| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 3 الأولىالأولى 1 2 3 الأخيرةالأخيرة
النتائج 11 إلى 20 من 21

  1. #11

    الصورة الرمزية أبو آسر

    رقم العضوية : 129815

    تاريخ التسجيل : 29Sep2012

    المشاركات : 3,491

    النوع : ذكر

    الاقامة : Earth

    السيارة: Just one car

    السيارة[2]: Renault Logan 2013 Auto

    الحالة : أبو آسر غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة mastr_n مشاهدة المشاركة
    ياشيخ جزاك الله كل خير والدال على الخير كفاعلة
    القصة ان فى ظل اللغط اللى داير حوالينا والزمن العجيب دة حبيت اشغل وقتى بالقراية فى الدين لان من اراد الله بة خيرا فقة فى الدين ودية امانة على كل مسلم
    انا عايز نوعية الكتب وانهى علم اللى بيدخلك على المذاهب والائمة الاربعة هل دة فى العقيدة وسامحنى معلش هاتعبك معايا
    أولا أنا مش شيخ ولا حاجة :)
    وطبعا تعلم العلوم الشرعية منجاة من الفتن لأن الجهل هو مصدر كل انحراف وكل اللغط اللي حوالينا ده ما بين متشدد ومفرّط سببه الجهل من الطرفين
    علم الفقه هو المتعلق بالمذاهب الأربعة ، بس المذاهب الأربعة مش هي الفقه خلي بالك
    هبسطلك المسألة شوية
    المذاهب الأربعة دي هي مذاهب فقهية منسوبة للأئمة الأربعة المعروفين ( أبو حنيفة - مالك - الشافعي - أحمد بن حنبل ) كل واحد منهم ليه طريقة في فهم النصوص من القرآن والسنة وبالتالي استنبط من خلال فهمه أحكام فقهية شرعية والطلبة بتوع كل واحد نشروا المذهب بتاعه وشهروه وصار الأربعة دول أشهر الأئمة في الفقه وكل بلد أو منطقة خدت ليها مذهب التزمت بيه وطبقته هو بس دونا عن باقي المذاهب .. وهنا تكمن المشكلة
    المشكلة ان المذاهب الأربعة مش هي الدين بس ومش معنى إن البلد الفلانية مذهبها شافعي مثلا إن الإمام الشافعي مصيب في كل ما يقول ، ده الأئمة نفسهم كانوا بيقولوا (إن صح الحديث فهو مذهبي) و (كل يؤخذ من قوله ويرد إلا محمد صلى الله عليه وسلم) لكن الأتباع بتوع كل مذهب كانوا بيوصلوا لدرجة من التعصب المذهبي وصلتهم لدرجة انهم بقوا يوالوا ويعادوا على المذهب ! يعني كل واحد تبع مذهبهم حبيبهم واللي مش تبعهم عدوهم ! لدرجة إن الأزهر في يوم من الأيام كان فيه 4 قبلات للصلاة كل قبلة بتاعة مذهب من المذاهب الأربعة ومكنش حد من أتباع المذهب الحنفي مثلا يصلي مع حد من أتباع المذهب الشافعي ! تخيل ؟!
    الخلاصة إن مفيش حاجة اسمها أنا هلتزم بالمذهب الفلاني بس وهسيب الباقي ، انت بتاخد الصح من كل عالم وإمام أيا كان مذهبه إيه ومتلزمش نفسك بمذهب معين خلي مذهبك هو الإسلام وإمامك هو الرسول صلى الله عليه وسلم ، وموضوع دراسة الفقه المقارن اللي هو آراء المذاهب الأربعة في كل مسألة فقهية مسألة صعبة ومعقدة ومملة وغير مجدية ! أنا هستفيد بإيه لما أعرف إن الإمام الفلاني قال في الحكم الفلاني كذا والإمام التاني قال كذا والتالت قال كذا والرابع قال كذا ؟! أنا كده هحتار أكتر ومش هبقى عارف أطبق الحكم الفقهي ده ازاي لكن أنا أبحث عن الدليل مع أي واحد فيهم وأشوف حجة كل واحد أنهي الأقوى وبالتالي أتبع حكمه المبني على الدليل الشرعي الصحيح مش لمجرد إن الإمام الفلاني هو اللي أفتى بكده
    علشان كده متشغلش بالك دلوقتي خالص بموضوع المذاهب علشان هتتعب وهتوه ، انت اتعلم الفقه الميسر المبسط بالدليل وبعدين لما ترسخ في العلم إن شاء الله ممكن تقرأ في الفقه المقارن وتعرف رأي كل إمام وتقارن بينهم وتختار اللي يرتاح ليه قلبك وعقلك ويكون مبني على الدليل الصحيح مش على التعصب المذهبي
    مبدئيا كمبتدئ لازم تتعلم الفروض ، يعني انت ملزم بالصلاة فلازم تتعلم ازاي تصلي صح ، ملزم بالصيام لازم تتعلم تصوم ازاي صح ، كل الحاجات دي في الفقه وأنا حطيتلك كتب ميسرة في الفقه وبالدليل الصحيح طبعا ، قبل كده لازم تتعلم العقيدة وتشوف إيه الحاجات اللي بتعملها غلط وتبطلها يعني مثلا لو كنت بتحلف بالنبي فتعرف إن ده حرام وشرك ، لازم تتعلم ازاي تعبد ربنا صح لأن الإنسان مش هيقبل منه أي عمل لو كانت عقيدته فاسدة عياذا بالله ، فلازم تصحح عقيدتك كويس وتعرف أصولها وبعدين تبدأ تدخل في الباقي ، وأنا برده حطيتلك أهم وأبسط كتب في العقيدة وكلها برده بالأدلة من الكتاب والسنة يعني محدش بيألف حاجة من عنده علشان محدش يقولك دي كتب وهابية والكلام الأهبل ده ، الكتب دي لو فيها حاجة من دماغ المؤلف ومن غير دليل ارميها لكن إن شاء الله هتلاقي كل حاجة بدليل صحيح وكلام مبسط بعيد عن سفسطة أهل البدع والمذاهب الضالة عياذا بالله
    أتمنى يكون كلامي مفهوم ومنطقي ولو في حاجة مش واضحة قولي

