بعد اذنكم عاوز اعرف اوبشن سيراتو 2015 خليجى اول فئه؟

**samihanwar** · 13-02-2015 11:20 PM

بعد اذنكم عاوز اعرف اوبشن سيراتو 2015 خليجى اول فئه؟
وسعرها كام
وخبارها ايه كويسه ولا وحشه
وقطع غيارها عامله ايه
وتكونو مشكورين جدا
صحيح هو الخليجى ليه ضمان ؟

**محمد مجدي محمد** · 14-02-2015 12:18 AM

بصراحة الاوبشن معرفوش
هي مميزاتها
1.سريعة و سحبها حلو
2.اعادة البيع حلو
العيوب
1.الثبات فوق 130 كم / س
2.الفرامل خاصة مع عدم وجود abs
3 العفشة ناشفة
4.تيل الفرامل سئ
قطع غيارها غالية يعني واحد صاحبي غير الاقصدام ب 7000
و الفانوس ب 1600 من غير ليدات
سعرها 143000
الخليجي مبيبقاش معاه ضمان
بس انت ممكن تشتري ضمان من شركة اسمها aaa

**said.d.y** · 14-02-2015 09:59 AM

مبدئياً الخليجى بيختلف في الاوبش من مستورد لمستورد اخر
لاكن اول فئة غالباً بتكون نفس التجهيزات الأساسية فى السيراتو الفئات الأعلى زى( زجاج ومرايات كهرباء وسنتر وغالباً فوجات ودركسيون متحرك وتكييف،،،،)
الاختلاف بيكون غالياً:
الكاوتش مقاس 15 حديد.
الاوكر والمرايات موش بلون السيارة (اسود).
المفتاح موش بريموت.
مفيهاش ايرباج /abs /مانع دوران المحرك.
بيكون راكب فيها كاسيت (موش الاصلى) لاكن فية اوبش كتير، وساعات بيكون معاها كاميرا خلفية وبلوتوث للموبيل.
الدركسيون موش ملتى ومفيهاش بلوتوث.
ساعات ما بيكنش معاها لمبة استوب خلفية.
لاكن الثبات والمحرك والعافشة والاساسيات كلها موش مختلفة من فئة لاخرى(الاختلاف بيكون في التجهيزات)

**samihanwar** · 15-02-2015 04:28 PM

شكرا جزيلا ليكم يا رجاله
بس انا عاوز القول الفاصل فيها
خليجى اول فئه 2015 اوتوماتيك

**mr.moustafa** · 15-02-2015 07:23 PM

القول الفصل
اوبشن اساسية:
ايرباج للسائق
زجاج كهرباء
مرايات كهرباء
سنترلوك
كونسول بمسند للذراع
دركسيون قابل للتعديل 3 محاور
الكاسيت الأصلي لو المعرض ماغيرهوش بيكون مشغل اسطوانات و فلاشة و بلوتوث للاقتران بالموبايل
فتح الشنطة و التانك من الداخل
عدسات أمامية

اوبشن حسب البلد المصدر لها:
ايمبولايزر
زجاج مظلل
فوجات

**samihanwar** · 15-02-2015 10:00 PM

المشاركة الأصلية كتبت بواسطة mr.moustafa

القول الفصل
اوبشن اساسية:
ايرباج للسائق
زجاج كهرباء
مرايات كهرباء
سنترلوك
كونسول بمسند للذراع
دركسيون قابل للتعديل 3 محاور
الكاسيت الأصلي لو المعرض ماغيرهوش بيكون مشغل اسطوانات و فلاشة و بلوتوث للاقتران بالموبايل
فتح الشنطة و التانك من الداخل
عدسات أمامية

اوبشن حسب البلد المصدر لها:
ايمبولايزر
زجاج مظلل
فوجات

الف شكر ليك يا باشا
طب سعرها عامل كام
وهى فيها ايموبيلايزر ولا؟