الموضوع: مشكلة في الإقتناع والرضا بالرزق المقدر !!!

تعالى على واحد متجوز ومادياتة تعبانة جداا يدوبك ماشية ومقضيها سلف وجمعيات وقولة تبقى غنى معاك عربية غالية وفيلا مثلا فى احسن منطقة فى مصر ورصيد فى البنك بس مايكونش عندك عيال وشوف هايقولك اية
اكيد هايقولك النظرة فى وش حد من ولادة بالدنيا وما فيها طبعا
بص الرزق مش فلوس بس الرزق دة صحة وسعادة وخلفة وراحة بال وحاجات تانية كتير وربنا موزعهم بالتساوى وبالعدل وارض بما قسمة اللة لك تكن اغنى الناس

المشاركة الأصلية كتبت بواسطة ZARIF

اللى انت بتتكلم فية دة اسمة طموح

انك تحلم بحاجة بسيطة تحققها وبعدين فى نفس الحلم تحلم بحاجة اكبر
انت لسة فى بداية حياتك العملية فعشان كدة الحماس واخدك ودى حاجة كويسة

لكن طالما مش وارث ورث او عندك رصيد فى البنك او مبلغ احتياطى يبقى طبيعى انك تاخد حياتك واحدة واحدة

عايز ترتاح اعمل حاجتين:

وانت طالع سلم بيتكم او شقتكم حاول تاخد السلم كلة فى قفزة واحدة صعودا

ولو معرفتش دور على حد حواليك ظروفة اصعب من ظروفك وحط نفسك مكانة وتعايش مع حياتة الصعبة

ولو معرفتش يبقى قوم اتوضى وصلى ركعتين شكر لله

أبدعت ،، قلت اللى عاوز أكتبه ، الله عليك .

اتفرج على فيلم
pursuit of happiness

المشاركة الأصلية كتبت بواسطة far!d

سؤال فرعي
هوا حضرتك مصري ؟

قصدك علي كلمه (تبيه )
هو اكيد في الكويت او السعوديه

طب ما انا حاليا بفكر بشكل ما زى كده
بردو نفسى اكبر واحقق حلمى وبحاول اوصلله
وعندى قناعه انى طول ما انا بتعب وبحوال اكيد ربنا هايكرمنى

وطبعا مش واقف مكانى سواء فى الدراسه او حتى فى الشغل بره الدراسه
انا بحوال اطلع السلم واحده واحده

اقولكوا على حاجه
انا بتدرب فى مركز خدمه معتمد لما بشوف المدير اللى هو صاحب المكان
بقعد اقول لنفسى امتى يجى اليوم اللى ابقى زيه واكتر منه كمان
مش من ممنطلق ان مش عاجبنى حالى لا طبعا الحمد لله على كل شىء
بس الطموح او الحماس اللى عندى يخلينى احوال اجيب حته من السما كده فى سبيل انى اوصل لهدفى

حتى كتير اوى اقعد فكر فى فكره خارج الصندوق اقول يمكن هى دى اللى توصلنى

اظن يعنى ان ده مش عدم رضا اوى ان اسلوب التفكير ده حاجه وحشه يعنى
ولا ايه ؟