ممكن اي حد معاه ميجان مانيوال يقول بيستهلك بيستهلك بنزين قد ايه؟؟ و ايه مواصفات العربيه (الي هي اول فئه في الميجان ) و ايه الفروق الي بينها و بين الفئات الاعلي (في الصالون فقط) و اخر سعر ليها كام دلوقت ؟؟ معلش استفسارات كتير شوية بس اصلي معجب بطريقه مش طبيعيه بالعربيه دي
متوسط استهلاك الينزين عندي حوالي 240 كيلومتر في الصفيحه ( 20لتر ).اقتباس:
بيستهلك بنزين قد ايه
المواصفات الحاليه الموجوده بالفئه المانيوال :-اقتباس:
و ايه مواصفات العربيه (الي هي اول فئه في الميجان ) و ايه الفروق الي بينها و بين الفئات الاعلي (في الصالون فقط) و اخر سعر ليها كام دلوقت ؟؟
6 وسادات هوائية - 4 زجاج كهرباء تاتش - ABS + EBD - مرايات كهرباء - كاوتش 15 بوصة و طاسات - ايموبيليزر -باور ستيرنج كهربائي - كارت رينو و سنتر لوك و ريموت - ستائر للزجاج الخلفي و الزجاج الجانبي في الخلف - كمبيوتر للأعطال والمعلومات - مصابيح ضباب - تكييف هواء عادي - CD
السعر / 118.000 جنيه.
بعد كده في 3 فئات بس كلهم اوتوماتيك ستبترونيك...المانيوال موجوده فئه واحده بس بالامكانيات اللي ذكرتها .
اي استفسار آخر ان شاء الله اجاوب حضرتك عليه وشكراً
تحياتي ...........
إستهلاك العربية معايا ٨ لتر لكل ١٠٠ كيلو ، و الإستهلاك دة متوسط الإستهلاك على أساس إن مشواري نصه جوا البلد (إشارات و زحمة ) و نصه على المحور ، و الفترات إلي بتكون فيها البلد زحمة ، يعني ماشي وحدة وحدة و إشارات و كدة بيوصل الإستهلاك لحد ٩ لتر أو أكتر شوية لكل ١٠٠ كيلو ، يعني بالبلدي كدة من ٢١٠ إلى ٢٤٠ كيلو في الصفيحة
و في السفر لو ماشي ٩٠-٩٥ بتعمل أقل من كدة إستهلاك بكتير ، انما أنا بجري ١٥٠-١٦٠ عشان كدة بيكون نفس الإستهلاك تقريباً
بالنسبة للكماليات في ٢٠٠٥ منوال :
مرايات ضم كهربا
كشافات ضباب
مقابض سوداء مش فضي و التابلوه كمان اسود
ستاير خلفية و على الزجاج الجانبي الخلفي
مخدع يد أمامي و خلفي
فرش قماش اسود مفيش جلد في المنوال
باقي الحاجات زيها ذي الأوتو بالضبط ، و على فكرة فيه إختلاف في الفئة دي تحديداً في موديلات ٢٠٠٧ و ٢٠٠٨
سعرها بيلعب في أوائل السبعين لموديل ٢٠٠٥ ، و أكتر طبعاً للموديلات الأعلى ،و أي إستفسار تحت أمرك