عرض للطباعة
في كلام ان النهارده نزل خصم جديد على السينترا عشان يكون الخصم على العربيه 10.000 جنيه بدل من 5.000 جنيه
يعني اول فئه هتبقى بـ 155.000 جنيه بدل 165.000 جنيه
وتاني فئه هتكون بـ 165.000 جنيه بدل من 175.000 جنيه
هل بعد الخصم ده العربيه دي ممكن تبيع ويبقى لها مكان في السوق ولا لأ ؟؟؟؟؟
أعتقد ان مشكله العربيه دي في التكيف البكر اللي نازل فيها ولو نزلت بالتكييف التاتش ممكن الناس تبدأ تعجب بيها ويبقاليها مكان وخاصه بعد الاسعار الجديدة
إيه رايكم ؟؟؟؟
ممكن سؤال بيحيرنى .... هو السنترا تقفيل مصرى ؟
انا معاك العربيه مشكلتها في التكييف البكر لكن المشكله ليست في النيسان كعربيه المشكله في التوكيل من صيانه و قطع غيار مضروبه احيانا (حصل معايا في المساعدين ) على العموم التيدا شكلها احلى بكثير غلى فكرة السينترا تايلاندي على ما اعتقد
المشكلة أن العربية فقيرة اوى من جوة بالرغم من الكبر والمساحة دى كلها مع شكل تايلور عقيم ومفتاح تكييف مضى علية الزمن وشكلة مبوظ التابلو بالمقارنة بالكورى اتفرج على السيراتو والكروز والريو والالنترا شوف الصالون عامل ازاى وحتى الصينى مفتاح التكييف يجنن والعربية تايلاند مش يابانى يعنى المفروض تنزل أحلى من كدة والدليل كمان كورولا 2013 شوف كانت ازاى وكورولا 2015 الجديدة حاجة تانية خالص جوة وبرة وعلشان كدة مصر هاجمت عليها ولكن السنترا مبيعاتها حتفضل ضعيفة وخصوصا لو بالسعر دة فى بدائل حلوة وشكلها حلو دة النيو صينى أحلى منها وبالأخص السوبر صالون مفتاح التكييف ديجيتال وأرخص فى السعر
السنترا تايلاندياقتباس:
المشاركة الأصلية كتبت بواسطة ahmedamgad18
للأسف انا ركبت اعلي فئه فى التوكيل وفقيره جدآ من الداخلدى لو فيها شوية كماليات كانت اكتسحت ﻷن بالحجم ده ويابانى وشكل جديد تكسب وبمقارنة بالمثيل من سيراتو وكرولا وايلانترا بالنسبه للسنترا فى الكماليات كأنهم bmw والناس حاليآ بتسأل على كل كماليه لوحدها يعنى البلوتوث اصبح كماليه والسينسور والزينون الخ اعتقد الوكيل كان نزلها بكماليات بدل ما يرخصها ﻷن سبب عدم البيع قلة الامكانيات مش السعر
هي بتنزل الفئه دي في الخليج وبتبيع.العربيه فيها ستارت انجين وكي ليس انتري وفوانيس ليدات وطاره ملتي وسنسور خلفي كمالياتها تساوي اللانسر الشارك الهايلاين مع زياده الليدات في الفوانيس.الخامات عاليه والوسع عالي اما التكييف اللي ببكر.فيه تكييفات تاتش مش بتيجي نص اداؤه.اعلى تكييف بالاضافه لفتحات خلفيه.خامات الفرش عاليه والكراسي مريحه بزياده.وسع الشنطه مالوش حل وكمان اتساع الصالون الكبير.اما العزل فافتح العربيه وشوف اهتمام المصنع بالعزل قد ايه العربيه عزلها عالي جدا جدا.فيتيس وموتور الجوك والقشقاي والفلوانس.فيه خاصيه sport بتخلي العربيه طلقه الحقيقه.اتزان رائع وفرامل استجابتها عاليه جدا تطمنك.العربيه حتبيع وحتنتشر بالتدريج وخليكو فاكرين الياريس عملت ايه في الاول.الكلام طبعا على انهم حيقفلوها في مصر من السنه الجايه واكيد الخامات الغاليه دي حتقل جدا.اما البلوتوث والجي بي اس من الشهر الجاي حيركب في التوكيل والعربيه مجهزه بالمايك بتاعه.الكلام ده كله طبعا عن فئه الهايلاين
نيسان اعلنت عن العرض على السنترا بشكل رسمي من شويه
رايكم ايه بقى يا شباب هل العربيه دي ممكن تبيع ولا ايه ؟؟؟
مشكلة السوق بتاعنا ان لما عربيه بتنزل غاليه ومابتبيعش في الأول ، صعب جدا تنتشر بعد كدا حتى لو رخصت ، ودا حصل في عربيات كتير
لو خلينا الكلام دا على جنب وفكرنا مثلا اللى يفكر في السنترا اللى ب 165 ممكن يجيب ايه بدالها ؟ اعتقد ان المعظم هايفضل عليها الفلوونس المتجربه والمنتشره الفتره اللى فاتت وعليها تخفيض هي كمان وطبعا أشيك وأحلى وبنفس الفتيس والموتور والتقفيل تركى مش تايلاندى يبقى هايختار مين ؟
دا غير البدائيل التانيه اللى ليهم محبينهم زى النترا وسيراتو وكروز
اعتقد الوكيل المفروض ينزل التكييف التاتش زي التيدا لأن بيخلي شكل العربيه احلى كتييير وده ممكن يزود شويه في المبيعات
