عرض للطباعة
انا شغال في مصر ومرتبي بالدولار وعندي حساب في بنك حكومي بالجنيه وبحولهم بالجنيه وبودعهم ف الحساب اللي بالجنيه هل ده الافضل ولا افتح بيهم حساب بالدولار مع العلم اني بحتاج اصرف منهم فمش هغير كل شوية للجنيه...يعني اقتصاديا الافضل الجنيه ولا الدولار لاني مش لاقي جواب يريحني ..ارجو حد عنده خبرة اقتصادية يفيدني
استفسار ضروري
اعتقد ان الدولار افضل
متابع
لو بتودعهم فى حساب توفير علشان الفوايد يبقا الدولار ملوش لازمه كده لان فوائده قليله جدا فى البنوك المصريه
لكن لو بتحتاج كاش دايما فى ايدك من مرتبك يبقا انت ماشى صح افضل على الاقل تستفاد من فرق العمله لمصاريفك لانك مش مدخرهم
لو عندك مبلغ كبير وشايله وبتاخد منه عائد لازم يبقا بالجنيه والافضل شهادات استثمار وهكذا
حسب احياجك وبتقدر توفر اد اية كل شهر. لو مثلاً مرتبك 1000 دولار وانت توفر كل شهر ما يعادل 100 دولار يبقى الافضل تحول 900 دولار للجنية وتخلى 100 زى مهى فى حساب دولارى وكل فترة المبلغ المجنب اعملة وديعة، فايدة الدولار قليل بس سعر العملة بيعوض.
طب لو بتحتاج كل المبلغ يبقى الى انت بتعملة افضل.
من اقتصاد البلد الافضل ان تحول الى جنيه مصرى
ولكن على الناحية الفردية الأفضل انت تحتفظ بالدورار و تفتح حساب بالدولار مع العلم ان فائد الدولار فى تزايد و لو
هتربط شهادات بفاءدة عالية تصل الى 3.5 او 4.25%
افتح حسابين
نص مصري ونص دوﻻر
الافضل انك تفتح حساب بالدولار خاصة مع حالة الترنح للجنيه المصرى امام الدولار وعجز الدولة الحالى امام صعوده