الموضوع: ارجو الافاده من خبراء ix35

شكرا استاذ عادل بس انت معاك الفئة ايه ؟؟
يعنى معنى كده ان الفئة التانيه الفانوس الامامى متغير ؟؟
الحمد لله انى لقيتك انت واحد من ملاكها
ياريت تقولى ثبات العربيه من غير esp على سرعة 130 كم عامل ايه ؟؟؟
و ايه رايك فى العربيه ؟؟
و ايه اخبار استهلاك البنزين
و كمان كان فى اعضاء بيعملو للعربيات تيست درايف فياريت لو تعرف بيتعمل ازاى
و العربيه لو حبيت تبيعها دلوقت تبيعها بكام علشان بس اعرف سعر اعادة البيع
و انا حاسس ان العربيه سعرها مبالغ فيه فهل انت مقتنع بيها ؟؟؟؟
ياريت ترد على الاسئله و انا متشكر ليك جدا

انا فكرت فى القاشقاى الشكل الجديد كتير و طبعا هى تعتبر اقل سعر فى الفئة دى يعنى اول فئة فيها كماليات زى اللى فى اخر فئة فى الهيونداى و يابانى و كمان بقت واسعه و شكلها حلو و ب205000 لكن لقيت ان حكاية الموتور ال١٢٠٠ سى سى
تربو هيسبب مشاكل و هيبقى اجهاد للموتور و بالتالى عمر الموتور هيبقى قصير و كمان انا بحط للاوبترا بتاعتى بنزين ٨٠
و لو هشترى هيونداى قلت حرام احط بنزين ٨٠ فقلت مش مهم هحط لها ٩٢ لكن النيسان عايزه 95 و انا استحاله احط بنزين٩٥ .
و بعدين شوفت السوبارو قولت كويسه اهى زى القاشقاى فكل حاجه بس الموتور بتاعها مفهوش مشاكل .
و لسه لحد دلوقتى بقارن بين الxvو الix35 بس شكلى كده ميال اكتر للهيونداى علشان سعر اعادة البيع عالى جدا لدرجة ان فى بعض المستعمل اغلى من الزيرو!!!!!
انت عربيتك من غير esp صح ؟؟
انا اللى مخلينى اسال عن ثباتها ان انا شوفت اختبار ثباتها على النت و كان فى فرق كبير بين ال بesp و اللى من غير esp
و الصراحه اللى من غير esp مكنش يليق ابدا بعربيه بحوالى ربع مليووون جنيه .
ياريت تقولى اسعار قطع الغيار بره التوكيل لان انا مش بلتزم بالصيانه
و لو عندك اى عربيه تانيه احسن ياريت تقولى عليها .. ... طبعا ممكن اجيب بى ام x3 مستعمله 2008 لكن الصراحة شكلها مش حلو خالص من بره .
لتانى مره باكرر شكرى ليك

استاذ عادل انا هاسالك السؤال ده علشان انت شارى العربيه و اكيد قارنت قبل ما تشتريها بعربيات تانيه :-)
لو انا هجيب الفئة التانيه اجيب سبورتاج و لا هيونداى و ليه ؟؟
انا عارف ان الهيونداى احسن من السبورتاج بس فى ناس قالت لو هتشترى الفئة التانيه هات السبورتاج علشان الليدات الاماميه اما لو اخر فئة هات هيونداى فانت رايك ايه .
تانى حاجه انا مش بروح التوكيل اصلا و لا بلتزم بالصيانات .
ثالثا : السبورتاج اطول و اعرض من الهيونداى و كمان شكلها اضخم ليه بقى بيقولو ان الهيونداى اوسع ؟؟؟
انت ايه رايك فى موضوع القاشقاى ده؟؟
انا اصلا مهندس مدنى و مقاول يعنى مفيش دخل معين يعنى لو استنيت كمان اسبوع ولا حاجه هلاقى الفلوس اتصرفت على الشغل انا معايا اوبترا و الصراحه مش مقصره فى اى حاجه لكن طبعا انا شغلى بيخلينى اسافر بالعربيه كل يوم من دسوق فى كفر الشيخ الى الاسكندريه و ساعات للقاهرة ده غير انى مش بعمل صيانات (مش فاضيين نعمل صيانات ) فطبعا العربيه باشت و بقى فيها كذا حاجه عايزه تتعمل فقلت ابيعها و ننقل على حاجه تانيه و انا ناوى اشترى زيرو و دى اول مره فانا عايز عربيه مابيعهاش طول عمرى و طبعا بالسعر ده المفروض تجيب بيه عربيه مفيهاش غلطه لكن التوكيلات بقى ،،، نعمل ايه ،،،،،، الكورى سعره هيبقى زى سعر المرسيدس !!!!!