عزم العربية قل فجأة

السلام عليكم .. انا معايا عربية هيونداي اكسنت موديل 2000 سعة 1500 CC .. اشتريتها من شهر وفيها عيب هيجنني .. العربية عزمها ضعيف اروح احطها علي الجهاز يقولي في اخطاء بس من فك فيش الحساسات ويمسحها وامشي بيها شوية وماتسجلش اخطاء .. وسحبها بقي مظبوط بس وانا بجيب اول وتاني الاقيها بتنط نطة جامدة كأني بشيل رجلي من ع الدبرياج مرة واحدة وانا مش بعمل كده !!! .. المهم وانا ماشي امبارح ع المحور ف حته زي ما تكون مطلع كوبري كده وكنت ماشي علي 130 لقيت مرة واحدة مؤشر السرعة بينزل والعربية سرعتها قلت وسحبها ضعف زي الاول وبقت تقيلة جدااااا وساعات لما بقرص عليها واجيب سرعة عالية الاقيها عمالة تترجرج .. وبرضه لسه بتنط النطة الجامدة دي وانا مدي اول وتاني .. مع العلم اني غيرت موبينة وبوجيهات وطقم سلك وحساس كرنك وجربت ايرماس تاني كل ده ف الاول قبل ما احطها ع الاسكانر لما كان سحبها ضعيف .. اعمل ايه يا جدعان عشان انا اعصابي تعبت ؟ !!!! :Copy of majd(4):

طيب صوت العربية بيعلى لما بتتخنق فى السحب ولا لأ ؟؟؟

اه صوتها بيعلي وروحت النهاردة حطتها ع الجهاز قالي حساس idle speed controler اللي فيه مسمار بيزود وينقص الاكسجين بايظ .. وقالي ان نسبة الاكسجين قليلة وده عامل شرقان للعربية.. هل الكلام ده صح ؟
وانا سألت عليه جديد مش لاقيه خااااااااالص ونزلت الوكالة مش لاقيه استيراد وهروح الحرفيين بكرة مش عارف لو ملقتوش اعمل ايه ؟ :Copy of majd(4):

سؤالى كان فى اتجاة تانى خالص

انا كان قصدى ان العربية لما بتتخنق وانت ماشى وهيا واخدة غيار اكيد انت بتزود بنزين عشان تعوض الخنقة فهل فى الحالة دى صوتها بيعلى ومفيش سحب وهيا واخدة غيار ......لو الاجابة نعم يبقى مشكلة فى الاسطوانة والديسك

لكن بما نك جاوبت فى اتجاة تانى فهقولك ان حساس الايدل بيتنضف عادى جدا وعشان انا مش لاقى مواضيع لتنضيف حساس عربيتك فانا هحط لك رابط موضوع لتنضيف حساس الايدل بتاع لانوس وانت ممكن تطبق نفس الكلام على عربيتك

http://www.nilemotors.net/Nile/103773-a.html

الايدل نضفته .. لكن المشكلة اللي قالي عليها مش في الايدل هو في حاجة راكبة بدل حساس الماب مش متوصلة بالمنافول .. لما روحت اجيب زيها قالولي دي بتاعة الكربراتير وعربيتك انجكشن .. تقريبا كانت زمان كاربراتير ونزلها مكنة انجكشن وسابو البتاع ده اللي بيزود الهوا وينقصه يدوي .. المهم ادوني بداله حساس ماب قالولي ده هيركب عليها ومعاه خرطوم بيتوصل للمنافول .. اما اشوف هاخد واروح للميكانيكي اما اشوف اخرتها :Copy of majd(4):

ربنا يوفقك وبلغنا بالنتيجة

الفيشة بتاعة حساس الصدر ب تلاتة سلوك . .السلك اللي ف النص كان مفصول ( معرفش اللي اشتريتها منه كان فاصله بمزاجه ولا اتقطع ) المهم روحت لكهربائي ركبلي السلكة دي .. المهم العربية كانت بتقرأ علي الجهاز الاكسجين فيها 450 .. دلوقتي بعد ما ركبت الفيشة بقت بتقرأ اكسجين من 0 ل 5 بس .. ومفيش اكتر من كده .. ومش عارف ايه اللي حصل .. وطبعا ركبت البديل اللي قلتلك عليه نفس القراءات .. والميكانيكي قالي كده العربية مخنوقة وشرقانة والسحب هيفضل قليل .. وقالي اروح لواحد تاني بس لسه ماروحتش .. بالله عليكم انا تعبت حد يقولي اعمل ايه او اروح لمين ومش مهم المصاريف المهم تتظبط :(