الموضوع: نسبه اليوريا في الدم زادت فجأه و الكيراتينين ...

السلام عليكم ورحمه الله
كنت كتبت مشاركه سابقه بخصوص الوالده 65 سنه...انها كانت بتاخد ادويه ضغط اكسفورج HCT لمده سنتين 10\160\25 و نسبه الكيراتينين في التحاليل الدوريه كانت ثابته ما بين 1.2 و 1.33 و اليوريا في الدم ما بين 53 و 55 و الكلام ده طول السنتين علما بأنه في اول بدايه العلاج كان الكيراتينين 2.21 و اليوريا في الدم 65 .. والدكتور ظل شهر يعطي لها علاجات ومنع عنها البروتين الحيواني طول الفتره دي عشان ينزل يوريا الدم ويظبط الكيراتينين و اعطاها دواء ضغط اكسفورج عادي في فتره الشهر دي لغايه لما وصلت نسبه الكيراتينين 1.15 و بدأ يغير الدواء وبقي اكسفورج HCT لغايه النهارده ...
[OVERLINE]

المشكله بدأت من يومين عندما لاحظنا انها بدأت عندها حكه جلديه بسيطه في انحاء الجسم واليدين وشبه جحوظ في العين مش قوي ... طبعا عملنا تحاليل و لقينا الكيراتينين 1.45 و اليوريا في الدم 72 !! طبعا جرينا علي الدكتور وشاف التحاليل وطمنا وغير الدواء الاكسفورج و بقي عادي واضاف دواء اسمه وان الفا 025 و Antox و منع عنها البروتين الحواني برضه و ده لمده 10 ايام و نعمل اعاده تحاليل و انروح له ...

طبعا اللي قلقني كتير .... اني دخلت علي قرأت في الموضوع ده علي النت ووجدت اراء بتقول ان نسبه الكيراتينين عند السيدات المسنات المفروض لا تتجاوز 1 وان نسبه 1.2 عند المسنات تعتبر فشل كلوي و تحتاج لغسيل !!!! وناس تانيه تقول الدكتور ده غلطان ما كانش يكتب لها مدرات بول و ناس تانيه تقول عادي ما تقلقش ...طيب والهرشه والجحوظ البسيط في العين ده طبيعي ؟؟؟؟ و هل انا بعالجها عند الدكتور المناسب ؟؟ هو استشاري امراض قلب وقسطره وراجل محترم جدا .. يعني ممكن يكون ده مش تخصصه ؟؟؟؟؟؟.... يا ريت لو الساده الأطباء يفيدونا في الموضوع ده ...و هل هي دخلت في مرحله الفشل الكلوي ؟؟؟؟؟؟؟؟؟؟