القزاز اتكسر ارجوا الافاده قبل مالعربيه تتاخد!!

السلام عليكم
ازيكم يا شباب المنتدى يارب تكونوا في أحسن حال
باختصار الحمد لله النهارده واحد ابن حلال او ابن حرام مش متاكد كسر قزاز العربيه ورا يمين عشان كنت سايب شنطه ظهر فيها غيار رياضه وهو كان فاكر فيها اتنين كيلو دهب تقريبا الحمد لله على كل حال..المهم انا سايب العربيه تحت متغطيه مش عارف اذا كانت البيرسونا كمان في كتالوج السرقات ولا ﻷ ربنا يستر, سؤالي هنا لو حد ليه خبره او اتعامل مع حد بتاع قزاز قبل كده يا ريت يفيدني اروح فين, وهل في قزاز اصلي موجود في السوق اللي عليه علامة بروتون؟؟ والتكلفه هتخش ف كام تقريبا, ملحوظه الازاز بس اللي اتكسر الهوايات زي ماهي ومن غير فيميه ازا كانت المعلومه دي هتفرق ف حاجه وشاكر ليكم جدا
العربيه بروتون بيرسونا

حضرتك لو الهوايه الازاز اللي اتكسرت ف الموقف دا حصل معايا قبل كدا والعربيه اتسرق منها حاجات بحوالي 5000 جنيه الحمد لله وغيرت الهواية دي ب حوالي 80 جنيه عند واحد بتاع ازاز ف اسكندريه لكن لو الازاز الكامل بتاع الباب اللي ورا مش عارف والله بس هيبقا ف حدود يعني 200 جنيه مثلا ربنا يحفظهالك ويكفيك شر الحراميه

قدامك
زجاج اصلى من التوكيل والمراكز المعتمدة وده اغلى حاجة
زجاج جريش او امان
وده ممكن تسالهم بالتليفون لان ليهم مراكز خدمة للتركيب او يدلوك على تاجر عنده زجاجك
او تدخل على موقعهم على النت
او محل زجاج عادى وتدور عليه عندهم
واعمل بحث فى المنتدى علشان تشوف حد كويس

انا كان عندي عربيه اسمها دايو تيكو، شاذه مش موجوده و الناس ما تعرفهاش، المهم في محل اسمه الثلاثي مشهور انه عنده معظم العربيات، جبت منه زجاج الباب بتاع السائق ب 125 جنيه من 5 سنين. المحل آخر شارع بورسعيد ما تطلعش كوبري السواح، هيخليك يمين المطلع و هو موجود على يمينك و واخد ناصيه دخول عزبه شلبي