    Freelancer Web Designer & E-marketer
    ( --- جــمــيــــع مــوضــوعـــاتـي --- )


  2. #12

    الصورة الرمزية mastr_n

    رقم العضوية : 50622

    تاريخ التسجيل : 21Oct2009

    المشاركات : 1,812

    النوع : ذكر

    الاقامة : El-Sharqia/Iraq

    السيارة: One enough

    السيارة[2]: kia cerato 2010

    دراجة بخارية: no

    الحالة : mastr_n غير متواجد حالياً

    افتراضي -

    ان شاء اللة مفهوم واعذرنى على وصفك بالشيخ مع انى ماقصدش بيها حاجة وعارف حجتك اية
    انا هابتدى بكتب خفيفة زى حياة الصحابة والسيرة النبوية وهادخل فقة وعقيدة فى النص على مراحل لانى مش عايز اتوة
    هل قريت الولاء والبراء لانى عايز اقرى فية بس عايز المبادىء الاول ودية دعوة للمناقشة والمشاركة من الكل ويارب الكل بستفيد

    لا الة الا انت سبحانك انى كنت من الظالمين


  3. #13

    الصورة الرمزية أبو آسر

    رقم العضوية : 129815

    تاريخ التسجيل : 29Sep2012

    المشاركات : 3,491

    النوع : ذكر

    الاقامة : Earth

    السيارة: Just one car

    السيارة[2]: Renault Logan 2013 Auto

    الحالة : أبو آسر غير متواجد حالياً

    افتراضي -

    اقتباس المشاركة الأصلية كتبت بواسطة mastr_n مشاهدة المشاركة
    ان شاء الله مفهوم واعذرنى على وصفك بالشيخ مع انى ماقصدش بيها حاجة وعارف حجتك اية
    انا هابتدى بكتب خفيفة زى حياة الصحابة والسيرة النبوية وهادخل فقة وعقيدة فى النص على مراحل لانى مش عايز اتوة
    هل قريت الولاء والبراء لانى عايز اقرى فية بس عايز المبادىء الاول ودية دعوة للمناقشة والمشاركة من الكل ويارب الكل بستفيد
    أنا قصدي أنا مش شيخ لأني لا أستحق الوصف ده ولا حتى أستحق وصف طالب العلم ولكنه شرف طبعا ان الواحد يبقى شيخ بصير بأمور دينه عالم ومتعلم
    بلاش برده حياة الصحابة للكندهلوي علشان برده مسألة الأحاديث الضعيفة ودي مسألة اوعى تستهون بيها لأنها خطيرة جدا
    لو عايز تبدأ في السيرة فخليك في الرحيق المختوم من أشهر وأجمل الكتب في الموضوع ده
    بس خلي بالك انت لو كنت دخلت في المذاهب الأربعة ده اللي كان هيتوهك فعلا لكن لو عملت زي ما بقولك مش هتلاقي أسهل من كده ، أنا أينعم حطيتلك كتب كتير بطريقة تخض بس أنا كان غرضي انهم يبقوا ليك مرجع شامل وكافي لفترة طويلة ، لكن خلينا نبدأ حاجة حاجة وليكن مثلا بالرسالة دي ( ثلاثة الأصول ) كلها على بعضها 9 صفحات ! يعني في قعدة هتخلصها وكلام كله آيات وأحاديث ، خلصها وادخل على حاجة تانية زيها وهكذا بالتدريج
    ده بالنسبة للعقيدة
    بالنسبة للفقه وده مهم جدا علشان تصحيح العبادات فممكن تبدأ بالفقه الميسر ، كبير شوية بس علشان شامل أبواب الفقه كلها تقريبا بس بطريقة مبسطة وميسرة فكل يوم مثلا خدلك صفحة ولا اتنين هتلاقيك كل يوم بتتعلم كمية معلومات جديدة ورهيبة من الصفحة أو الاتنين دول ، خلصه وخش على حاجة تانية وهكذا
