حوار مع مالك سيراتو 2015 بخصوص فلوانس 2015

السلام عليكم مالكي فلوانس الكرام
كنت عايز احكيلكم حوار دار بيني و بين واحد صاحبي معاه سيراتو 2015 و سمعت رأيه في الفلوانس 2015 و قالي انه كان عايز يجيبها بس التاجر بتاع المعرض قاله اوعى تجيبها دي هتتعبك و سعرها هينزل في اعادة البيع منتا عارف الفرنساوي مشاكله كتير و طبعا صاحبي اقتنع و قالي دي لو كانت حتى ب 100 الف بس مكنتش هاجبها ..... اقعدت افهم فيه ان مفيش وجه مقارنة بين العربيتين اصلا و في الاخر مسكلي في اعادة البيع .... و بصراحة مرغتش معاه في النقطة دي ... بس قولتله حتى لو تقيلة في البيع كفاية اني راكب عربية فخمة مش مع كل الناس و افضل سعر و امكانيات و الخ..... بس انا عندي سؤال هل بعد تغيير الماتور لليباني و ال cvt هتمسك سعر و لا هي اصلا ماسكة سعر من غير حاجة و انا معرفش و هل هي تصنيع كوري.
و اخيرا انا فخور و الحمد لله اني امتلك العربية دي و ربنا يباركلي فيها

اشترى دماغك و ما تدخلش ف النوع دا من المناقشات :)

لو كان الشعب ده بيفكر عدل , ماكنش بقى ده حالو
ربنا يباركلك فيها

ليه مفيش وجه مقارنة بين العربيتين ؟

هو شايف ان السيراتو احسن من الفلوانس .. فين المشكلة ؟

السيراتو لا تقارن بالمرة بالفلوانس
الفلوانس عربية محترمة و ثابتة و تستاهل فلوسها و تقارن بمثيلاتها الاوروبية
ايه اللى دخل السيراتو فى مقارنة مع العظماء خليها فى مستواها
:Copy of majd(4):

كل عربية تعرف حدودها
انا بتكلم على العربيات
بلاش بقة حد يزعل و يقعد يتنرفز
لان دى الحقيقة المرة

ما تدخلش فى مناقشة من النوع دا
قارنها بما تستحق يا رجل

اكيد سعر اعاده البيع هيتغير بعد الانتشار المحترم للفليوانس
وطبعا سعر العربيه معقول مقارنة بباقى العربيات فى نفس الفئة

ياباشا ادخل على بوست موجود هنا فى قسم الرينو , هاتلاقى واحد معروض عليه فلوينس عامله 100000 كم موديل 2010 , يعنى بنتكلم فى 5 سنين فاتوا ب 87000 جنيه اول فئه اوتوماتيك , يعنى فاضيه . كان سعرها 110000 جنيه فقط وقتها , و معروض عليه تويوتا كورولا موديل 2009 عامله 80000 كم ب 86000 جنيه , يبقا الفلوينس ماسكه سعرها و لا لأ ؟

اقتباس:

---

المشاركة الأصلية كتبت بواسطة yasser100

ياباشا ادخل على بوست موجود هنا فى قسم الرينو , هاتلاقى واحد معروض عليه فلوينس عامله 100000 كم موديل 2010 , يعنى بنتكلم فى 5 سنين فاتوا ب 87000 جنيه اول فئه اوتوماتيك , يعنى فاضيه . كان سعرها 110000 جنيه فقط وقتها , و معروض عليه تويوتا كورولا موديل 2009 عامله 80000 كم ب 86000 جنيه , يبقا الفلوينس ماسكه سعرها و لا لأ ؟

---

اخى العزيز
عندما تقارن ممكن تضع ولاتستخدم سياره ليس عليها خلاف اذا كنت تحب ضرب المثل بالسعر فممكن تستخدم سعر الكرولا 2006 او 2007 واللى سعرهم بيوصل الى 100000 - 120000 جنيها
مش التيوتا 2009 وكلنا عارفين المشكله بتاعه الفتيس mmt اللى بسببه ضرب سعر العربيه
وايضا كلنا عارفين الن الفكتر حتى 2008 سعرها نزل الارض بسبب الفتيس

