الموضوع: الدروس المستفادة من شرائك لسيارتك ؟؟

المشاركة الأصلية كتبت بواسطة SuccessCre8or

ما هى الدروس الى استفدتها من بعد شرائك لسيارتك ؟

بالنسبة لى :

1- لن اشترى سيارة هاف اوبشن مرة اخرى لأنى كنت فاكر ان الموضوع زجاج و مرايات كهرباء فقط ..لكن الموضوع طلع فيه ساعة رقمية و Rpm و فتح الشنطة من الداخل و حاجات متكلفش غبور كتير اوي يعنى ... كنت فاكرها ستاندارد !
2-الكورى اتحسن كتير ... و خاصة انى كنت بكره حاجة اسمها عربية كوري . ( الأدلة كتير )
3- لن اشترى سيارة تقفيل مصرى مرة اخرى ... لأن بكل بساطة لا يوجد فرق كبير فى السعر ( على فكرة انا كنت فاكر ان كل الهيونداى تقفيل مصري ههههه بس طلع الفيرنا بس )
4-احساس العربية الزيرو احساس رائع ... افضل من احساس العربية الألمانى المستعملة
:p

ده اللى فى دماغى حالياً ... :)

أويدك فى كل كلامك

فعلا الهاف اوبشنز رخم جدا لان كان معايا اكسنت 1300 مكنش فيها غير تكييف بس الصراحه هو اللى كان مصبرنى عليها تكييف طلعله عربيه

الكورى ممتاز فعلا ومن انجح وانسب العربيات لمصر

التقفيل المصرى وحش فعلا لكن فى حاجات وحاجات يعنى الاكسنت اللى كانت معايا دى كانت 2006 وكان طبعا تقفيلها مش اد كدا لكن كان معايا برضه كيا سبكترا 2004 تقفيل مصرى وكانت ممتازه الصراحه مفهاش اى عيوب

واحساس الزيرو زيرو فعلا حتى لو ايه

احب اضيف انى ركبت 4 عربيات كورى اوتوماتيك ( النترا 98 - ليجانزا 2000 - سبكترا 2004 - اوبترا 2008 ) والحمد لله مظهرلوش اى عيوب على عكس الشائعات اللى دايما بتقول ان اوتوماتيك الكورى كله مشاكل