    زي ما قلتلك خير العمل أدومه وإن قل ، خد حاجات صغيرة الأول ومتزيدش لحد ما تتعود ابدأ زود شوية شوية بالتدريج علشان متملش ، بس نقي الكتب اللي بتقراها علشان في معلومات لو ثبتت غلط من الأول صعب تصححها بعد كده وممكن تبني عليها حاجات غلط
    الولاء والبراء ده بتاع مين ؟

    Freelancer Web Designer & E-marketer
    ( --- جــمــيــــع مــوضــوعـــاتـي --- )


  4. #14

    الصورة الرمزية mmolazem

    رقم العضوية : 8581

    تاريخ التسجيل : 08Apr2008

    المشاركات : 779

    النوع : ذكر

    الاقامة : Cairo

    السيارة: Verna

    السيارة[2]: Fiat 128

    دراجة بخارية: no

    الحالة : mmolazem غير متواجد حالياً

    افتراضي -

    جزاك الله خيراً أبو آسر و جعله فى ميزان حسناتك و للأخ السائل بمثله

    ما بين ميلاد رسول الله موسى وهلاك فرعون عشرات السنين . . يُمهل ولا يُهمل !!


  5. #15

    الصورة الرمزية أبو آسر

    رقم العضوية : 129815

    تاريخ التسجيل : 29Sep2012

    المشاركات : 3,491

    النوع : ذكر

    الاقامة : Earth

    السيارة: Just one car

    السيارة[2]: Renault Logan 2013 Auto

    الحالة : أبو آسر غير متواجد حالياً

    افتراضي -

    اقتباس المشاركة الأصلية كتبت بواسطة mmolazem مشاهدة المشاركة
    جزاك الله خيراً أبو آسر و جعله فى ميزان حسناتك و للأخ السائل بمثله
    اللهم آمين
    وإياك أخي الحبيب

    Freelancer Web Designer & E-marketer
    ( --- جــمــيــــع مــوضــوعـــاتـي --- )


  6. #16

    الصورة الرمزية mastr_n

    رقم العضوية : 50622

    تاريخ التسجيل : 21Oct2009

    المشاركات : 1,812

    النوع : ذكر

    الاقامة : El-Sharqia/Iraq

    السيارة: One enough

    السيارة[2]: kia cerato 2010

    دراجة بخارية: no

    الحالة : mastr_n غير متواجد حالياً

    افتراضي -

    الحمد لله والصلاة والسلام على رسول الله ، وبعد :
    فإن الولاء والبراء ركن من أركان العقيدة ، وشرط من شروط الإيمان ، تغافل عنه كثير من الناس وأهمله البعض فاختلطت الأمور وكثر المفرطون .
    .هو حُب الله ورسوله والصحابة والمؤمنين الموحدين ونصرتهم .
    .هو بُغض من خالف الله ورسوله والصحابة والمؤمنين الموحدين ، من الكافرين والمشركين والمنافقين والمبتدعين والفساق .
    فكل مؤمن موحد ملتزم للأوامر والنواهي الشرعية ، تجب محبته وموالاته ونصرته . وكل من كان خلاف ذلك وجب التقرب إلى الله تعالى ببغضه ومعاداته وجهاده بالقلب واللسان بحسب القدرة والإمكان ، قال تعالى : ( والمؤمنون والمؤمنات بعضهم أولياء بعض ) .

