قزاز البيرسونا اتكسر!!

**amr saad** · 16-02-2015 12:19 AM

السلام عليكم
ازيكم يا شباب المنتدى يارب تكونوا في أحسن حال
باختصار الحمد لله النهارده واحد ابن حلال او ابن حرام مش متاكد كسر قزاز العربيه ورا يمين عشان كنت سايب شنطه ظهر فيها غيار رياضه وهو كان فاكر فيها اتنين كيلو دهب تقريبا الحمد لله على كل حال..المهم انا سايب العربيه تحت متغطيه مش عارف اذا كانت البيرسونا كمان في كتالوج السرقات ولا ﻷ ربنا يستر, سؤالي هنا لو حد ليه خبره او اتعامل مع حد بتاع قزاز قبل كده يا ريت يفيدني اروح فين, وهل في قزاز اصلي موجود في السوق اللي عليه علامة بروتون؟؟ والتكلفه هتخش ف كام تقريبا, ملحوظه الازاز بس اللي اتكسر الهوايات زي ماهي ومن غير فيميه ازا كانت المعلومه دي هتفرق ف حاجه وشاكر ليكم جدا

**bluemail** · 16-02-2015 06:40 AM

عليكم السلام
ربنا ينتقم من كل واحد بيخرب في حاجه الناس
معلش ربنا يعوض عليك والحمد لله انها جت في حاجه بسيطه
الازاز هتلاقيه في التوفيقيه او في الحرفيين وهتلاقيه سعره في حدود 150 جنيه تقريبا
في مصنع في العاشر اسمه دكتور جريش عنده ازاز زي بتاع التوكيل بالظبط
وسعره بيكون قليل جدا
لو تقدر تعمل مشوار للعاشر
لو ظروفك ما تسمحش يبقي اتوكل على الله هتلاقي في التوفيقيه او في الحرفيين
وربنا يعينك