-
صيانة كالبرات الفرامل
الموضوع ببساطة هو عملية تنظيف للماستر من جوة... تحديدا الغرفة اللى بيبقى فيها زيت الباكم
http://i83.photobucket.com/albums/j3...psrxwijyse.jpg
مع الاستخدام و مرور الوقت بيتحوش وساخة جوة الماستر و غالبا دة بيحصل مع اهمال التغيير الدورى لزيت الفرامل و دة بياثر على اداء الماستر
اضافة لكدة ممكن بعض الاوساخ تتراكم بين البستم و الماستر نفسة من برة لو كاوتشة التراب مقطوهة او مخلوعة من مكانها و دة بيسبب تقل فى حركة ماستر العجل اللى بدورة بؤدى الى ان عجلة تقفش قبل التانية او ان الفرامل تقفش و تحجر
من المفيد برضة لما تجيب كالبر استيراد تعمل الحركة دى لان ممكن مع الركنة و عدم الاستخدام الماستر بيتقل و حركتة بتبقى صعبة
http://i83.photobucket.com/albums/j3...psu14cheor.jpg
كل المطلوب هو انك تخرج البستم من الماستر سواء بضغط الهوا او بربط مسمار طويل مكان لاكور خرطوم الفرامل... فى حالة الكالبر اللى فيه اكتر من بستم هيبقى الاسهل انك تسحب البستم بمفكين عادة
http://i83.photobucket.com/albums/j3...ps0pvykuo5.jpg
بعد ما تطلع البستم نضفة كويس من اى رواسب او وساخة بحيث يبقى بيلمع زى المراية... لو الماستر متاكل او مصدى او فيه حفر يبقى تالف و الكالبر مش هينفع يستخدم تانى
http://i83.photobucket.com/albums/j3...pszuorhr0z.jpg
فك كاوتشة التراب و نضف مكانها كويس عشان هتلاقى طن تراب فى الحتة دى... اتاكد ان كاوتشة التراب مش مقطوعة او مشققة
من جوة الكالبر فية اويل سيل كاوتش... طالعة بسن مفك عادة و خللى بالك لا يتقطع... نضف مكانة كويس جدا و تاكد ان مفيش اى وساخة او رواسب فى المجرى اللى بيقعد فيها
http://i83.photobucket.com/albums/j3...ps7pbinhje.jpg
ركب الاويل سيل تانى و حط علية شوية زيت باكم...
ركب كاوتشة التراب مكانها فى الكالبر...
غرق البستم زيت باكم و ركبة مكانة...
اتاكد ان البستم حر الحركة و مش محتاج ضغط شديد عشان يدخل او يخرج
ملحوظة: بعض المحلا بتاعت قطع الغيار بيبقى عندها service kit للكالبر عادتا بيبقى فيها الاويل سيل الكاوتش و كاوتشة التراب... و احيانا بيبقى فيها غطا لاكور الهوا او كاوتش صوابع الكالبر مع شحم... لو لاقيت الكيت دى يبقى الافضل تشتريها و تركب كل المكونات الجديدة مكان القديمة اللى فكيتها عشان تاخد نتايج احسن و مدة خدمة اطول من الكالبر بتاعك
http://static.camskill.co.uk/smsimg/...piston-603.jpg
MMamdouh
-
مع الشكر ................. تقرير هايل .
-
عود أحمد
شكرا يا كبير
كان نفسي أعمل الفكرة دي لما عدلت فرامل اللانوس بس كله قالي بلاش خليه بتقفيلة المصنع
-
فكك من الكلام دة... الكالبر مش اختراع عشان لما يتفك ميرجعش... امال الفتيس يتقال علية ايه؟؟؟
MMamdouh
-
الله ينور عليك يا هندسه
أنا بعمل كده فعلا وقابلني مشاكل أول مرتين بعد كده الموضوع بقى سهل
على فكره الw40 بيبوظ الأويل سيل أو الأستك وجلدة التراب بيخليهم يتمددوا ومقاسهم يكبر
Content Relevant URLs by
vBSEO 3.6.0 PL2