افضل سياره للمواطن المصري والمستقبل

**omar101970** · 15-02-2015 09:39 PM

بوجه عام اليابانی خصوصا تويوتا
وعن تجربه الكورولا

**lancerevolution** · 16-02-2015 09:24 AM

تويوتا Hilux
مناسبة للطرق و الصيانة و الأعطال قليلة و كمان نفس المكنة الجاز بتاعت المكروباصات فبالتالى قطع غيرا أصلية فى كل حتة
و الكورولا جميلة جدا فى الإستهلاك و قطع الغيار
الأوروبى القديم زى ال 504 و ال131 و 132 و 128 يتفوق على ده كله فى الصيانات عندك ال504 مثلا الصنايعية بيحبوها عشان الكبوت واسع و بيقف جوة جمب المكنة
من الأخر العربية الأمثل هتختلف بختلاف مكان معيشتك و إن كان من وجهة نظرى التويوتا النص نقل الجاز هتتفوق لأنها تقريبا فى كل مكان

**m7m0ud** · 17-02-2015 03:08 PM

هو عموما الفيصل بيرجع لطريقه الاستخدام
انا مع الالماني والياباني والفرنساوي والامريكي
اما الكوري والصيني عربيات بتعييش وقطع غيارها غاليه لكن مع اللي يحافظ عليها بس سيارات بدون اعتماديه ولا امان
الكوري انا بعتبره تقليد الياباني
الامريكي مواتير وشاسيهات محترمه بس صيانتها وقطع غيارها بتخلي الناس تبعد عنها
من الاخر
اللي حيحافظ علي العربيه وعايزها تقعد معاه يجيب عربيه كوري او صيني توفير وشكل وامكانيات
اللي عايز يجري ويسافر ويهلك العربيه يجيب الماني او ياباني
اللي عايز يلبس بدله ويحافظ علي عربيته نضيفه ويمشي بيها علي قد المشوار يجيب فرنساوي

**Eslam.Elrefaey** · 17-02-2015 04:24 PM

اجابة على سؤالك بلا شك وبلا منازع تقريبا الاجابة تيوتا كورولا واليبانى عامة ولكن محدش بياخود كل حاجة بتتنازل عن حاجات مقابل حاجات وكل واحد واولوياته

**reda elgohary** · 17-02-2015 05:12 PM

الآلمانى ، والكورى .

**reda elgohary** · 17-02-2015 05:13 PM

بصراحة الكوري شعبى جدا ومش متين زي الآلمانى .
بس ديه حسب الآذواق .

**hom1969** · 24-02-2015 11:02 AM

انا حقول تجربتي
أنا كان معايا لانسر 1600 أوتوماتك، قعدت معايا 8 سنين و عملت بيها 203 ألف كيلو
ماعتلطش ولا مرة و الحاجة الوحيدة الي غيرتها (غير السيور و الفلاتر) هي طرومبة الميه و ده علي 170 الف كيلو
و بعتها و كل حاجة فيها شغالة من الفبريكة، يعني تكيف و سنتر و ازاز كهربا كل ده شغال و عمره ما عطل
عمرها ما سخنت حتي لما طرمبة الميه باظت، عمري ما حسيت بنتشة و هي بتنقل
بعتها علشان زهقت و جبت كورولا (ياباني برده)

عديلي معاه بي ام و كورولا (الاتنين شاريهم زيرو) و هو مرتاح في الكورولا أكتر و اعطالها مافيش خالص في حين ال بي ام عملت معاه كام دقة نقص
واحد أعرفه معاه مرسيدس سي و نيسان قشقاي (الاتنين برده شاريهم زيرو)، بيشكر في القشقاي و بيقول برقبة المرسيدس.

