سلام عليكم.....ازيكم يا جماعة ايه الاخبار.....ربنا يكرمكم على المنتدى ده بجد ويجازيكم خيرا

دلوقتى معروض عليا سكودا فيليشا 1997 glx ....حالتها المكيانيكية ممتازة ودواخلها كلها فابريقة وحتى صاحبها عامل دورة التبريد والعربية ما شاء الله مش بتسخن وتكيفها تلاجة

دلوقوتى العربية فيهه بعض الحاجات عايزة تتصلح زى :
1- محتاجة مساعد يمين امامى
2-البرابريز عايز يتغير
3-نور الصالون
4-جلبة المارش
5-فانوس امامى شمال
6-البوهية بتاعة السقف
7-الزجاج الامامى شمال....مش بيطلع بسهولة....مش عارف ده بقى تراب ولا ايه


دلوقتى السعر اللى وصلناله بعد خناق وفصال هو 28000 وانا اللى هصلح الكلام اللى فوق ده

يا ريت اى حد يفيدنى ويقولى كده كويس ولا لأ....والحاجات دى هتتكلف كام لو انا اللى صلحتها...وكمان موضوع البوية بتاعة السقف ده..هل هينزل من سعر العربية لما اجى ابيعها ولا لأ


وكمان احنا متكلمناش ...هل هدفع اى رسوم فى اجراءات الشرا ولا لأ

معلش انا خبرتى قليلة شوية.....عشان كده بسألكم

جزاكم الله كل خير