الموضوع: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

طيب انا هستأذن الناس اللى شاركت فى الموضوع اللى اللى بيتقراة دلوقتى انة يقترح عليا او يساعد فى الاقتراح لانى وصلت ل 3 حلول لتحسين الشكل الجمالى للمراية

اول حل انى ادهنها بنفس لون السيارة (اسود) واسيبها بنفس الشكل

تانى حل انى اعمل لها غلاف من صاج مجلفن يكون شكلة مومبية او كرف بحيث تطلع فى النهاية واخدة نفس شكل العربية وادهنها بردو بعلبة اسبرا اسود نفس لون العربية

بس الحل دة يعيبة ن كل الناس مش هتعرف تنفذة لانك هتروح تشرى حتة صاج خفيفة وتشكلها وتلحمها ودى مش كل الناس هتعرف تنفذها وانا متعود انى لما بعمل موضوع فى المنتدى بشرحة بالتفصيل والاهم انة يكون سهل التنفيذ لاى شخص

الحل التالت هو انى اجيب غلاف مراية نيكل زى اللى بيتباع للعربيات زى كدة مثلا




واشوف اى طريقة لتثبيتة بمسمارين او تلاتة ودة حل سهل لانة هيتخلص فى انك هتشترى الغلاف النيكل وتثبتة فوق المراية

بس قابلتنى عقبة صغيرة وهيا ان المقاس بتاع المراية اللى انا عاملها على مراية السواق 23 سم * 8 سم فانا مش عارف اى غلاف يمشى عليها

يعنى بتاع عربية نوعها اية لانى روحت عند بتاع الاكسوار اللى جنبى ملقيتش عندة غير 7 موديلات فقط وكلهم حجمهم كبير

فلو حد يعرف مقاس مراية عربية يكون مقارب للمقاس المذكور يقول لنا مشكورا

ولو حد عندة اى افكار تانية يقترح علينا مشكورا

وعشان اساعدة دة شكل مقرب للمراية