هل في فرق كبير بين السماعات الكينوود 400 وات و600 وات دابل بيز ويا ريت لو حد يعرف سعرهم
عرض للطباعة
هل في فرق كبير بين السماعات الكينوود 400 وات و600 وات دابل بيز ويا ريت لو حد يعرف سعرهم
اسعارهم ..
كينوود 400 وات دبل بيز بــ 670
كينوود 600 وات دبل بيز بــ 970
الفرق ما بينهم متابع مع حضرتك
الفرق بين السماعات ال 600 وات دبل بيز وال 400 وات الدبل بيز
ان ال 600 بتخرج 150 Rms اما ال 400 بتخرج 80 Rms
الصناعه للموديلين فيتنامى وطبعا مقاستهم برضو واحده 7*10
وطبعا فى فروق فى الوزن ال 600 وزنها اثقل واختلاف بسيط فى شكل السماعات
واختلاف فى محتويات وشكل الكارتونه
يعنى ال 600 مثلا بيبقه معاها علايات زياده عن ال 400
وبيبقه المغناطيس مغلف بالمطاط المحفور فيه كلمة Kenwood
والكويلات بتاعتها زى كويل الصبات اما ال 400 بتبقه مداخل عاديه كلبسات
ودى صور من عندى لان انا عندى الموديلين ال 600 وال 400
اول صورة للسماعات ال 600
http://nileup.com/up/uploads/nilemotors_14241256581.jpg
والصورة دى للسماعات ال 400
http://nileup.com/up/uploads/nilemotors_14241256582.jpg
يعني ال 400 دابل بيز زيها ي السماعات البايونير العادية؟ ال500 وات مثلاً.؟؟
لا طبعا!!!
الكينود ال 400 وات الدبل بيز اقوى فى البيز بكتير لان السماعات دى مقاسها اكبر من السماعات العادية لان مقاس السماعات العادية 6❌9 اما الدبل بيز مقاسها 7❌10
يعنى اكبر فى الحجم فطبعا الصوت بتاع البيز بيكون اعلى بكتير من السماعات العاديه
وكمان الرق بتاع السماعات الدبل بيبقه مصنوع من الكاربون فيبر يعنى الرق خاماته تقيله غير العادى
الأول شكراً جداً لحضرتك
بس دلوقتي لو أنا عندى سماعتين بايونير 500 وات وناوي أجيب سماعتين عليهم ومش هزود حاجة تاني غير كده في السماعات أخليني في أيه 600 ولا 400 في عربية لانوس؟؟ والأفضل أجيبهم من التوكيل ولا التوفيقية؟؟ والاسعار اللى فوق دي بتاعة التوكيل ولا في التوكيل بتكون سعرها أعلى شوية؟
شوف يا باشا
طبعا أفضل سماعات حاليا بدون نقاش هى السماعات
Kenwood Double Bass 600 KFC-HQR7100 طبعا ده الموديل بتاعها وصناعتها الاصليه فيتنامى مش اندونيسى ولا صينى
بس انت ممكن تعمل حاجه تانيه وهتبقه افضل بالنسبه ليك لو انت بتحب البيز يكون واضح
وده اقتراح كويس منى لو انت بتحب الآداء العالى نوعا ما
ممكن بدل ما تجيب سماعتين كينود دبل بيز سعرهم 1000 جنيه تقريبا
ممكن تجيبلك بازوكا بايونير 1300 وات ب 650 جنيه تقريبا وتجيب معاهم سماعتين كمان بايونير عاديين 500 وات ب 330 جنيه وكده انت فى نفس الرنج المادى لثمن السماعات والصوت عندك هيبقه افضل
بس اهم حاجه الجى امات اللى توصل عليها تكون مناسبه
يعنى ممكن جى ام سيمفونى 400 وات A2 للبازوكا وجى ام 500 وات A4 للسماعات
او ممكن جى ام سيمفونى 640 وات A4 وتوصل عليه الاربع سماعات على 2 تشانل والبازوكا على 2 تشانل بريدج
وتقفل البيز عن السماعات خالص وتفتح البيز على البازوكا بس والصوت هيبقه محترم جدا
بس اهم حاجه الاسلاك بتاعت التوصيل سواء السماعات او البازوكا وخصوصا اسلاك الكهرباء لازم تكون مش اقل من 6 مم شعر
وسلوك البازوكا تبقه مش اقل من 2 مم
وواحد فنى كويس يوصلك ويظبطلك الفلاتر بتاعت الجى ام وكده انت الصوت عندك هيبقه ممتاز
طبعاً شكراً لأقتراح حضرتك .. بس مشكلتى أني مش بحب البازوكا وفي نفس الوقت بستعمل شنطة العربية كتير .. فالحل عندي سماعتين ومحتار الصراحة بين ال 400 و ال 600 دابل بيز .. أنا كنت ناوي على ال 400 وتمام بس دلوقتي محتار جداً وبالنسبه للجي أم معايا سيمفوني 640 وات 4 شانل كوري .. وبالنسبة للبيز يفرق طبعاً معايا بس مش لدرجة البازوكا يعني صوت نظيف وبيز حلو