اقتباس:

---

المشاركة الأصلية كتبت بواسطة sas5

اخى العزيز
عندما تقارن ممكن تضع ولاتستخدم سياره ليس عليها خلاف اذا كنت تحب ضرب المثل بالسعر فممكن تستخدم سعر الكرولا 2006 او 2007 واللى سعرهم بيوصل الى 100000 - 120000 جنيها
مش التيوتا 2009 وكلنا عارفين المشكله بتاعه الفتيس mmt اللى بسببه ضرب سعر العربيه
وايضا كلنا عارفين الن الفكتر حتى 2008 سعرها نزل الارض بسبب الفتيس

---

بعيد تماما عن اى ماركه , هل لما يكون سعر فلوينس 2010 , فئه اولى من 5 سنين سعرها كان 110000 جنيه و عامله 100000 كم يكون 87000 جنيه نهائى , كده ماسكه سعر و لا لأ ؟

اقتباس:

---

المشاركة الأصلية كتبت بواسطة yasser100

بعيد تماما عن اى ماركه , هل لما يكون سعر فلوينس 2010 , فئه اولى من 5 سنين سعرها كان 110000 جنيه و عامله 100000 كم يكون 87000 جنيه نهائى , كده ماسكه سعر و لا لأ ؟

---

رأيك موزون مفيش كلام


:018A1D~146:

ماسكة سعر و متبتة كمان

:satelite:

و عا الطريق الثبات بيبان
عربية موزونة عا الميزان

الفلوينس افضل بكثير من الكيا. . . و من وجهة نظرى اقل سعرا لان ما تاخذه من الفلوينس مقابل المال اكبر مما تاخذه من الكيا مقابل المال

انا شايف انك لو دخلت قسم الرينو هتلاقي الناس بتقول شعر في الفلوانس

ولو دخلت قسم الكيا هتلاقي الناس بتقول شعر في السيراتو

ولو دخلت قسم الميتسوبيشي هتلاقي الناس بتقول شعر في الشارك


وكل الاقسام بتضرب في بعض

لكن لو انا هقول رايي بدون تحيز وانا عندي اوبل فيكترا ووالدي عنده النترا وسقت الفلوانس 2014 كتيررررررر


بصراحه العربيات الاوروبي ركوبه من الاخر ومتعه في الثبات والعزل والراحه .. بس برده السيراتو والانترا فرق مواتير وسحب وشد وراحه كمان وكماليات بالهبل وكلها بتستخدم وبتفرق معايا

بس الفلوانس للاسف فيها حته الفتيس ال cvt دي اللي بتخلي الناس تتردد في شرائها
ولما بتحاول تشدبيها من وضع الثبات هتزعل في اغلب الاحيان
من الاخر لو الفلوانس نزلت بفتيس اوتو عادي 6 نقلات زي الكوري وفضلت بالسعر ده .. اراهن ان توكيل كيا وهيونداي هيحول النشاط ويبيع ذره مشوي

بس لحد الان السيراتو تقدر تشد مع اي عربيه حتي ولو بي ام

وانا عن نفسي ان شاء الله لو هشتري عربيه جديده هجيب السيراتو بدون اي تردد

لان من الاخر كده حوار اثبات ده بصراحه عايز واحد بيسافر كتير وبيجيب بالعربيه فوق140كيلو في الساعه لمسافات طويله
وانتوا عالرفين ان الطرقدلوقتي كلها رادارات واعلي طريق هو السخنه 120 سرعه قانوني

يبقي هستفيد بالثبات في ايه

مشكله السيراتو هي السعر المبالغ في بعض الشيئ

يا ريت تتقبلوا رايي بصدر رحب .. واللي ليه وجهه نظر معاكسه يوضحها بناء عن تجربه وبدون تحييز..

