حد يرد عليا يا ناس

**hossam elbaz** · 16-02-2015 07:08 AM

تعبت من التفكير وانى ادخل ابص على مواصفات العربيات وعيوبها

كنت بفكر ف الشارك الهاى لاين .. نزلت اتفرج عليها لاقيت الرابيد الفئه التانيه جميله وعربيه المانى وكده يعنى عمر ومش هفكر ف قطع غيار الا بعد فتره
ادخل اعمل سيرش الاقى توليدو نفس الكلام بل اوبشنز اكتر ... انزل عشان اتفرج عليه الاقى الفلوانس e3 بتتحدث ...بقيت ماشى بكلم نفسى
حد يفيدنى بالله عليكم من حيث العمر والثبات والخامات وقطع الغيار

ياريت كل واحد يقولى لو مكانى هيشترى ايه وليه !!!

شكرا

**reda elgohary** · 16-02-2015 07:44 AM

أناشخصيا اول مرة إشتريت فيها عربية كنت مشتت ومش عارف أعمل ايه ، والحمد لله جبت فورد كا باب واحد والحمد لله غيرتها وجبت فورد مونديو 2000 ، وبعتها والآن بجمع فلوس الفورد فوكاس .
وربنا ييسر لك كل عسير .
بس نصيحة فيه حاجات ف العربيات مش هتعرفها الا لما تجرب بنفسك .

**bluemail** · 16-02-2015 09:04 AM

الشارك رقم 1
عربيه حافظه سعرها
قطع غيار متوفره جدا في كل حته
ثابته وشكلها شيك وزي الفل
الفلوانس رقم 2
بدات تننشر بس سعرها بينزل شويه لو حبيت تغير
قطع غيارها اقل انتشارا من الشارك
الرابيد رقم 3
طبعا الماني
بس العربيه لسه مانتشرتش
قطع غيارها هتبقي في التوكيل بس
سعر اعاده البيع لسه مش ظاهر لان العربيه لسه جديده
التوليدو اخيرا
وان كان افضل منها الابيزا منتشره اكتر

**M.Radwan** · 16-02-2015 09:47 AM

بص يا باشا:

أولا: الشارك والفلوانس ينفع تقارنهم مع بعض لأنهم فئة واحدة أعلى من الرابيد ومن أختها التوليدو وأوسع وأقيم وأفخم إلخ.
ثانيا: الفلوانس عربية جديدة وفخمة جدا مقارنة بالشارك..الشارك ولو إنها نازلة بسعر كويس جدا وعربية حلوة إلا إنها قديمة خارجيا وداخليا..النقطة الوحيدة اللي في صالح الشارك هي سعر إعادة البيع فقط أعلى حاجة بسيطة من الفلوانس. لو ركبت الفلوانس والشارك أعتقد هتميل للفلوانس فورا.

ثانيا: الرابيد والتوليدو هما نفس العربية، فئة الأكسنت أر بي والبيجو 301. في نظري هما أحسن من الأكسنت والبيجو لو هتجيب المانيوال بتاعهم..أما الفتيس الأوتو الـ DSG سمعته مش كويسة خالص زي ما انت عارف.

يبقى كده انت تستبعد آخر عربيتين من المعادلة دي وتركز على الفئة الأعلى وتختار ما بين الفلوانس والشارك فقط وربنا يوفقك

**طارق _عبد السلام** · 16-02-2015 05:28 PM

الفلوانس

**M.Radwan** · 16-02-2015 07:42 PM

المشاركة الأصلية كتبت بواسطة nagy wassef

توضيح بسيط
التوليدو و الرابيد فيتيس ستيبترونك عادى مش dsg

شكرا جزيلا علي التوضيح٬

**hossam elbaz** · 16-02-2015 08:10 PM

المشاركة الأصلية كتبت بواسطة nagy wassef

توضيح بسيط
التوليدو و الرابيد فيتيس ستيبترونك عادى مش dsg

طب استاذ ناجى انا عارف ان حضرتك معاك رابيد .. ممكن تفيدنى !! .. انا قرأت تقييم حضرتك

**hossam elbaz** · 16-02-2015 08:14 PM

المشاركة الأصلية كتبت بواسطة reda elgohary

أناشخصيا اول مرة إشتريت فيها عربية كنت مشتت ومش عارف أعمل ايه ، والحمد لله جبت فورد كا باب واحد والحمد لله غيرتها وجبت فورد مونديو 2000 ، وبعتها والآن بجمع فلوس الفورد فوكاس .
وربنا ييسر لك كل عسير .
بس نصيحة فيه حاجات ف العربيات مش هتعرفها الا لما تجرب بنفسك .

طب حضرتك كركيب فورد يعنى ... قطع غيارها اخبارها ايه ومتوفره!..وايه عيوبها

**hossam elbaz** · 16-02-2015 08:16 PM

المشاركة الأصلية كتبت بواسطة bluemail

الشارك رقم 1
عربيه حافظه سعرها
قطع غيار متوفره جدا في كل حته
ثابته وشكلها شيك وزي الفل
الفلوانس رقم 2
بدات تننشر بس سعرها بينزل شويه لو حبيت تغير
قطع غيارها اقل انتشارا من الشارك
الرابيد رقم 3
طبعا الماني
بس العربيه لسه مانتشرتش
قطع غيارها هتبقي في التوكيل بس
سعر اعاده البيع لسه مش ظاهر لان العربيه لسه جديده
التوليدو اخيرا
وان كان افضل منها الابيزا منتشره اكتر

شكرا لرد حضرتك

الموضوع: حد يرد عليا يا ناس

LinkBack

أدوات الموضوع

عرض

-

-

-

-

المواضيع المتشابهه

مطب علم عليا

طلع عليا بلطجيا ضربو عليا نار والعربية ادمرت لا حول ولا قوة الا بالله

معروض عليا الموتسكل ده بس مش عارف اذا كان مغلي عليا ولا لا

يا سيستاوية حنوا عليا و ردوا عليا لوجه الله

نكد عليا

الكلمات الدلالية لهذا الموضوع

المفضلات

المفضلات

ضوابط المشاركة