    والولاء والبراء أوثق عرى الإيمان وهو من أعمال القلوب لكن تظهر مقتضياته على اللسان والجوارح ، قال - عليه الصلاة والسلام - في الحديث الصحيح : ( م أحب لله وأبغض لله ، وأعطى لله ومنع لله ، فقد استكمل الإيمان ) [ أخرجه أبو داود ] .

    ومنزلة عقيدة الولاء والبراء من الشرع عظيمة ومنها :
    .أنها جزء من معنى الشهادة ، وهي قول : ( لا إله ) من ( لا إله إلا الله ) فإن معناها البراء من كل ما يُعبد من دون الله .
    .أنها شرط في الإيمان ، كما قال تعالى : ( ترى كثيرًا منهم يتولون الذين كفروا لبئس ما قدمت لهم أنفسهم أن سخط الله عليهم وفي العذاب هم خالدون ولو كانوا يؤمنون بالله والنبي وما أنزل إليه اتخذوهم أولياء ولكن كثيرًا منهم فاسقون ) .
    .أن هذه العقيدة أوثق عرى الإيمان ، لما روى أحمد في مسنده عن البراء بن عازب - رضي الله عنه - قال : قال رسول الله - صلى الله عليه وسلم - : ( أوثق عرى الإيمان الحب في الله والبغض في الله ) .
    يقول الشيخ سليمان بن عبدالله بن محمد بن عبدالوهاب - رحمهم الله - : ( فهل يتم الدين أو يُقام عَلَم الجهاد أو علم الأمر بالمعروف والنهي عن المنكر إلا بالحب في الله والبغض في الله ، والمعاداة في الله ، والموالاة في الله ، ولو كان الناس متفقين على طريقة واحدة ، ومحبة من غير عداوة ولا بغضاء ، لم يكن فرقانًا بين الحق والباطل ، ولا بين المؤمنين والكفار ، ولا بين أولياء الرحمن وأولياء الشيطان ) .
    .أنها سبب لتذوق حلاوة الإيمان ولذة اليقين ، لما جاء عنه - صلى الله عليه وسلم - أنه قال : ( ثلاث من وجدهن وجد حلاوة الإيمان : أن يكون الله ورسوله أحب إليه مما سواهما ، وأن يحب المرء لا يحبه إلا لله ، وأن يكره أن يرجع إلى الكفر بعد أن أنقذه الله منه كما يكره أن يقذف في النار ) [ متفق عليه ] .
    .أنها الصلة التي يقوم على أساسها المجتمع المسلم ( إنما المؤمنون إخوة ) .
    .أنه بتحقيق هذه العقيدة تنال ولاية الله ، لما روى ابن عباس - رضي الله عنهما - قال : ( من أحب في الله وأبغض في الله ، ووالى في الله وعادى في الله ، فإنما تنال ولاية الله بذلك ) .
    .أن عدم تحقيق هذه العقيدة قد يدخل في الكفر ، قال تعالى : ( ومن يتولهم منكم فإنه منهم ) .
    .أن كثرة ورودها في الكتاب والسنة يدل على أهميتها .
    يقول الشيخ حمد بن عتيق - رحمه الله - : ( فأما معاداة الكفار والمشركين فاعلم أن الله سبحانه وتعالى قد أوجب ذلك ، وأكد إيجابه ، وحرم موالاتهم وشدد فيها ، حتى أنه ليس في كتاب الله تعالى حكم فيه من الأدلة أكثر ولا أبين من هذا الحكم بعد وجوب التوحيد وتحريم ضده ) .
    وقال شيخ الإسلام ابن تيمية : ( إن تحقيق شهادة أن لا إله إلا الله يقتضي أن لا يحب إلا لله ، ولا يبغض إلا لله ، ولا يواد إلا لله ، ولا يُعادي إلا لله ، وأن يحب ما أحبه الله ، ويبغض ما أبغضه الله ) .

