ايه اللي هيحصل لو بطاريه عربيتك 55 امبير و ركبتلها بطارية 70 او 75 امبير

**sinkort** · 19-02-2015 12:32 PM

السلام عليكم

ايه اللي هيحصل لو بطاريه عربيتك 55 امبير و ركبتلها بطارية 70 او 75 امبير ؟ هل هتبوظ حاجة في العربية ؟؟

و بعد ازنكم لو حد يعرف سعر البطارية الفارتا السلفر ال 55 بكام و منين ؟
و سعر ال AC Delco بكام و منين.

مع الشكر

**Mecha** · 19-02-2015 12:39 PM

بطارية اكبر مش هتبوظ اي حاجة ,يعتبر افضل المهم ليها مكان تركب فيه

**sinkort** · 19-02-2015 01:39 PM

اصل انا في واحد قالى ممكن تبوظلك فيوزات او حساسات في العربية ... خليك دايما في اللي زي اللي في الكتالوج

**pepo2011** · 19-02-2015 02:40 PM

لو البطارية اكبر هاتقابل مشكلة انها هاتكون حمل وعبء علي الدينامو لانه مطالب بشحن كمية اكبر مما يؤدي الي تقليل العمر الافتراضي للدينامو وثانيا البطاريا نفسها هاتبوظ بعد فترة لانك مش هاتستخدم الكمية المشحونة كلها
الموضوع نسبي الا لو انت بتشغل انوار وعدة صوت كتير مثلا

**Batman372** · 19-02-2015 03:56 PM

المشاركة الأصلية كتبت بواسطة sinkort

اصل انا في واحد قالى ممكن تبوظلك فيوزات او حساسات في العربية ... خليك دايما في اللي زي اللي في الكتالوج

هى مش حتبوظ حاجه ... اطمان
و الصح انك تلتزم بحجم بطاريه العربيه الاصلى
التغيير للاكبر ان الدينامو حياخد وقت اطول فى شحنها. و طبعا مع الوقت حيقل عمره لانه مصمم لشحن ال ٥٥
من ٥٥ الى ٧٠ ... الفرق قريب
لكن من ٤٥ الى ٧٠ ... الفرق كبير ...
ايضا كحسبه تكلفه مقابل العمر ... تقريبا واحد ...
تحياتى ...

**sinkort** · 19-02-2015 04:04 PM

الف شكر :)

طيب انا بالنسبالي عندى شاشة مرايا و كاميرا و مخادع دي في دى و زينون شبورة و كاسيت و سماعتين (و هركب زيرو باور و هزودهم يبقوا اربعة قريب ان شاء الله)

هحتاج اكبر مقاس البطارية من 55 لحاجة تانية و لا كده تمام ؟؟

**Batman372** · 19-02-2015 05:14 PM

المشاركة الأصلية كتبت بواسطة sinkort

الف شكر :)

طيب انا بالنسبالي عندى شاشة مرايا و كاميرا و مخادع دي في دى و زينون شبورة و كاسيت و سماعتين (و هركب زيرو باور و هزودهم يبقوا اربعة قريب ان شاء الله)

هحتاج اكبر مقاس البطارية من 55 لحاجة تانية و لا كده تمام ؟؟

طول لما العربيه دايره ... مفيش اى مشكله مع اى حجم للبطاريه ( حتى لو مفيش بطاريه اصلا :) ) ...لان فى الحاله دى الدينامو هو الى بيشتغل فقط و البطاريه بتتقلب شحن ...
لو بتشغل كل ده و العربيه واقفه (مش دايره) يبقى لو ركبت اكبر ... حتطول مده التشغيل و البطاريه مش حتفضى بسرعه ...
لكن الافضل و الصح لك تركيب الاصلى ال ٥٥ كفايه جدا للمحافظه على عمر الدينامو الى هو بتمن ١٢ بطاريه :)
تحياتى ...

**Eng.Omar_karem** · 19-02-2015 05:53 PM

الموضوع ده الناس مش متفقة عليه وفيه رأين ..

الاول ان فعلا لو البطارية اكبر من الاصليه بتاعت العربية ده هيأثر على عمر الدينامو وهيكون حمل اكبر عليه وهيبوظ بسرعة!!

والتاني بيقول ان مافيش اى تأثير على الدينامو لان ببساطة طول ما العربية شغالة الدينامو هو كمان شغال وبيشحن البطارية !! اللي بيحدد الشحن اللي داخل على البطارية هو كتاوت الشحن بمجرد البطارية ما تخلص شحن الكتاوت بيفصل ..لكن الدينامو في جميع الاحوال شغال وبيطلع شحن وبيشغل كل حاجة فى العربية وهى دايرة وفى الحالة دي مافيش حاجة اسمها ان البطارية الاكبر هتأثر على الدينامو عشان هتستهلك شحن اكبر لانه هو اصلا شغال طول ما العربية دايرة واللي بيحدد الشحن اللي داخل ع البطارية هو كتاوت الشحن

و عن نفسي انا مقتنع بالرأى التاني اكتر ان الدينامو مش هيتأثر بحاجة .. وبرضو الله واعلم :)

**sinkort** · 19-02-2015 06:42 PM

الف شكر يا جماعة لكم جميعا :-)

**Mecha** · 21-02-2015 12:13 AM

ادي ناس مش بس كبروا البطاريه لاوحطوا اتنين علي نفس الدينمو.البطاريه الكبيرة تريح الدينمو اعتبرها زي تنك الكمبرسور .مخزن كبير بيدي والدينمو يشحن براحته .لكن لو صغير الدينمو متحمل عالي عشان يغطي

الموضوع: ايه اللي هيحصل لو بطاريه عربيتك 55 امبير و ركبتلها بطارية 70 او 75 امبير

LinkBack

أدوات الموضوع

عرض

-

-

-

-

-

-

المواضيع المتشابهه

ماذا يحدث عند استبدال بطاريه ٦٦ امبير بآخري ٥٥ امبير

بطارية 2012 كورى 70 امبير جافة النت بتاعها 62 امبير

m11 محتاجه بطاريه ياترى ايه افضل بطاريه وتكون كام امبير

m11 محتاجه بطاريه ياترى ايه افضل بطاريه وتكون كام امبير

بطارية التيدا الاصليه كام امبير....ولحد كام امبير اركب

الكلمات الدلالية لهذا الموضوع

المفضلات

المفضلات

ضوابط المشاركة