كلمه و لازم اقولها

**Bassem Youssef** · 15-02-2015 11:47 PM

استاذ فريد

بدعي ربنا ان حضرتك تفضل في مصر طول عمرك انت و اولادك و احفادك و تستمتعوا بالنهضه و التقدم و الرقي و الاخلاق الحسنه اللي بقوا زي الرز في البلد

احنا اه احسن من سوريا و العراق و فلسطين بس لو فضلنا نقول كده هنبقي "اسوأ" منهم بسنين ضوئيه قريب اوي و بكره افكرك

لما ماليزيا اتطورت مقالتش الحمد لله احنا احسن من بلاد الواق واق و فيتنام ... مقالوش تحيا ماليزيا و الجيش الماليزي خط احمر و افرم يا مهاتير يا محمد و الكلام الغريب ده

علي الجانب الاخر

ربنا ينتقم من اللي عمال يخرب في البلد و شغال تفجير و حرق و حدف مولتوف و تدمير في الاقتصاد

ربنا يخرجنا منها علي خير عن قريب

**FAR!D** · 15-02-2015 11:48 PM

فاكرين المواضيع الهادفه اللي تزامنت مع اشاعات ضرب ليبيا بالطيران المصري و ان شهداء كمين الفرافره استشهدوا في ليبيا؟؟
كيف الحال دلوقتي ؟؟ ياتري باه كان يتدخل الجيش هناك و ينقذ المصريين ضحايا داعش القذره و اللي لسه محتجزيين؟ ولا يحترم سيادة دوله افتراضيه مش موجوده الا على الخريطه وهي ليبيا ؟؟
ها ايه رأيك في اليك اللي عايزين يحبسوا مصر فيه
عرفتم باه اننا مش محتاجين نرد على دواعش الخارج كفايه علينا اسكات دواعش الداخل
كميه استفزازات على اغراءات للتدخل العسكري في ليبيا بلا حدود و طبعا لتخفيف الضغط عن سيناء و كلاب المقدس و نشغل شريط ليبيا المغتصبه و تطل علينا امريكا و حلفائها بقلبها الكبير المدافع عن ليبيا ضد التدخل المصري السافر في شئون دوله اخرى
شاوروا على دوله في العالم كده النار محيطه بيها من كافه الاتجاهات و لسه صامده و ستظل صامده باذن الواحد الاحد
و مننساش طبعا الحوثي الجن اللي لوح لغلق مضيق المندب

**FAR!D** · 15-02-2015 11:52 PM

استاذ باسم تحياتي
لكن كونها صامده ده انجاز واعجاز و تدبير من الله مش من حد
مقولتش نربع و نقول كده كفايه لكن بقول نبص حوالينا و نحمد الله لوجود ناس جاحده مدفوعه باحقاد و اغراض متنوعه بتحاول تثبت ان التفكك هو الحل زي باقي دول الخريف العربي

**Mohab.Nabil** · 16-02-2015 12:17 AM

المشاركة الأصلية كتبت بواسطة Curbis

مظنش برضو ان الماليزيين وقتها لما كانوا متخلفين كانوا بيسخروا من نفسهم ويشتموا بلدهم أو بيعملوا جلد ذات زي اللي المصريين بيعملوه دلوقت

الماليزيين اشتغلوا بجد ومن غير مقابل لغاية لما بنوا البلد وبقى في عائد ونهضة عادت على الجميع

اعمل زي ماليزيا وبعدين كلمني عن ماليزيا

انما احنا بنقول ان احنا أحسن من سوريا وليبيا واليمن والعراق عشان انتا عملت كل حاجة عشان تكون زيهم

عملت ثورة زيهم... كنت بتقول "يسقط حكم العسكر" زيهم... كنت عاوز تهدم الداخلية زيهم.... كنت عاوز تقسم الجيش زيهم... كنت عاوز تعدم مبارك وأسرته وتهد النظام زي ما أعدمت القذافي وأسرته وهدمت النظام... كنت تعمل محاكم ثورية وتحاكم كل اللي ضدك... زي ما عملوا محاكم ثورية وأعدموا كل اللي ضدهم.... كنت عاوز "رئيس شاب مدني" زي الشاب دكتور السنان اللي بيحكم سوريا... أو المحامي اللي بيحكم العراق... أو بياع التبغ اللي بيحكم اليمن...أو المستشار اللي كان بيحكم ليبيا ... أو دكتور البهايم اللي كانوا عاوزينه يحكم مصر... كنت عاوز الدقنجية يحكموا مصر... زي مالدقنجية بيحكموا الدول دي كلها

نزلت واتظاهرت وحاربت ومت في سبيل مبادئك اللي انتا طبقتها بنجاح في ليبيا وسوريا والعراق واليمن وغيرها

عشان كده لما حضرتك فشلت في مصر وفشلت ثورتك قلنا "الحمد لله احنا أحسن من سوريا وليبيا والعراق"!!!!

lol

على فكرة هو دكتور مهاتير محمد مش اللواء مهاتير محمد

**FAR!D** · 16-02-2015 12:21 AM

حاجه بسيطه للغايه
اتحدي ان فيه ناس وسطينا هنا في المنتدى فرحانه في ال21 ضحيه قتلى الارهاب الداعشي بدعوه انهم كفار والخ و بيساندوا داعش في كل خطواتهم في قريره نفسهم
مطلبتش من حد انكار او اثبات و ما اتهمتش حد بعينه بس خلي كل واحد عارف نفسه
دواعش الداخل اخطر من الخارج

**Mohab.Nabil** · 16-02-2015 12:28 AM

المشاركة الأصلية كتبت بواسطة far!d

حاجه بسيطه للغايه
اتحدي ان فيه ناس وسطينا هنا في المنتدى فرحانه في ال21 ضحيه قتلى الارهاب الداعشي بدعوه انهم كفار والخ و بيساندوا داعش في كل خطواتهم في قريره نفسهم
مطلبتش من حد انكار او اثبات و ما اتهمتش حد بعينه بس خلي كل واحد عارف نفسه
دواعش الداخل اخطر من الخارج

اى شخص يفرح فى موت شخص برىء من غير اى ذنب باختلاف ديانته او جنسيته او انتمائه يبقى شخص غير سوى و محتاج يراجع نفسه الف مرة

و مفيش اى دين او اى اخلاق بتدعوا لقتل الابرياء

**MTAK** · 16-02-2015 12:32 AM

بحكم طبيعه عملي احتكيت بناس كانت عايشه جوا العراق الى وقتنا هذا

ابسط كلمه قيلت لى

اليوم اللى نسمع ان لم يمت الا 70-80 فرد يبقى يوم كويس و عادى

و لما اقولهم الناس بتتريق على جمله احسن من سوريا و العراق

يقولوا خلوهم يروحوا و يجربوا و يعرفوا معنى الكلمه

كل واحد عامل دكر لامؤاخذه و لو اتضربت جنبيه دفعه رشاش فى فرح بلدى هايهر و قلبه يبقى فى رجله

------------------

يا ريت الناس تقرأ المقاله دى كويس

على فكره كاتبها فلسطينى مهاجر الى كندا منذ سنوات قليله

ورطوك يا وطني | حسين يونس