السلام عليكم و رحمة الله

الطب مهنية انسانية قبل اى شىء .. و اليوم انا طلب المساعدة منكم فى تحقيق الوارد ادناه

1- عمل xls sheet يحتوى المعلومات الاتية
اولا: الزيارات الاعتيادية للاطباء بمعنى طبيب الاسنان مثلا اللى اعرفه ان المفروض فى كشف دورى كل 6 اشهر . طبيب العيون كل قد ايه؟.. الكبد و الجهاز الهضمى؟؟ العظام؟؟ وهكذا...
وهل الموضوع مرتبط بالسن؟؟ يعنى المفروض مثلا حتى سن 20 سنة الكشف الدورى للاسنان كل 6 اشهر بعد ال 20 يبقى كل 4 اشهر؟؟
ولو اضفنا كمان التحاليل المطلوبة او الاشعة يكون افضل

مثال تطبيقى غير حقيقى

العيون
من 0-4 سنين
كشف نظر كل سنة
من 4-30
كشف نظر كل سنة
اشعة سمك قرنية كل 3 سنين
من 40 - 50
كشف نظر كل سنة
اشعة OTC كل 6 اشهر

ثانيا
الامراض المنتشرة مع العمر
بمعنى
سرطان البروستاتا منتشر بعد سن ال 50 بنسبة 40%
الجلوكوما منتشرة بعد سن ال40 بنسبة 20%
وهكذا

كدا ممكن نساعد الناس فى التشخيص المبكر للامراض و المتابعة


2- للاطباء فى عيادتهم
حاليا معظم الاطباء عندهم برامج للمرضى تسجيل - حجز - وهكذا
المقترح عمل Follow up program ودا فكرته بسيطة .المريض عنده حالة معينة مرضية بتتطور و المفروض الطبيب يشوف تطور الحالة بعد علاج معين بعد مدة 3 اشهر مثلا. يضاف المريض الى البرنامج بعد 3 اشهر و يكون فى تذكرة للموعد قبل الميعاد ب 3 ايام او اسبوع مثلا .. تقوم العيادة بالاتصال بالمريض وتذكرته.
الموضوع ممكن يتم عن طريق دمج البرنامج لبرنامج العيادة عن طريق المطور .. ومن الممكن ان يكون منفصلا.

جزى الله خيرا كل من سيساهم فى هذا المشروع
برجاء جميع البيانات عن طريق الاطباء فقط .. وذلك لدقة المعلومات .

برجاء عدم النقل لهذا الموضوع او المشروع او الا ستخدام التجارى.