السلام عليكم
بقالي شهرين فكرة السوند سيستم ضاربة ف دماغي وقررت انهارد انزل اشتري بازوكا
انا ف نيتي اوصل البازوكا بس على الجي ام

تنصحوني ب JBL 1000W ولا بايونيير 1300W

الي هيخليني اشتري الحاجة انهارده اني لقيت قدامي جي ام 640 سيمفوني سعره حلو مستعمل

فعايز رأيكم ازاي اشيك على الجي ام واتاكد ان مش معيوب

وبالنسبة للعربية عندي في سؤال محيرني انا عندي كاسيت النيسان الاصلي بتاع العربية هل هينفع يتوصل على الجي ام والبازوكا لأن بصراحة الميزانية متسمحش اني اجيب كاسيت انا عندي اربع سماعات بتوع العربية ال ستوك شغالين زي الفل بصراحة وبعلي الصوت على الاخر ومفيش خروشة

ف انا دلوقتي هعمل ايه عشان احترت هل ينفع اوصل الجي ام بوصلة AUX واشغل من ع الموبايل على طول وبكدا ابقي فصلت البازوكا عن الكاسيت ولا لازم الجي ام يركب على كاسيت ؟

وهل الجي ام ال 640 4 تشانل لو ركبت عليه البزوكا ينفع اركب عليه سماعات العربية الأستوك ولا هيضربوا !! وهل الجي ام هيشلهم !!

معلش طولت عليكم بس محتاج رأيكم بجد لاني محتار

وشكرا