الياباني فعلا أكثر إعتمادية و تقريبا معدوم الاعطال
ده عن تجربتي و تجارب اصدقائي

**Abo_Mazen** · 24-02-2015 11:26 AM

أنا بقى موظف غلبان على قد حالي ..عربيه متستهلكش بنزين ..يعني سي سي قليل ..يعني عدد سلندرات قليل ...هو ده اللي يكسب معايا ..قول بقى ماروتي ..شاريد قديم تلاته سلندر ..قول اللي يعجبك ..لتر البنزين تمانين حر بدون دعم 4 جنيه مصري ..وسعر بنزين 92 حر بدون دعم 7 جنيه مصري ..يعني المستقبل للتوكتوك أبو كابينه..وخلاص البنزين هيغلى في شهر سبعه ..وهيفضل كده لمدة اربع سنين كمان ..أكفي منين عربيه 1500 سي سي بنزين

**msobhy** · 24-02-2015 03:18 PM

التقييم من وجهة نظرى المفروض انه يتبنى على اساس اقتصادى
عن نفسى هاقول تقييمى بناءا على العربيات اللى ركبتها
تقريبا 10 سنوات بركب عربية والدى فيات 128 موديل 76 - عربيه عضمها قوى جدا - مش مريحه - أعطالها بسيطه - تكاليف تشغيلها بسيطه جدا - استهلاك البنزين بتاعها بسيط جدا
تقريبا 4 سنوات فيات 128 موديل 82 نفس اللى فات بالظبط
تقريبا 5 سنوات لانوس - عربيه اعتماديه جدا - مش بتبوظ بسهوله - لكن مشاكلها كتييييييييييييييييييره جدا - لكن فى نفس الوقت مش بتوقف ولا بتخذلك - كان معايا عربيتيتن - واحده موديل 2000 وديه كانت بتاعتى والتانيه شيفورليه لانوس 2012 والصراحه موديل 2000 كانت احسن والاتنين سفاحين بنزين خصوصا لما تمشى بسرعه فوق ال 120
من 2012 وحتى الان - صديقتى وحبيبتى النترا 2010 وبجد اخرة صبرى - عربيه رائعه - قليلة المشاكل - يعيبها النقص الشديد فى عوامل الامان (علشان اتنيلنا اشترينا من غبور)

تقييمى لبعض السيارات من الاحتكاك المباشر
النترا 2010 - بحبها فى كل حاجه
تيجو 2012 - منظر على الفاضى وخساره فيها الفلوس
نيسان صنى 2014 - عربيه لا تليق بأسم نيسان
بيجو 508 موديل 2015 - ايه الدلع والجمال ده
كيا سورينتو - عايزه حرامى علشان يقتنيها سواء قطع غيار أو صيانات أو استهلاك بنزين
128 - العربيه المناسبه لأى حد فى بداية حياته وان كانت اصبحت منهاره تماما فى الاونه الاخيره
لانوس - عربيه واخده صيت على الفاضى
فيرنا - صوره طبق الاصل من اللانوس مع فارق انها جرايه عن اللانوس - مش ثابته خالص - فراملها زى الزفت والطين والقطران
نيو اكسنت 2011 - عربيه حلوه وبنت ناس بشرط - انك ما تطلعش فوق ال 100 - ساعتها بتتساوى بالفيرنا

وأخيرا نفسى فى العربيات التالية - بدون ترتيب
سيراتو 2015 - كرولا 2015 - أوكتافيا a7 2015 - بيجو 508 2015 وممكن على استحياء أضيف لهم النترا 2015 و شارك 2015

-

الموضوع: افضل سياره للمواطن المصري والمستقبل

LinkBack

أدوات الموضوع

عرض

-

-

-

-

المواضيع المتشابهه

ايهما افضل الفيفا الهندي ولا الفيرنا المصري.....؟

افضل واحسن شحم في السوق المصري

ما هو افضل سينسور بارك في السوق المصري

ماهي افضل سياره صيني في السوق المصري الآن ؟

جهاز حماية المستهلك سند حقيقي للمواطن المصري

الكلمات الدلالية لهذا الموضوع

المفضلات

المفضلات

ضوابط المشاركة