبريد العادية بمياة ملونة بعد فترة قد ايه واشتري اي نوع من المياة الملونه وبكام ومنين وجزاكم الله خيرا علي المساعده

حط الميه الحمراء دى تعتبر افضل نوع حاليا و هاتلاقيها فى اى بنزينه و بتتغير كل سنه تقريبا

اقتباس:

---

المشاركة الأصلية كتبت بواسطة ehab_mansour

اشكركم يا جماعه علي ردكم وانا حاليا فعلا عملت Bypass علي كويل التدفئة الموجود في الصالون وحاليا انتهي نقص المياة .

---

الف مبروك على حل المشكلة. و ربنا يجعلها اخر المشاكل.

اقتباس:

---

المشاركة الأصلية كتبت بواسطة ehab_mansour

اغير مياة التبريد العادية بمياة ملونة بعد فترة قد ايه واشتري اي نوع من المياة الملونه وبكام ومنين وجزاكم الله خيرا علي المساعده

---

انت عربيتك المفروض تحطلها مياة حمراء, انا بصراحة مش فاكر نوعها اية, بس هى زجاجة بلاستيك بيضاء و Made in Germany و ب55 جنية و تشترى معاها 2 زجاجة مياة مقطرة (بتاعة البطارية - الواحدة تقريبا ب 2 جنية).

هتروح لبتاع الرادياتيرات يفك دورة المياة و يغسلها و بعد لما يقفلها, هيفضى زجاجة المياة الحمراء كلها و زجاجة من المياة المقطرة, و احتمال يحتاج حبة من الزجاجة التانية, انت هتخليها معاك عشان لو المياة نقصت هتزود منها.

بالنسبة للتغيير, انت المفروض تفضى دورة المياة و تغسلها و تملى جديد كل 50,000 كيلو او سنتين, ايهما اقرب.

متشكر جدا ابيزا باشا انا عارف انك هترد علي موضوعي ده لأن انت الوحيد اللي بدأت معايا من اول مرة اشتريت السيارة وطلبت المساعده علي منتدي سيات .
بالنسبة لموضوع المياة الملونه انا سألت ناس كتير قالولي ان فيه مياة شل او موبيل زرقاء تقريبا الجركن 4 لتر ب 45 جنيه ايه رأيك فيها دي وانا حاليا الماديات معايا قليلة شوية هل لو فضلت بالمياة العادية لحد اول الشهر تعمل مشكلة ولا لازم افضيها واحط مياة تبريد بسرعه ؟
ثانيا بيتهيئلي الموضوع مش محتاج بتاع رادياتيرات عشان يعملي الموضوع ده ممكن اعمله بنفسي خاصة اني معايا شنطة عده متكامله فعلا بكل شيء يعني موضوع الرادياتير لما باظ وصلحته انا اللي فكيته وركبته وانا اللي عملت Bypass والحمد لله بفهم كويس في الصيانة خاصة اني مهندس صيانة ماكينات وكله زي بعضه ولا ايه رأيك ؟؟؟؟؟
ارجو الرد وربنا يجزيك خيرا علي مساعداتك ونفسي نتقابل عشان تشوف عربيتي وتقلي رأيك لأنها فيها شوية حاجات عايز اعملها وانا مش قاهري لكن ساكن فيها جديد من فترة
عشان كده مش عارف اعمل فين ؟؟؟

اقتباس:

---

المشاركة الأصلية كتبت بواسطة ehab_mansour

متشكر جدا ابيزا باشا انا عارف انك هترد علي موضوعي ده لأن انت الوحيد اللي بدأت معايا من اول مرة اشتريت السيارة وطلبت المساعده علي منتدي سيات

---

يا باشا احنا موجودين هنا عشان نساعد بعض. و الواحد بيتبسط لما يعرف ان فية حاجة اتحلت فعلا من غير اشتغالات الصنايعية.

اقتباس:

---

المشاركة الأصلية كتبت بواسطة ehab_mansour

بالنسبة لموضوع المياة الملونه انا سألت ناس كتير قالولي ان فيه مياة شل او موبيل زرقاء تقريبا الجركن 4 لتر ب 45 جنيه ايه رأيك فيها دي وانا حاليا الماديات معايا قليلة شوية هل لو فضلت بالمياة العادية لحد اول الشهر تعمل مشكلة ولا لازم افضيها واحط مياة تبريد بسرعه ؟

---

مش هتفرق على كام يوم, بس لما تفضى و تغسل حط المظبوط.
الازرق و الاخضر دول مش لينا عشان الموتور مصنوع من مادة معينة (انا مش فاكر اسمها بصراحة) افضل حاجة ليها المياة الحمراء.