    ومن صور موالاة الكفار أمور شتى ، منها :
    .التشبه بهم في اللباس والكلام .
    2-.الإقامة في بلادهم ، وعدم الانتقال منها إلا بلاد المسلمين لأجل الفرار بالدين .
    .السفر إلى بلادهم لغرض النزهة ومتعة النفس .
    .اتخاذهم بطانة ومستشارين .
    .التأريخ بتاريخهم خصوصًا التاريخ الذي يعبر عن طقوسهم وأعيادهم كالتاريخ الميلادي .
    .التسمي بأسمائهم .
    .مشاركتهم في أعيادهم أو مساعدتهم في إقامتها أو تهنئتهم بمناسبتها أو حضور إقامتها .
    .مدحهم والإشادة بما هم عليه من المدنية والحضارة ، والإعجاب بأخلاقهم ومهاراتهم دون النظر إلى عقائدهم الباطلة ودينهم الفاسد .
    .الاستغفار لهم والترحم عليهم .
    قال أبو الوفاء بن عقيل : ( إذا أردت أن تعلم محل الإسلام من أهل الزمان ، فلا تنظر إلى زحامهم في أبواب الجوامع ، ولا ضجيجهم في الموقف بلبيك ، وإنما انظر إلى مواطأتهم أعداء الشريعة ، عاش بان الراوندي والمعري - عليمها لعائن الله - ينظمون وينثرون كفرًا ، وعاشوا سنين ، وعُظمت قبورهم ، واشتُريت تصانيفهم ، وهذا يدل على برودة الدين في القلب ) .
    وعلى المسلم أن يحذر من أصحاب البدع والأهواء الذين امتلأت بهم الأرض ، ولْيتجنَّب الكفار وما يبثون من شبه وشهوات ، وليعتصم بحبل الله المتين وسنة نبيه الكريم . وعلى المسلم أن يفطِن إلى الفرق بين حسن التعامل والإحسان إلى أهل الذمة وبين بُغضهم وعدم محبتهم . ويتعيَّن علينا أن نبرهم بكل أمر لا يكون ظاهره يدل على مودات القلوب ، ولا تعظيم شعائر الكفر . ومن برهم لتُقبل دعوتنا : الرفق بضعيفهم ، وإطعام جائعهم ، وكسوة عاريهم ، ولين القول لهم على سبيل اللطف معهم والرحمة لا على سبيل الخوف والذلة ، والدعاء لهم بالهداية ، وينبغي أن نستحضر في قلوبنا ما جُبلوا عليه من بغضنا ، وتكذيب نبينا محمد - صلى الله عليه وسلم - .
    اللهم وفقنا للعمل بكتابك وسنة نبيك - صلى الله عليه وسلم - والسير على هداهما ، وحب الله ورسوله والمؤمنين وموالاتهم وبغض الكفار والمشركين ومعاداتهم .
    وصلى الله وسلم على نبينا محمد وعلى آله وصحبه أجمعين .

