تغييرو تنظيف فلتر الهوا بنفسك فى الفلوانس
حابب نشرح مع بعض عملية تغيير/ تنظيف فلتر الهوا فى الفلوانس،
الموضوع مأخدش معايا 5 دقايق بالظبط
تنظيف فلتر الهوا بيفوق العربية و يحسن الحرق و السحب و يجب تنظيف الفلتر أو تغييره بصفة دورية....التوكيل بيغيره كل 20 الف كم، و دلوقتى بيغيره فى صيانة ال 10 ألاف بس الكلام ده حصل حديثاً...أنا مثلاً متغيرليش فلتر هوا فى صيانة ال 10 ألاف كم....و مش عارف هل التوكيل هيبتدى يغيره كل 10 ألاف كم بعد كده و لا هيستمر كل 20 ألف كما كان
أنا شخصياً بنصح بالتنظيف كل 10 ألاف و التغيير كل 20 ألف كم و ده معقول جداً
* الأدوات المطلوبة:
- مفك فيليبس " صليبه " مقاس ph2
- كومبريسور هوا للتنظيف
1- ده مكان مسامير الفلتر:
http://i59.tinypic.com/n4k55x.jpg
2- مكان المسمار الشمال:
http://i59.tinypic.com/elcnwj.jpg
3- مكان المسمار اليمين:
http://i61.tinypic.com/24g12lw.jpg
4- لازم نشيل غطاء البطارية علشان يدينا براح و إحنا بنحل المسامير، الغطاء ماسك بشفتين شمال و يمين بيتشالوا بالأيد....ده شكل الشفة الشمال:
http://i57.tinypic.com/ounoev.jpg
5- شكل الشفة اليمين:
http://i58.tinypic.com/1qrbpx.jpg
6- شكل الفلتر قبل التنظيف:
http://i57.tinypic.com/1afwl.jpg
7- نوع الفلتر و بلد صنعه " أسبانيا " و نلاحظ أن الفلتر فى الفلوانس 2 جزء-قطعة أسفنج و فلتر ورق- مش ورق بس :
http://i60.tinypic.com/20ztc3t.jpg
8- المكان اللى بيبقى بايت فيه الفلتر...الفلتر بينزل عمودى فى المكان ده:
http://i58.tinypic.com/inbf2x.jpg
9- شكل الفلتر بعد التنظيف بكومبريسور الهوا و طبعاً ممكن نغير لو كان حالته سيئة :
http://i58.tinypic.com/wu0baq.jpg
http://i57.tinypic.com/nwk22q.jpg
بعد التنظيف أو التغيير بنرجع كل حاجة مكانها بعكس الترتيب اللى فكينا بيه يعنى بنركب الفلتر و نربط مساميره و بعدين نغطى البطارية بالغطا بتاعها و يبقى بكده خلصنا العملية بنجاح....أرجو أن أكون قدرت أوصل المعلومة بنجاح
تحياتى