في الاول والاخر العربيات اللي ذكرتها كلها محترمه واللي بيشتري بيشوف ايه العربيه اللي هتوافق مع متطلباته ويتكل علي الله

اقتباس:

---

المشاركة الأصلية كتبت بواسطة medosalah

يبقي هستفيد بالثبات في ايه

---

الثبات مش على الطريق السريع فقط
فى عربيات بتتقلب من مطب أو من U-turn
وفى رأيي الثبات هو من أهم الاشياء اللى لازم الواحد يختار على اساسها

اقتباس:

---

المشاركة الأصلية كتبت بواسطة medosalah

انا شايف انك لو دخلت قسم الرينو هتلاقي الناس بتقول شعر في الفلوانس

ولو دخلت قسم الكيا هتلاقي الناس بتقول شعر في السيراتو

ولو دخلت قسم الميتسوبيشي هتلاقي الناس بتقول شعر في الشارك


وكل الاقسام بتضرب في بعض

لكن لو انا هقول رايي بدون تحيز وانا عندي اوبل فيكترا ووالدي عنده النترا وسقت الفلوانس 2014 كتيررررررر


بصراحه العربيات الاوروبي ركوبه من الاخر ومتعه في الثبات والعزل والراحه .. بس برده السيراتو والانترا فرق مواتير وسحب وشد وراحه كمان وكماليات بالهبل وكلها بتستخدم وبتفرق معايا

بس الفلوانس للاسف فيها حته الفتيس ال cvt دي اللي بتخلي الناس تتردد في شرائها
ولما بتحاول تشدبيها من وضع الثبات هتزعل في اغلب الاحيان
من الاخر لو الفلوانس نزلت بفتيس اوتو عادي 6 نقلات زي الكوري وفضلت بالسعر ده .. اراهن ان توكيل كيا وهيونداي هيحول النشاط ويبيع ذره مشوي

بس لحد الان السيراتو تقدر تشد مع اي عربيه حتي ولو بي ام

وانا عن نفسي ان شاء الله لو هشتري عربيه جديده هجيب السيراتو بدون اي تردد

لان من الاخر كده حوار اثبات ده بصراحه عايز واحد بيسافر كتير وبيجيب بالعربيه فوق140كيلو في الساعه لمسافات طويله
وانتوا عالرفين ان الطرقدلوقتي كلها رادارات واعلي طريق هو السخنه 120 سرعه قانوني

يبقي هستفيد بالثبات في ايه

مشكله السيراتو هي السعر المبالغ في بعض الشيئ

يا ريت تتقبلوا رايي بصدر رحب .. واللي ليه وجهه نظر معاكسه يوضحها بناء عن تجربه وبدون تحييز..

في الاول والاخر العربيات اللي ذكرتها كلها محترمه واللي بيشتري بيشوف ايه العربيه اللي هتوافق مع متطلباته ويتكل علي الله

---

كلامك سليم ١٠٠٪
الفلوانس مش عربية شد و جرى مش معناه انها بطه و لكن السيراتو افضل منها فى هذه النقطة....يعنى بالنسبة لسنك كمواتير و تجميع و شد و قرص يبقى كيا سيراتو وش
الفلوانس تناسب الوالد اكتر
لكن برده موضوع الثبات مش بس عند ١٤٠ فقط....زى ما الزميل المحترم افاد فى اى لفة على سرعة و لو فوق ال ٦٠ يا ترى استجابة العربية عاملة ازاى و الاحساس اللى بتدهولك عامل ازاى؟؟
للاسف فيه عربيات فوق ال ١٠٠ كم/ساعة لا إرادياً تلاقى نفسك بتأكد انك رابط حزام الأمان كويس لانك مش مآمن على نفسك فى العربية....الموضوع ده بيزيد الاحساس بيه كلما جربت عربيات تقيلة و راسية فترة طويلة كلما زاد احساس عدم الامان عندك من العربيات الخفيفة

رأى الشخصى: تتفوق السيراتو على الفلوانس فى الشد و الجرى و تتفوق الفلوانس على السيراتو فى العفشة و الثبات
بشكرك على رأيك المحترم
تحياتى