    لا الة الا انت سبحانك انى كنت من الظالمين


  7. #17

    الصورة الرمزية أبو آسر

    رقم العضوية : 129815

    تاريخ التسجيل : 29Sep2012

    المشاركات : 3,491

    النوع : ذكر

    الاقامة : Earth

    السيارة: Just one car

    السيارة[2]: Renault Logan 2013 Auto

    الحالة : أبو آسر غير متواجد حالياً

    افتراضي -

    أيوة فهمتك
    موضوع الولاء والبراء ده مبحث من مباحث العقيدة وهتلاقيه موجود برده في الكتب اللي قلتلك عليها لأنه جزء مهم من العقيدة طبعا
    أنا كنت فاكرك بتقول على كتاب معين فكنت عايز أعرف مين مؤلفه
    بس خلي بالك علشان المواضيع دي حساسة شوية يعني متتعمقش فيها أوي دلوقتي علشان ممكن تلاقيك دخلت دخلة غلط وبدأت تكفر المجتمع لأنه بيستعمل التاريخ الميلادي مثلا أو معجب بالحضارة الغربية زي ما في الكلام اللي انت ناقله هههههههههههه
    بهزر معاك :)
    بس فعلا الفصول دي بتبقى حساسة جدا ولو الواحد فهمها غلط هتعمل نتيجة عكسية فخليها دلوقتي وخليك في الأساسيات العامة علشان تقف على أرض صلبة الأول وتقدر بعدها تفهم الكلام صح وتعرف المطلوب منه كويس وساعتها هتقدر تفهم ازاي شخص أخطأ في مسألة الولاء والبراء وحكمه بيكون إيه بالضبط وفي مسائل تانية برده هتعرفها قدام شوية زي مسألة العذر بالجهل يعني مثلا هتقرأ إن الطواف بالقبور شرك بالله ومخرج من الملة وكده بس لازم تفرق بين الفعل وبين الحكم على الفاعل أو بمعنى أدق تفرق بين الحكم العام والحكم الخاص يعني المسألة دي شرك بس مش لازم يكون مرتكبها مشرك بالضرورة علشان في حاجة اسمها توافر شروط وانتفاء موانع وإقامة حجة وحاجات كده مش عايز أشغلك بيها بس صدقني لما تتعمق في المسائل دي هتستمتع جدا وهتحس ان مداركك بدأت تتوسع وتقدر توزن الأمور وتقيمها صح وهتديك ثقة في نفسك إنك فاهم أمور دينك صح ومش أي حد لمجرد إنه بيتكلم في الدين ومتصدر باسم شيخ أو مفتي وما شابه يبقى كلامه لا غبار عليه لأنك هتبدأ تقيم وتعرف الشخص ده بيتكلم صح ولا بيهبل وما أكثر المهبلين للأسف في زماننا وهتبدأ تكتشف شخصيات كنت في يوم من الأيام منبهر بيها فجأة هتسقط من نظرك وعلى العكس ممكن ناس تانية تكون واخد عنهم فكرة مش كويسة تكتشف إنهم صح وعلى حق .. الموضوع لذيذ فعلا وممتع بس عايز رفق لأنه (لن يشاد الدين أحد إلا غلبه) يعني الدين قوي فعايز تتوغل فيه برفق وبأناة وصبر وساعتها هتلاقيه حاجة تشرح الصدر وتوسع الأفق والمدارك وهتستمتع فعلا بحياتك في طاعة الله وتعلم العلوم الشرعية
    هيييييييييه ذكرتني بالذي مضى ربنا يردنا إلى الأيام الجميلة دي ردا جميلا

    ملحوظة: ياريت تعدل كلمة ( الة ) في توقيعك إلى ( إله ) علشان الأولى غلط ومعناها آلة أو ماكينة عياذا بالله لكن كلمة إله تكتب بدون نقطتين وجزاك الله خيرا

    Freelancer Web Designer & E-marketer
    ( --- جــمــيــــع مــوضــوعـــاتـي --- )


  8. #18

    الصورة الرمزية mastr_n

    رقم العضوية : 50622

    تاريخ التسجيل : 21Oct2009

    المشاركات : 1,812

    النوع : ذكر

    الاقامة : El-Sharqia/Iraq

    السيارة: One enough

    السيارة[2]: kia cerato 2010

    دراجة بخارية: no

    الحالة : mastr_n غير متواجد حالياً

    افتراضي -

    الحمد للة عمرى مافكر التفكير دة خالص نهائى انا بس نقلت المقالة دية علشان اوضحلك معنى الولاء والبراء انا غرضى افهم دينى صح مش قشور الحمد للة القشور موجودة والحمد للة ابويا رحمة اللة علية كان بيدعو فى سبيل اللة وعلمنى كتير فى فقة الصلاة والصوم انما انا عايز اتعمق اكتر ان شاء اللة ناول اقرى اكتر فى الكتب الصحيحة انما التكفير والكلام دة طبعا مرفوض شكلا وموضوعا
    وجزالك اللة كل خير

