سخونة الفيرنا علي سرعة 120 كم/ساعة

كنت مسافر من كام يوم و كان الجو حلو الصبح بادري و الطريق فاضي و جبت ال 120 و شغلت التكييف و ببص بالصدفة علي المؤشر لاقيته عالي قبل العلامة الحمرا علي طول
هديت و مشيت علي 80 و طفيت التكييف نزل تاني
جربت زودت لحد 120 و مفتحتش التكييف طلع تاني
وقفت و فتحت الكبوت القربة فيها مية
و انا راجع شغلت التكييف و قرصت عليها تاني و ما سخنتش
تاني يوم بعدها فتحت القربة مالقتش فيها نقطة و الردياتير كذلك
مش عارف ده ايه ناس تقولي غطا الردياتير بينفس
و ناس تقولي الردياتير عايز يتسلك
العربية فيرنا موديل 2008 ماشية 55 الف و فضيت مية الردياتير مرة واحدة بس لما غيرت الكوعة

متابع
هى العربية سلمية بعد لما الميه فضيت
اقصد دارت كويس
مفيش اصوات غريبة
شوف مقاس الزيت
هل لون الزيت طبيعى ولا شكل الطحينة
ربنا يسترها

اه مفيش صوت و الزيت تمام مش مطحن (ماجابتش جوان لا )

طالما المية نقصت يبقي لازم يكون ليها سبب

والسبب المنطقي اما غطاء القربة مش تمام او غطاء الردياتير مش تمام

والسبب التاني تنفيث مياه والعربية سخنة مع الضغط الناشئ عن سخونة المياه ودا يظهر والعربية سخنة وممكن يكون التنفيث دا من مكان مش ظاهر مثلا تحت ف العلبة الردياتير او كوعه مستخبية او طلمبة المياه

وفي احتمال مهم جدا هو طبات المياه ف الموتور

وعشان كدا انت لازم تحدد العيب او ميكانيكي شاطر مخه شغال يركب معاك العربية وهو يقدر يشوف الحاجات دي

ممكن الميه مش تنقط لا بتتبخر مباشرة بسبب السخونة دور على اثر الميه وهيكون هو دا السبب

اقتباس:

---

المشاركة الأصلية كتبت بواسطة mhopa2440

طالما المية نقصت يبقي لازم يكون ليها سبب

والسبب المنطقي اما غطاء القربة مش تمام او غطاء الردياتير مش تمام

والسبب التاني تنفيث مياه والعربية سخنة مع الضغط الناشئ عن سخونة المياه ودا يظهر والعربية سخنة وممكن يكون التنفيث دا من مكان مش ظاهر مثلا تحت ف العلبة الردياتير او كوعه مستخبية او طلمبة المياه

وفي احتمال مهم جدا هو طبات المياه ف الموتور

وعشان كدا انت لازم تحدد العيب او ميكانيكي شاطر مخه شغال يركب معاك العربية وهو يقدر يشوف الحاجات دي

ممكن الميه مش تنقط لا بتتبخر مباشرة بسبب السخونة دور على اثر الميه وهيكون هو دا السبب

---

انا قولت كدة برضو ممكن يكون غطا القربة او الردياتير
خصوصا ان غطا القربة حواليه زي طين او صدا
و غطا الردياتير حواليه زي بقع مية