موضوع بسيط جدااااااااااا
لو معاك النترا 2010 مانيوال فابريكه بره وجوه وحالتها كويسه
واتعرض عليك النترا 2013 اوتوماتيك فابريكه بره وجوه وحالتها كويسه وهاتدفع فرق فى حدود 25.000
هل توافق
رأى الشخصى
انا بحب النترا hd جدا وبركب الاتنين - لكن فعلا مستريح فى الالنترا ال 2010 عن ال 2013 - لكن برضو الحق يقال - الاوتوماتيك بيفرق جامد - مع انى مش بجرى لكن انا من هواة المانيوال - لكن خلاص الواحد كبر
عايز رأى الاعضاء - وهاستأذنكم ان اللى يرد يبدأ رده بأختيار العربيه وبعد كده يقول وجهة نظره
اكيد الاختيار هيكون ال md
لانها افضل من كل النواحى ماعدا اسعار قطع الغيار
لو عارف تاريخ العربية التانية إتوكل على الله - بس إللى أنا أعرفه إن فرق العربيتين سعر فى السوق أكبر من كده
و بعيدن له يكون معايا 2013 أبدلها 2010 إلا لو معيوبه ؟
أبدلها 2010 حاجة أعلى مش أقل! يعنى بى إم - أوكتافيا
هابدل طبعا بـ 2013
شكل خارجى وصالون افضل واحدث واشيك
فتيس اوتو/مانيوال من 6 سرعات
غير كده الاتنين انا شايفهم مش يختلفوا كتير عن بعض
لالالاالا يا هندسة انت اكيد بتهزر النترا hd عايز تفرط فيها طبعا لا
انا من رأى ان الالنترا hd احسن بحس ان العربيات الفيها شغل فى الصاج بتاعها بتبقى محتاجة حوارات فى الاصلاح واقرب حاجة يقولك شيل القطعة الفيها اصطدام وركب جديد
تانى حاجة اعتقد ان العفشة فى الاتش دى احسن كتييير
انت فى معادلة صعبة لان الاتش دى ركوبتها اتوماتيك احسن من المانيوال فى ياريت تبدل المانيوال المعاك بواحدة اوتوماتيك
على فكرة الرفاهية فى md احسن بكتيييييييييير
صعبة دي يا باشا
احلاهما مر
بالعقل md طبعا (لو مالي ايدك من حالتها)
لكن hd و كمان مانيوال و بتاعتك و حافظها ما تتسابش
الامر صعب فعلا من 6 شهور بعت الـhd حتى الان نفسي انزل الاقيها تحت البيت(عربية معرفتش قيمتها غير لما بعتها)
اخيرا لو الـmd حالتها كويسة و فئة عاليا توكل علي الله هي دي سنة الحياة
تحياتي
فرأي بلاش
قدام ممكن تغير لحاجة افضل
والموديل الي معاك كويس العيب فقط انها مانيوال
ولكن مرحلة وهتنتهي بس بوقت
والله اعلم الخير فين
شكراً لكل ردود الأعضاء
الفكره بمنتهى البساطه العربيتين بتوعنا من الزيرو
عربيتى 2010 وبحبها جدا لكن هاصرف مبلغ محترم فى الفتره اللى جايه ﻷنى بحب أظبط عربيتى جداً
العربيه ال 2013 قيمتها فى السوق فوق ال 120.000 لكن انا هاخدها بأقل من كده
لو كانت العربيه ديه 2011 هاى لاين كنت اخدتها بدون تفكير
بس فعلاً انا مش ميال قوى ل 2013
ربنا كريم
وبرضو مستنى باقى ردود الأعضاء
صحيح والعربية مفهاش ايموبلايزر
علي قد ما اشتريت و بعت عربيات مفيش عربيه زعلت علي بيعتها اد الالنترا موديل ٢٠١٠ اوتو هايلاين، الله يرحمها و يحسن اليها. لو مش فارق معاك الفتيس الاوتو خليك احسن في ال hd
بص يا باشا انا معايا نفس موديل عربيتك اه ممكن تكون عمليه اكتر من md بس الاوتوماتيك بقي ميزه اساسيه خاصه للناس الي مشوارها طويله كل يوم ده غير طبعا الرفاهيه و الكماليات الزياده فانا شايف انك تتوكل علي الله و تبدل كمان عشات بعد الخمس سنين هتبدا تغير حاجات في العفشه اعتقد
عربيتك شخصيتك شوف انتا مرتاح لأيه واستخر الرحمن فيه عربيه مبتلاقيش نفسك فيها العقل بيقول لو هبدل هبدل للأفضل ومش كل موديل جديد افضل يعني التعليق التصفيح قوه الماتور الفتيس اللون الحاله هتستخدمها ولا عايز تتاجر فيها يعني ملاحظات تساعدك شويه
ال hd طبعا انا عن نفسى برتاح ليها و المانوال جميل برده يكفى انك انت اللى بتسوق و تتحكم فى العربية و المانوال سواقة بس طبعا مصر ما ينفعش معاها غير عربيات كارو بتبقى ممتازة جدا ههههههه