احترس من الحجر ده عند ترعة الاسماعيلية - بعد نفق عبود

**مصراوي جدا** · 06-11-2008 01:57 PM

فيه حجر كبير تركه عمال البلدية منعدمي الضمير بعد شوية اعمال اصلاح في المنطقة دي. الحجر ده عبارة عن مصيدة للعربيات كل كام يوم عربية تصطدم بالحجر وتتدمر

انا نفسي كنت يوم مش واخد بالي وهادخل فيه بس ربنا ستر لأن الحجر على الشمال ولو عربية خبطت فيه لازم هتقف تماما يعني من سرعة 60 تقريبا الى الصفر وبالتالي الأضرار كبيرة

المكان هو على ترعة الاسماعيلية للقادم من نفق عبود بشبرا ومتجه الى السواح ومصر الجديدة أو مدينة نصر وبالتحديد قبل محطة الكهرباء اللي افتتحوها من كام شهر.

العربية السيات دي كانت ضحية الحجر النهارده الصبح

يمكن الصورة متوضحش اوي ان الحجر عامل مشكلة ولو حد شاف الصورة يقول ما الحجر على جنب اهو ايه المشكلة بأه . انما لو راح هناك وكان سايق عربية هيحس قد ايه الحجر ده مشكلة كبيرة وخاصة بالليل كمان لأن الشارع ده ضلمة

يا ريت لو حد يعرف مسئول كبير ولا صغير يقدر يشيل الحجر ده من هنا ميترددش في فعل الخير ويكلمه

**shanodaa** · 06-11-2008 02:23 PM

بارك الله فيك فعلا الحجر ممكن يقتل ويدمر ابرياء

**islamnabil** · 06-11-2008 02:30 PM

مش عارف ليه كل اما اشوف حاجة زي كده بفتكر توقيع حد من الاعضاء ان الحكومة لابدة للشعب في الذرة
هوا طبعا الحكوكة مالهاش دعوة مباشرة يعني بالموقف ده
لكن بردو بفتكر قول عمر بن الخطاب (لو دابة في العراق تعثرت لسأل عمر عنها) او كما قال ...

**مصراوي جدا** · 06-11-2008 02:34 PM

المشاركة الأصلية كتبت بواسطة Osama_soliman

اولاً : ده اهمال وحسبى الله ونعم الوكيل

وان كنت اتنمى ان احد من اللى طريقه من هناك تتطوع ويحاول ان يزيح الحجر ده شوية
وتكون ده حركة ايجابية حقيقى وكمان صدقة (اماطة الاذى عن الطريق)

للأسف يا استاذ اسامة الحجر ضخم ومش ممكن محاولات فردية تحركه خاصة ان المطلوب انه يطلع فوق الرصيف مش يتحرك على جنب وخلاص لأنه هو بالفعل على جنب لكن نظرا لأنه عريض فكل عربية بتعدي على الشمال معرضة للاصطدام به