السﻻم عليكم
انا اشتريت عربية رختصها منتهية من سنتين (ﻻن صاحبها كان مسافر)
صاحب العربية عشان يعرف يبيعلي دفع ضريبة ع السنين المتاخرة وطلع شهادة بيانات عشان الشهر العقاري
كنت عاوز اعرف لما اروح ارخصها ايه اللي حيبقى مطلوب مني وهل حدفع غرامات او حاجة زي كده
هتروح نعمل الاجراءات العادية بتاعة التجديد…
و انت بترخص هتدفع ضريبة السنين اللي فاتت و السنين اللي انت عايز ترخصها…
في التامين هتدفع السنين الجديدة بس ..
انا كان عليا 4 سنين فاتوا و جددت عادي جدا ولا اي حوار ..
في نقل الملكية غالبا هتجدد باسم المالك القديم السنين القدام و الجداد باسمك ..بس المرور يفيدك اكتر في الحتة دي ..
حضرتك الغرامه بتدفع علي الضريبه يعني بدل ما تدفع سنه يتدفع سنه ونص
عموما طالما هو دفع السنتين اللي فاتو وجاب شهادة بيانات يبقي تمام
حضرتك خد بالك انك هتحتاج شهادة بيانات تاني للمرور "غير الاولي اللي كانت موجهه للشهر العقاري" لازم المالك يطلعها لك
وبعدين هتاخد عقد نقل الملكيه وشهادة البيانات الجديده وايصالات دفع الضريبه عن السنتين اللي فاتوا وهتروح للمرور اللي انت تابع له
هتشتري شنطه وملف ونموذج فحص وجواب استعجال للملف القديم وهتكمل الاجراءات
وربنا يعينك علي المرور واللي فيه
الف شكر يا جماعة على ردودكوا
جزاكم الله خيرا
سؤال اخير بس
لو العربية رختصها مرور ابيس (في اسكندرية) وانا بطاقتي ع العجمي هل ﻻزم انقل الرخصة من مرور ابيس لمرور العجمي (وازاي ده بيتم ) وﻻ ينفع اخلص كل حاجة في مرور ابيس عادي
يا ختييييي..هو إنت من إسكندرية ..يا سيدي بتوع إسكندرية مغضوب عليهم وما ينفعش ينقلوا من مرور لمرور داخل نفس المحافظه ..أنا من العجمي ..وشاري عربيه مرور طوسون ..يعني ابو قير ..تخيل بقى حضرتك إني كل فحص بسافر أبو قير عشان أفحص ..مع إن مرور العجمي بينه وبين البيت عندي خمس دقائق مشي على رجلك ..بس قالك لأ..النمر الجديده متنقلش داخل نفس المحافظه ..تطلع بره المحافظه آه ..تيجي ببها من بره المحافظه آه ..لكن تنقل جواني كده لأاقتباس:
المشاركة الأصلية كتبت بواسطة mohamed1505
بالنسبه بقى للرخصه المنتهيه ..هو المالك القديم تقريبا كده نهالك القصه بحكاية إنه دفع الضريبه المتأخره ..حضرتك هتروح الشهر العقاري بشهادة البيانات اللي مدتها شهر ..وخلي بالك عشان شهادة البيانات ليها مدة مش فاكر شهر ولا تلات شهور ..المهم ..هتروح الشهر العقاري بشهادة البيانات وتوكيل البيع اللي المالك عملهولك هتعمل عقد بيع لنفسك ..وبعدين تطلع على المرور ومعاك ورقك كامل ..عقد مسجل ..وخلي بالك لو مضيت مشتري هيكون العقد ليه مده شهر ..ومعاك شهادة براءة الذمه المالية ..اللي هي شهادة مخالفات خالصه ..والتوكيل اللي عملهولك البائع ..وتطلع تفحص وترخص وتنقل ملكية عادي جدا في المرور كأن رخصتك ساريه ..مفيش غرامات على اللي جاي بما إنك معدتش شهر أصلا على شهادة البيانات والقصة دي ..قبل ما أنسى ..روح شهر عقاري الدخيلة بلاش المنشيه عشان الشماشرجيه ..روح الدخيله وخلص نفسك
اقتباس:
المشاركة الأصلية كتبت بواسطة mazagangee
أنا عايز أعرف يا باشا دفعت كام أنا عليا 3 سنين فاتوا وال رخصة مسحوبة .. الرخص منتهية من 2012 والرخصة اتسحبت من ساعتها وانا سافرت .. عايز أعرف هادفع اد إيه ؟