انا قدمت مدرسة سواقة وروحت علشان امتحن سواقة علشان اطلع رخصة قيادة خاصة فالظابط حولنى
قومسيون عيون بس للاسف عينى الشمال ضعيفة جدا جدا انما اليمين 6/6 بحمد الله فكنت عاوز اعرف
شكل الكشف بيبئا ازاى وظروفه ايه لو حد عنده فكرة ومعادى يوم الثلاث اللى جاى وانا قلقان بصراحة
هو كتبللى على الورق بتاعى بالاحمر قومسيون عيون واتحدد ليا ميعاد يوم الثلاث
هو محدش بيرد فى المنتدى ليه ؟؟؟؟
انت بتلبس نضاره؟
لو اه اظن بتكشف بيها فى القومسيون عشان يتاكد انك بيها كويس
لو مبتلبسش يبقى تعمل نضاره
هتروح تعمل الكشف بالنظارة وهيتكتبلك ف رخصة القيادة نظارة طبية فقط لا غير الموضوع ميقلقش
الف شكر لردكم ياجماعة بس المشكلة ان عينى الشمال دى ضعيفة جدا لدرجة مينفعش ليها نظارة انا بس عاوز اعرف الكشف بيتعمل ازاى فتحات فوق وتحت وكدا ولا كمبيوتر ؟
لو نظرك ضعيف و مينفعش نضاره يبقى حرام تسوق هتاذى الناس
مش ضعيف انا الحمد لله بشوف كويس جدا وبسوق كويس جدا العربية من ساعة ما اشتريتها والحمد لله وربنا الحافظ محصلهاش خدش واحد ولا اذيت اى حد بالعكس المشكلة انى عينى اليمين 6/6 والشمال هى اللى ضعيفة جدا وكنت خايف القومسيون يطلعنى غير لائق بس الحمد لله النتيجة طلعت لائق للسواقة الخاصة بس الظابط اللى فى وحدة المرور اللى انا تابع ليها مش عاوز اقول رخم علشان ميبئاش حرام عليا بس هو متشدد اوى اوى وبيدقق على حاجات هايفة جدا حتى فى فحص العربيات وترخيصها تصور واحد عربيته مفيهاش غلطة بس فيها حكة بسيطة جدا خربوش انت متشوفوش إلا لو دققت النظر من قريب رجع العربية واداله شهر يصلحه ويرجع
المهم انى الحمد لله طلعت لائق ايه المفروض اعمله بعد كدا هما قالولى هتمتحن اشارات وبعد اختبار سواقة وبعد كدا الرخصة ولا فى حاجة تانى وايه المفروض اعمله فى الاشارت ؟؟؟
الحمد لله ياجماعة انا امتحنت السواقة حرف اس انهاردة ونجحت الحمد لله ويوم السبت عاوزين شهادة المؤهل وهخلص باقى الورق المطلوب واخد الرخصة بأمر الله تعالى
الحمد لله تعالى انا اخدت الرخصة النهاردة وبدون اى واسطة الحمد لله كله رسمى