ويحاول يثبت السعر بتاع الخصم ده فتره طويله عشان تبدأ تبيع شويه ويبقالها سوق
غير اني حاسس ان الوكيل محتاج يركز شويه الدعايا على السنترا والتيدا بشكل اكبر عشان الناس تبدأ تتعرف عليها أكتر من كده
أنا شايف إمكانيات السنترا من اجمل الإمكانيات في السعر ده بالاضافة الي مراعاه سعر أعاده البيع و الأداء المتميز علي الأقل لمده خمس سنين بعد الشراء و الفليونس عربيه ممتازة بس قطع الغيار و سعر أعاده البيع بالاضافة الي تكاليف الصيانه المرتفعة قللت انتشارها
مساء الخير انا شايف سنترا بدأت تتشاف انا شوفت اربعه النهارده في الجيزه
أنا برضوا بدأت أشوفها هي والتيدااقتباس:
المشاركة الأصلية كتبت بواسطة eeee123
بس لو الوكيل اشتغل على العربيتين دول شويه أكتر ممكن يحققوا مبيعات أعلى كتيير عن كده
اقتباس:
المشاركة الأصلية كتبت بواسطة mhkorayem
الناس اللي راحت معرض اوتوماك فورميلا
ايه الاخبار وهل العرض على السنترا لسه موجود ولا انتهى ؟؟
العرض موجود حتى نهايه المعرض واعتقد حيتمد بعديها لحد اخر الشهر
طيب متعرفش بقى سعر الكيا السييد اللي نازله جديد كاماقتباس:
المشاركة الأصلية كتبت بواسطة dreslam
واسعار موديلات اوبل الجديده ايه ؟؟؟؟
السعر دة بقى تقريبا الرسمى خلاص مش عرض امبارح سالت عليها وقالى على هاى لاين ب 165 ومقالش عرض لو كان كده كان قال عشان يلحق يبعلى
فيها فتيس اكس ترونيك cvt .. عدد نقلات لا نهائى .. موفر للبنزين ( cvt بيوفر اكتر حتى من المانيوال )
و برضه اعتقد الفتيس اكس ترونيك cvt .. بيكون صوت الموتور عالى على السرعات الكبيره ( بصفه عامه ) .. و لكن غير متأكد من المعلومه
يا جماعة سؤال من فضلكم
انا كنت قررت اشتري لانسر شارك... و رجعت افكر تاني بعد ما سمعت عن السنترا.... ايه رأيكم دام فضلكم؟
الشارك جميله ...لكن انا اخترت السنترا عشان الوسع والشنطه الكبيره جدا وجوده الخامات الواضحه وقوه التكييف وبساقتباس:
المشاركة الأصلية كتبت بواسطة abu_adam
يعني هي خاماتها أفضل من الشارك بكتيراقتباس:
المشاركة الأصلية كتبت بواسطة dreslam
حضرتك شوف وقارن لان دي مساله اذواق مقلتش ان خامات الشارك قليله...بس فيه حاجات معينه تهتم بيها في قعده العربيه نفسها وفيه ناس تانيه مبيهمهاش الحاجات دي لكن بكل المقاييس الوسع وحجم الشنطه وقوه التكييف كانت نقاط اساسيه جدا حتى قبل الخاماتاقتباس:
المشاركة الأصلية كتبت بواسطة abu_adam
dreslam اجكيلى عن stability بتاع العربيه دى انا خايف منوا
انا كمان كنت مقرر شارك عرفت السنتر وروحت اتفرجت عليها امبارح وهمممممممم بغض النظر عن التكييف البكر طبعا والبطاريه السايله بس اجمالا ممتازه فى راى
انا خايف بس من stability بتاعها وقطع غيرها وصياتها يعنى ال1000 بكام و 10000
ياريت يكون ده بقى سعرها أو حتى ترخص شويه كماناقتباس:
المشاركة الأصلية كتبت بواسطة waleedelpiloot
لحسن اسعار العربيات دلوقتي بقت نار النار بصراحه
الستابيليتي زي الفل ومواصفات الامان كويسه جدا واختبارات الامان الامريكيه ممتازه واحسن من عربيات كتير في السوق بتاعنا كمان...وفي الخليج سمعتها عاليه والله وعامله شغل عالي جدا
عملت كام كيلو بيها كده وصياناتها بكااااام يا dresalm
عملت 1200 كيلو واول صيانه في الالف مصنعيات مجانيه وغيرت زيت وفلتر وبتاع دفعت حوالي 400 عملتها في صيانه مرعي اسكندريه..هي صياناتها زي ماشفت في الجدول حنينه مش غاليه وقطع غيارها متوفره مش متذكر اسعار بس لاقيتها عاديه يعني
السلام عليكماقتباس:
المشاركة الأصلية كتبت بواسطة dreslam
لو قدرت تجيب لنا جدول الصيانة بالاسعار يبقي جزاك الله خير
الشارك عربيه محترمه برضوا اوي بس قطع غيار اللانسر ناااااااااااااااااراقتباس:
المشاركة الأصلية كتبت بواسطة abu_adam
بس هو عموماً في رنج السعر ده افضل الاختيارات
السنترا والتيدا والفلوونس والشارك
اي واحده فيهم هتبقى كويسه ان شاء الله
المهم انت هترتاح لمين فيهم