الموضوع: اخيرا غيرت زجاج الكليو الامامى واليكم التفاصيل

انهارضه اخيرا غيرت الزجاج الامامى بعد ما تتشرخ من 5 سنين (اه والله ماشى بالزجاج مشروخ 5 سنين )
نزلت الاول شارع دمشق روحت عن محل اسمه دوسو كان عنده الجريش ب400 وفيه نوع اسمه امانكو ب360
ميزه الجريش انه نظيف زى الاصلى بالضبط بس مع اختلاف اللوجو ده رينو وصوره الاير باج موجوده ده عليه اللوجو بتاع د جريش
الامانكو ميزه انه عليه اللوجو بتاع رينو و صوره الاير باج بس اقل بكتر فى الجوده من الجريش ولو بصيت على الجزء المظلل اسود فى الزجاج الامانكو هتلاقيه مدهون اى كلام خالص (شكله مع الضوء وحش جدا )

المهم توكلت على الله وقررت انى اركب الجريش وكلمت المصنع بتاع د جريش ولقيت الزجاج عندهم ب355 فقط بالتركيب سألت انى لازم احجز ولا حاجه قالى تعالى فى اى وقت من 8 الى 5 معادا الجمعه والسبت
نزلت انهارضه على الساعه 1 الظهر متجه الى د جريش العاشر من رمضان حوالى 50 كم من القاهره
يعنى رايح جاى حوالى 100 كم
دخلت حاسبت الاول على ثمن الزجاج وادنونى رقم واستنيت 10 دقائق عقبال ما جابوا الزجاج من المصنع
التركيب بشيل الزجاج القديم وتركيب الجديد محدش اكتر من ربع ساعه وتركيبهم نظيف فوق ما تتخيلوا مفيش العك بتاع بره وتلاقى حت فى سيلكون كتير وطالع من تحت الزجاج او السيلكون مبهدل الدنيا لا تركبهم نظيف جدا
فى النهايه الراجل سألتى لو عايز اى استيكر من على الزجاج القديم قولتوا على بتاع الاير باج شالوا وحطوا على الجديد عادى مفيش مشكله وبعد كده لزق الزجاج بلزق معين علشان لما يتشال ميسبش اى اثر على صاج العربيه وكمان السليكون بتاعهم شكله نظيف اوى عامل زى بتاع الفابريكه
اه صحيح مرايه الصالون بتاعه الكليو بتشال وتتحط عادى ليها مجرى بتمشى فيه ده اكتر حاجه فرحنى ان الراجل شال المرايه وحطها فى المجرى بتاع الزجاج الجديد من غير ما يلزق مكان المرايه

المشاركة الأصلية كتبت بواسطة عمرو عمارة

مبارك ليمو باشا على الإزاز.....فعلاً سعره حلو جداً وماكنتش متخيل إن تركيبهم نضيف كده.....أخبار الجلد الي من بره ده إيه؟؟؟

الله يبارك فيك يا عمرو باشا

الجلد الى بره همه ثلاث اجزاء
جزء الناحيه لليمين وجزء تانى للناحيه الشمال وجزء للزجاج من فوق
الثلاث اجزاء دول منفصلين عن بعض وبيطلعوا عادى منفصلين عن الازاز ( مش لازم الازاز يطلع معاهم )
وبعد ما بيركب الازاز الجديد بالسيلكون بيركبو كبس فى الاماكن بتاعتهم