اقتباس:

---

المشاركة الأصلية كتبت بواسطة ehab_mansour

ثانيا بيتهيئلي الموضوع مش محتاج بتاع رادياتيرات عشان يعملي الموضوع ده ممكن اعمله بنفسي خاصة اني معايا شنطة عده متكامله فعلا بكل شيء يعني موضوع الرادياتير لما باظ وصلحته انا اللي فكيته وركبته وانا اللي عملت Bypass والحمد لله بفهم كويس في الصيانة خاصة اني مهندس صيانة ماكينات وكله زي بعضه ولا ايه رأيك ؟؟؟؟؟

---

من الناحية دية طبعا كلة فى الاخر مكن و المهم تعرف فكة و تركيبة ازاى و بس انما الmechanism كلة تقريبا واحد. انا جوز اخت مراتى بردة ماسك صيانة خط انتاج فى مصنع البان و سعات كتير نجيب العدة و نعك مع بعض, الموضوع بس تفتيح دماغ.

انا بس قلت بتاع رادياتيرات عشان اغلب الناس معندهمش الخبرة انهم يفكوا الحاجة بنفسهم.

اقتباس:

---

المشاركة الأصلية كتبت بواسطة ehab_mansour

ارجو الرد وربنا يجزيك خيرا علي مساعداتك ونفسي نتقابل عشان تشوف عربيتي وتقلي رأيك لأنها فيها شوية حاجات عايز اعملها وانا مش قاهري لكن ساكن فيها جديد من فترة
عشان كده مش عارف اعمل فين ؟؟؟

---

يا باشا انا تحت امرك فى اى حاجة, الميكانيكية اللى بيشتغلوا فيها هما بتوع الGolf و فيهم الرخيص و فيهم الغالى و فيهم اللى عندة سكانر و فيهم اللى اخرة تغيير تيل و طنابير.

انا عن نفسى بتعامل مع محمد سمير و هو احسنهم بس مش ارخصهم, بس بتاخد شغل توكيل بمصنعية اقل من التوكيل. انا بقالى معاة حوالى 9 سنين و بالنسبالى مش مشكلة لما ادفع شوية زيادة بس ابقى شارى دماغى و متطمن للشغل.

الف شكر ابيزا باشا طيب اشتري مكونات مياة التبريد دي منين وياريت وصف دقيق للمكان انا اعرف كويس جسر السويس وصلاح سالم منهم واشرح ازاي اقدر اوصل
وجزاك الله خير ا وربنا يكرمك ويباركلك

لا دول هتلاقيهم عادى فى التوفيقية و شارع دمشق, بس استنى يوم او اتنين و اجيبلك اسم المياة الحمراء بالظبط (عشان الشغل يبقى على مياة حمرا) :turned:

اقتباس:

---

المشاركة الأصلية كتبت بواسطة iBiZa

لا دول هتلاقيهم عادى فى التوفيقية و شارع دمشق, بس استنى يوم او اتنين و اجيبلك اسم المياة الحمراء بالظبط (عشان الشغل يبقى على مياة حمرا) :turned:

---

حلوة مياة حمرا دي هههههههه ربنا يكرمك ويباركلك يا باشا بس انا مش عارف فين شارع دمشق ده بتروحله منين من جسر السويس ياريت توصفلي وانا مستنيك في الوصف واسم المكونات بالضبط
وجزاك الله خيرا

وياريت لو تقدر تعرفني السعر كمان واسم المحل واسف علي الإطالة
وشكرا
م/إيهاب منصور

اقتباس:

---

المشاركة الأصلية كتبت بواسطة ehab_mansour

حلوة مياة حمرا دي هههههههه ربنا يكرمك ويباركلك يا باشا بس انا مش عارف فين شارع دمشق ده بتروحله منين من جسر السويس ياريت توصفلي وانا مستنيك في الوصف واسم المكونات بالضبط
وجزاك الله خيرا

---

اسهل طريقة انك تروح شارع دمشق من جسر السويس هى الاتى:
تبقى ماشى فى جسر السويس ناحية المتجة لرمسيس و لما تلاقى كوبرى التجنيد (بعد شبراوى) ما تطلعهوش, خليك على يمينة و هتوصل تقاطع خش شمال فية (شارع ابو بكر الصديق) و كمل فية هتوصل الى اشارة المحكمة (هتعرفها من وقفتك الطويلة فيها) هتكمل علاطول بردة (مسافة محطة اتوبيس) لح لما توصل تقاطع هتلاقى على يمينك محل تسيباس بتاع الحلويات, هتخش معاة يمين (شارع هارون الرشيد) علاطول لحد ما توصل ميدان الجامع.

و من هنا يبتدى شارع دمشق و هتلاقى بتوع اكسسوارات العربيات بالهبل و بتوع قطع الغيار كمان. الشارع دة مكمل معاك لحد قبل ميدان روكسى.

معلش تعبك معايا يا ابيزا باشا يا تري احسن محلات في شارع دمشق بتشتغل في قطع غيار الإبيزا الأصلي واسعارهم كويسه والاقي عندهم كل حاجه
وشكرا.......

الشهابى: 90% من حاجتة المانى عشان كدة هتلاقيها غالية قوى

اولاد فتح الباب: 50% المانى و 40% اوروبى و الاكسسوار (زى الاريال و المرايات) تايوانى - و ميزتة انة بيقبل كروت ائتمان فا لو محتاج حاجة ضرورى و مش معاك فلوس تدخل علية بالكارت و تخلص.