الموضوع: ماروتى آه... ماروتى لأ ؟؟؟

1-كله يرمي عليك دي بترجع لشخصية السائق بفضل الله ولا ميكروباص ولا نص نقل بسمحله يرمي عليا لاني ديما بكون سابق بخطوة والحمد لله العربية بتساعد علي كده ولا يهمك منهم دول شوية حثاله عايزين اللي ميسكتلهمش مفكرينها عافية لكن مفيش حاجه عافية وفيه مخ نشغله
2-وزن الماروتي650كيلو وتقدر تشيل معاك كمان400كيلو تقريبا يعني تشيل3كبار غيرك بدون مشاكل ان شاء الله وبالنسبة للسرعه 100كويس جدا ولو عايز تذود ممكن توصل120 بس هاتلي شارع في شوارع المحروسة بتعدي فيه80اصلا دي حاجه متعيبهاش اصلا
3-الاجابة في2برصو
4-الشنطه بمفتاح خارجي بس ممكن تعمل اي تعديل يعجبك علي حسابك
اللي يعيبلك علي العربية من غير مايجربها سيبك منه العربية جميله وحمالة اسية وموفرة عيبها الوحيد التوكيل بتاعها معفن اوي حاول تطنشة وتوفر فلوسك من الأول وربنا يحفظها وربنا يوفقك للي فيه الخير

حضرتك لو متضايق من الماروتي ممكن تبص على الالتو
عربية كويسه برضه

انا معايا ماروتى:
عربيه حلوه جدا جدا داخل المدينه والزحمه وعمليه فى البنزين والركنه وقطع الغيار

نيجى للسلبيات:
غير عمليه للسفر وشيل شنط و4 بالغين
الصيف والحر (مفيهاش تكييف)

المشاركة الأصلية كتبت بواسطة zing0

السلام عليكم
أخوكم محتار جداً و محتاج نصيحتكم

و عليكم السلام و رحمة الله و بركاته و اهلا و مرحبا بك

الحمد لله معايا لادا 2105 ثمانينات على قد حالها
بس نفسى أغير و مش عارف أجيب إيه و عاجبانى الماروتى, يمكن لإنها على قد المبلغ المتاح كأعلى موديل, أى حاجة تانية هأفضل فى القديم.
أنا عملت مقارنة بينها و بين اللادا فى اللى ليها و اللى عليها
مشتركين فى حاجات كتير بإستثناء...
1- اللادا للتحمل و التحميل و ... تمام, عضم ناشف و أى ميكروباص يخاف يرمى عليك فى الطريق بخلاف الماروتى اللى كله بيرمى عليها. هل ده صحيح؟

ساجيبك بما رايته بنفسى و انا من ملاك الماروتى منذ عام 2009. نعم يا اخى الفاضل. . . و انت تقود الماروتى الكل يرمى عليك حتى الساده قائدى العربات الكارو


2- وزن الماروتى خفيف, على قدر علمى حوالى 400 كم, فى حين اللادا أكتر من طن, و ده فى الثبات عالطريق معرفش إيه أخباره, خاصة أن كله بيقول بلاش تزود عن 100 كم/س مع الماروتى بالذات (و مع كل العربيات طبعاً بس دى بالأخص).

كلام خاطىء يا اخى الفاضل. انا لا افعل شىء بالماروتى سوى السفر الكثير الساعات بعيد المسافات. السياره تحمل بدون مشاكل. اما عن الثبات فهى فعلا ثباتها ضعيف و لكن لو انك قائد محترف يمكنك السفر بها على ما شئت من السرعات. انا شخصيا اسافر بها على 110 الى 120 كم

3- الأسرة صغيرة و معظم أنتقالاتى لواحدى, بس ميمنعش ييجى وقت و أركب 2 بالغين وراء هل مش هتستحمل و تفضل تحك فى المطبات و لا عادى؟

اطمئن. . الماروتى مرتفعه عن الارض و لا تحتك الابالمطبات العاليه جدا و التى تحتك بها اى سياره غيرها

4- هل الشنطة بتاعتها بتتفتح من الخارج و لا ليها شداد من جوه زى العربيات الحديثة؟ لأنى أتعرضت للسرقة 3 مرات ورا بعض.

من الخارج فقط

كل ما أسأل حد يبصلى بنظرة دونية و يمدّ بوزه كما لو كنت بأتكلم على موتوسيكل صينى, و يقولى يا أبنى دى ميدالية و علبة كبريت و توكتوك و عربية لعبه .....


انت تشترى سياره تناسبك انت و ليست ليرضى عنها الناس. انتزع من فضلك كل هذه التراهات من ذهنك فقد واجهتها قبلك و لا تدع ذلك يؤثر على قرارك ابدا. ان كنت ستشترى هذه السياره فبقناعتك بها و ان كنت سترفضها فايضا لنقص قناعتك بها و لا تدع سخرية الناس تنال منك

معلش ساعدونى فى أجابة الـ 4 نقط اللى فوق دول علشان أحسم أمرى و ربنا يوفقنا لما فيه الخير.

هداك الله لارشد امرك و اقومه

السلام عليكم و رحمة الله و بركاته

[QUOTE=elpilot;3875889714]1-كله يرمي عليك دي بترجع لشخصية السائق بفضل الله ولا ميكروباص ولا نص نقل بسمحله يرمي عليا لاني ديما بكون سابق بخطوة والحمد لله العربية بتساعد علي كده ولا يهمك منهم دول شوية حثاله عايزين اللي ميسكتلهمش مفكرينها عافية لكن مفيش حاجه عافية وفيه مخ نشغله


اعجبنى وصفك للهمج بالحثاله

عربيه. ممتازه. ومناسبه لاسره صغيره. و مشوير قصير . مع اقل تكاليف صيانه. اقتصاديه

شاكر جداً لرد الإخوة اللى مش بيبخلوا بنصيحتهم
بس كنت عاوز أسأل حد عمل الخطوة دى قبل كده يقولنا تجربتة ناجحة و لا بلاش
يكون نقل من القديم الشعبى (لادا و فيات و أخواتهم) على ماروتى الفينات و هل حس بفرق و هل للأفضل و لا "القديمة تحلا و لو كانت وحله" ؟

موضوع مفيد