الموضوع: الأكاديمية البحريه

المشاركة الأصلية كتبت بواسطة yahiaashraf

كل الكليات او الجامعات الخاصة عموما بنظام الحجز
يعنى بمجرد انك بتخلص امتحانات ثانوية عامه بتروح تقدم مبدئيا كحجز مكان فقط مع العلم انك بتكون لسه مش عارف نتيجتك كام بس بيبقى حجز مكان فقط ولما بتعرف النتيجة بتقدم رسمى
وارد طبعا لو العدد اكتمل ميقبلوش ناس تانيه

الكلام اللى فوق ده الكلام الروتينى على مستوى جميع الجامعات الخاصة اللى هتسمعه من اى حد بس انا عايز اقولك على حاجة انا كليتى فى الفرع الرئيسى للأكادمية بأبى قير - الاسكندريه
واللى شوفته قدام عينى انك فى اى وقت ممكن تدخل عادى حتى لو كنت فى كلية تانية وعايز تحول عادى برده بس مش عارف نظام الفروع التانية للاكادمية ايه

طب ممكن حضرتك تقولي لو مش هرخم عليك :)

قسم اللوجيستيات الي حضرتك فيه ده بيخرج ايه يعني هتشتغل فين بعد التخرج وبتدرس ايه اصل انا اول مره اسمع بالكلمه دي وحاولت اقرأ مواضيع عنها دماغي صدعت ومفهمتش حاجه

المشاركة الأصلية كتبت بواسطة yahiaashraf

كلية النقل الدولى واللوجيستيات تعتبر مزيج بين كلية الهندسه وبين كلية التجارة
وبالمناسبة الكلية دى بره مصر تخصص من ضمن تخصصات كلية الهندسه

المهم خلينا فى الاكادمية دلوقتى الكلية فيها 3 أقسام
1 - إدارة لوجيستيات النقل
2 - ادارة اللوجيستيات وسلاسل الامداد
3- ادارة لوجيستيات التجارة الدولية

الكلية 4 سنين اول سنتين بتدرس ماود فى كل التخصصات ومن اول السنه التالته بتاخد مواد التخصص بتاعك فقط

تقدر تشتغل فى شركات بترول - سيارات - ادوية وأهم حاجة وهى شركات الملاحه وفى المطارات والموانىء
تقدر تشتغل برده فى بنوك يعنى المجال مفتوح كويسه


انا عارف ان عندك اسئلة كتير لانى فى يوم كنت فى حيرتك دى وكنت بسال زيك فلو عندك اى اسئلة مفيش مشكله :)

ربنا يخليك والف شكر لحضرتك على الاجابات

وللاسف عندي سؤال برضه بخصوص الضابط البحري ( بعد التخرج من الاكاديميه ) هل رتبة ضابط الي بتمنح لخريج الاكاديميه تعتبر رتبه عسكريه ؟؟؟ وليه حصانه وهيبه ومينفعش يتقبض عليه ولا رتبه تجاريه ملهاش لازمه :d

المشاركة الأصلية كتبت بواسطة black gold

ربنا يخليك والف شكر لحضرتك على الاجابات

وللاسف عندي سؤال برضه بخصوص الضابط البحري ( بعد التخرج من الاكاديميه ) هل رتبة ضابط الي بتمنح لخريج الاكاديميه تعتبر رتبه عسكريه ؟؟؟ وليه حصانه وهيبه ومينفعش يتقبض عليه ولا رتبه تجاريه ملهاش لازمه :d

ايها الشاب المقبل على الحياة...اولا تحياتي لحضرتك
الاكاديمية البحرية من الجامعات ذات السمعة الطيبة.....و اتمنى لك التوفيق فيها
معلوماتي - و الله اعلم - ان الحصانة الدبلوماسية لا تكون الا لاعضاء السفارات و القنصليات الاجنبية....حتى ان اعضاء السلك الدبلوماسي المصريين ليس لهم حصانة دبلوماسية الا خارج القطر المصري..اما داخل مصر فليس لهم حصانة....فالحصانة ليست ميزة للشخص المقررة له و انما هي ميزة للعمل الذي يقوم به
بالنسبة للشق الاخير من سؤالك فلا يوجد انسان في مصر سواء رتبة او غير رتبة يمتنع القبض عليه اذا ارتكب جريمة......يا راجل ده فيه رؤساء جمهورية في السجن
انصحك بالا تشغل بالك الا باختيار الدراسة المناسبة لك ....و بالتوفيق

المشاركة الأصلية كتبت بواسطة samyyousef

ايها الشاب المقبل على الحياة...اولا تحياتي لحضرتك
الاكاديمية البحرية من الجامعات ذات السمعة الطيبة.....و اتمنى لك التوفيق فيها
معلوماتي - و الله اعلم - ان الحصانة الدبلوماسية لا تكون الا لاعضاء السفارات و القنصليات الاجنبية....حتى ان اعضاء السلك الدبلوماسي المصريين ليس لهم حصانة دبلوماسية الا خارج القطر المصري..اما داخل مصر فليس لهم حصانة....فالحصانة ليست ميزة للشخص المقررة له و انما هي ميزة للعمل الذي يقوم به
بالنسبة للشق الاخير من سؤالك فلا يوجد انسان في مصر سواء رتبة او غير رتبة يمتنع القبض عليه اذا ارتكب جريمة......يا راجل ده فيه رؤساء جمهورية في السجن
انصحك بالا تشغل بالك الا باختيار الدراسة المناسبة لك ....و بالتوفيق

شكرا لرد حضرتك . كلام حضرتك جميل وفهمني الي مكنتش فاهمه

بس هوا فعلا المدرسيين في الاكاديميه ورئيسها يعتبروا هيئات دبلوماسية ويتمتعون بحصانه لان الاكاديميه تابعه لجامعة الدول العربيه بطريقه مباشره ولفت نظري اني قرأت في مقال عن الاكاديميه ان الطلاب الي فيها كمان كان ليهم حصانه !! بس اتلغت حاليا وبقت للاعضاء هيئة التدريس ورئيس الاكاديميه فقط

الي خلاني اسأل السؤال ده مش اني ناوي ارتكب جريمه يعني لا قدر الله

بس انا الي اعرفه ان الي ليهم حصانه مبيتقبضش عليهم الا لما الحصانه تترفع عنهم

طبعا الكلام ده كله بسأله عليه عشان اروح اقنح الحجه اقولها والنبي دخليني الاكاديميه دول بيبقى معاهم حصانه وبيبقوا ناس مهمين