    لا الة الا انت سبحانك انى كنت من الظالمين


  9. #19

    الصورة الرمزية أبو آسر

    رقم العضوية : 129815

    تاريخ التسجيل : 29Sep2012

    المشاركات : 3,491

    النوع : ذكر

    الاقامة : Earth

    السيارة: Just one car

    السيارة[2]: Renault Logan 2013 Auto

    الحالة : أبو آسر غير متواجد حالياً

    افتراضي -

    اقتباس المشاركة الأصلية كتبت بواسطة mastr_n مشاهدة المشاركة
    الحمد لله عمرى مافكر التفكير دة خالص نهائى انا بس نقلت المقالة دية علشان اوضحلك معنى الولاء والبراء انا غرضى افهم دينى صح مش قشور الحمد لله القشور موجودة والحمد لله ابويا رحمة الله علية كان بيدعو فى سبيل الله وعلمنى كتير فى فقة الصلاة والصوم انما انا عايز اتعمق اكتر ان شاء الله ناول اقرى اكتر فى الكتب الصحيحة انما التكفير والكلام دة طبعا مرفوض شكلا وموضوعا
    وجزالك الله كل خير
    أكيد طبعا حضرتك مش هتعمل كده
    بس برده لازم التنبيه لأن الأمور دي خفية ومش اختيارية يعني أكيد كل الناس اللي بتكفر مش متعمدة انها تكفر كده علشان فرحانين بالموضوع :) الشيطان بيدخلهم من مدخل حب الدين والدفاع عن الإسلام والكلام ده فبيبقى الموضوع نابع في الواقع من غيرة وحمية على الدين بس مش في موضعها للأسف ووارد جدا أي حد يقع في الموضوع ده ربنا يعافينا وإياك
    والعلم الشرعي الصحيح هو الوسيلة الوحيدة للنجاة من الوقوع في الكلام ده وكلما الشخص زاد علما كلما أغلق على الشيطان المداخل دي لذلك تلاقي معظم الناس اللي بتقع في البدع عموما -سواء تكفير أو غيره- جهال وميعرفوش من الدين الا اسمه ولذلك الرسول صلى الله عليه وسلم لما وصف الخوارج اللي بيكفروا الناس قال عليهم (حدثاء الأسنان) يعني صغيري السن وبالتالي قليلي العلم وكثيري الحماسة والله أعلم

    Freelancer Web Designer & E-marketer
    ( --- جــمــيــــع مــوضــوعـــاتـي --- )


  10. #20

    الصورة الرمزية mastr_n

    رقم العضوية : 50622

    تاريخ التسجيل : 21Oct2009

    المشاركات : 1,812

    النوع : ذكر

    الاقامة : El-Sharqia/Iraq

    السيارة: One enough

    السيارة[2]: kia cerato 2010

    دراجة بخارية: no

    الحالة : mastr_n غير متواجد حالياً

    افتراضي -

    hasad">

    بفضل اللة بعد لما قريت شوية كتب للحاضر الغائب رحمة اللة علية الدكتور مصطفى محمود اللى كان زى مايكون عارف اللى هايحصل فى العالم كلة مش فى مصر بس وادى روشتات لحكام العرب للخروج من النفق المظلم بس يخسارة والف خسارة على حال العرب والمسلمين
    ان شاء اللة انهاردة ابتديت فى كتاب الرحيق المختوم للتعمق فى سيرة خير البشر سيدنا محمد صلى اللة علية وسلم
    قد اية احساس جميل وانت بتعرف معلومة وتنمى تقافتك
    ياريت الناس تقرى وتتعلم صحيح الدين ونرجع زى زمان بدل مانسيب نفسنا ضحية للجهل

    لا الة الا انت سبحانك انى كنت من الظالمين



 
صفحة 2 من 3 الأولىالأولى 1 2 3 الأخيرةالأخيرة

المواضيع المتشابهه

  1. مشاركات: 8
    آخر مشاركة: 21-09-2011, 04:45 PM
  2. طالب مساعدة الاعضاء فى اسرع وقت
    بواسطة hotaloverman في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 1
    آخر مشاركة: 05-05-2011, 11:25 AM
  3. انا طالب مساعدة (بعيدا عن الشيفرولية)
    بواسطة mhmdalsaadany في المنتدى شــيفـرولــيه
    مشاركات: 21
    آخر مشاركة: 26-09-2010, 04:06 AM
  4. يا جماعة طالب مساعدة
    بواسطة HassanFadel في المنتدى المنتــــــدى الاجتمــاعى
    مشاركات: 3
    آخر مشاركة: 30-07-2010, 06:16 PM
  5. طالب مساعدة خبراء المنتدي
    بواسطة hany121 في المنتدى ورشـــة نــايل مــــوتـــورز
    مشاركات: 1
    آخر مشاركة: 19-06-2009, 11:27 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2