امان 1-منتج مصري من نايل موتورز لتأمين سيارتك ضد السرقه والتثبيت
السلام عليكم ورحمه الله
نايل موتورز في سبيله لاطلاق اول جهاز تامين سياره خلال ايام باذن الله
الجهاز بيتجرب علي عربيات بقاله كتير
الجهاز برمجه وتصنيع وتقفيل مصري بالكامل بانتاج مشترك بين معمل اتقان لاب ونايل موتورز
بضمان نايل موتورز واسمه
أمان 1
الجهاز عباره عن وحده فصل للعربيه مابتدورش الا لما تحط كارت نفس حجم البطاقه الشخصيه قدام وحده قرائه مثبته في مكان مخفي بالعربيه
تاخد اشاره وتدور غير كدة متدورش
بتركب وحده الفصل علي طلمبه البنزين او وحده الكهرباء الرئيسيه
الاهم في الجهاز انه فيه نظام امان ضد التثبيت بالعربيه
لو اتثبتت ونزلوك منها بمجرد فتح الباب هاتبطل العربيه بعد دقيقتين فقط
بعد دقيقه هايديك صوت تنبيه خفيف تحط الكارت عشان لو فتحت الباب وقفلته لاي سبب
لو انت مش صاحب العربيه ومحطتش الكارت هاتبطل
وتاني ميزه العربيه مبتدورش طول ما في باب مفتوح نهائي
تالت ميزه ممكن توصل الجهاز علي سارينه او كلاكس السياره لو فشل في وضع الكارت تضرب سارينه عشان تفضح السارق
وباذن لله هاينزل بتمن ممتاز والتركيب اما في ورشه نايل موتورز بالحرفيين او اي كهربائي يركبهولك زيه زي اي جهاز انذار
وبضمان نايل موتورز لمدة سنه لو فيه مشكله يتغير الجهاز
وتكويد الكروت هايكون بمعرفتنا ايضا
تابعوني في الموضوع لاخر التطورات