سؤال بخصوص التعامل مكتب محاسب قانوني و مراجع مالي

السلام عليكم و رحمة الله و بركاته

لو سمحوا يا أهل المعرفة في هذا المجال كنت محتاج أعرف تكلفة التعامل مع مكتب محاسب قانوني و مراجع مالي متخصص في تأسيس الشركات
بمعني انه في خطوات تأسيس شركة ذات مسؤولية محدودة و دي بتكون في الهيئة العامة للاستثمار بيطلبوا هناك شهادة من مراجع مالي متخصص في ميزانيات و حسابات شركات الأموال

كنت عايز اعرف طلب شهادة زي دي من مكتب محاسب قانوني بيتكلف كام كبداية تعامل ؟؟؟

السؤال التاني ما رأيكم في إختيار الكيان القانوني كشركة ذات مسؤولية محدودة في انشاء شركة جديدة ???

شكرًا مقدما لكل من سيرد بجواب علي استفساري

تحياتي

اجراءات تأسيس الشركات فى العاجى بتتكلف حوالى 3000 جنية، والمحاسب القانونى بيقوم بكل حاجة انت بس بتعملة توكيل بتاسيس الشركة وهو بينطلق وبيعمل كل الاجراءات مع كل الهيئات، وفى الاخر بيديك صحيفة شركات - سجل تجارى وبطاقة ضريبية وعقد تأسيس مسجل.
اما نوع الشركة فهو مناسب لنشاط صغير او متوسط

لو عايز نصيحة؟ روح اسسها انت بنفسك و خد معاك كارنيه اي محاسب و شهادة القيد في سجل المحاسبين و المراجعين و محامي (مش اقل من استئناف) عشان وانت بتوثقه في نقابة المحامين في هيئة الاستثمار.

التكاليف بتكون حسب راس المال/الشكل القانوني/قانون استثمار او قانون شركات159

لو رحت لمحامي او محاسب و خليته يعملهالك هيضربلك التكاليف الضعف او اكتر بدون اي لازمة لان انت لو رحت بنفسك حتى المعاملة هناك كويسة جدا مش و بتخلص حاجتك كلها من نفس المكان و بتستلم ورق شركتك كامل خلال 48ساعة.

لو محتاج اي مساعدة ابعتلي.